ہیڈلائنز 1800
۔۔۔۔۔۔۔۔۔۔۔
سندھ حکومت نے کورونا ریلیف پیکج کا اعلان کر دیا، عوام کیلئے بڑی سہولتیں، کراچی سمیت صوبے بھر میں کم آمدن والوں کو گھر کا کرایہ دینا پڑے گا نہ پانی، بجلی اور گیس کا بل، کورونا ایمرجنسی ریلیف آرڈیننس تیار، پچاس ہزار روپے سے کم کرایہ فوری ادا نہیں کرنا پڑے گا، ایک لاکھ تک کرایہ ہونے کی صورت میں پچیس فیصد ادا کیا جائے گا، خلاف ورزی پر لینڈ اونرز کو دس لاکھ روپے تک جرمانہ ہو گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام آباد میں لانڈری اور ڈرائی کلیننگ کی دکانیں کھولنے کی اجازت، دکان پر ایک ہیلپر رکھنے کی اجازت ہو گی، اسلام آباد، پنجاب، سندھ اور خیبر پختون خوا میں اسپتالوں کی او پی ڈیز کھل گئیں، گلگت بلتستان میں آج اور کل کرفیو نافذ، اطلاق چار گھنٹے کیلئے ہو گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غور کر رہے ہیں لاک ڈاؤن میں کیسے کمی کریں، فیصلے صوبے خود کریں گے، وزیراعظم عمران خان کی کوئٹہ میں گفتگو، کہا، خدشہ ہے اپریل کے آخر تک کورونا کیسز بڑھیں گے، کیسز بڑھنے سے اسپتالوں پر دباؤ بڑھے گا، وائرس سے اکیلے نا وفاقی حکومت لڑ سکتی ہے نہ صوبائی حکومتیں، مکمل کوآرڈینیشن ہے، صورت حال کو مدنظر رکھ کر کام کر ہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ میں یوٹیلٹی بلوں میں بھی بڑی رعایت، بجلی کے ماہانہ دو سو ساٹھ یونٹ استعمال تک کوئی بل نہیں دینا ہو گا، گیس کے ایک سو پچپن یونٹ استعمال کرنے تک بھی بل ادا نہیں کرنا پڑے گا، اسی گز والے گھر کو پانی کا بل نہیں دینا پڑے گا، آٹھ سو اسکوئر فٹ والے فلیٹ بھی پانی کے بل سے مستثنیٰ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ میں تمام نجی اسکولوں کو بیس فیصد فیس لازمی کم کرنے کی ہدایت، کم گئی فیس مکمل معاف ہو گی، قسطوں میں بھی وصول نہیں کی جائے گی، خلاف ورزی پر دس لاکھ روپے تک جرمانہ ہو گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر تعلیم پنجاب کی والدین کو اسکول فیس کے واؤچر نہ بھرنے کی ہدایت، مراد راس نے کہا، پرائیویٹ اسکول ایسوسی ایشن کو شرم آنی چاہیے، جنہوں نے انہیں کروڑ پتی بنایا انہیں دو ماہ کیلئے ریلیف نہیں دیا جا رہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شعبہ طب سے وابستہ دس ہزار سے زائد افراد کو فوری میدان میں اتارا جائے، نیشنل کمانڈ اینڈ آپریشنل سینٹر کے اجلاس میں فیصلہ، ٹائیگر فورس میں رجسٹرڈ طبی عملے کی خدمات لی جائیں گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں کورونا کیسز کی تعداد چار ہزار چار سو سے بڑھ گئی، اموات تریسٹھ ہو گئیں، چوبیس گھنٹوں میں پانچ افراد چل بسے، دو سو اڑتالیس میں وائرس کی تصدیق ہوئی، دو ہزار سے زائد مریضوں کو مقامی طور پر وائرس منتقل ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راشن یا امداد لیتے وقت ایک دوسرے سے لازما فاصلہ اختیار کریں، وزیراعلیٰ سندھ مراد علی شاہ کہتے ہیں، جس چیز کا ڈر تھا آج وہی ہو گیا، ضلع سنٹرل میں کچی آبادی کے ایک ہی خاندان کے سات افراد میں کورونا کی تصدیق ہوئی، گھر کا سربراہ باہر سے وائرس لے کر گھر گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں کورونا کے مریضوں کےعلاج کیلئے پلازما تھراپی کے کلینکل ٹرائلز کی اجازت، ڈرگ ریگولیٹری اتھارٹی نے کلوروکوئن کے خام مال کی مقامی طور پر تیاری کی بھی اجازت دے دی، پاکستان میں تیار ہونے والے وینٹی لیٹرز کا کلینکل ٹرائل کیا جا سکے گا، ڈاکٹر ظفر مرزا کہتے ہیں، رواں ماہ کے آخر تک ملک میں کورونا کے پچاس ہزار کیسز ہو سکتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعظم عمران خان کا ایک روزہ دورہ بلوچستان، کورونا وائرس کی صورتحال پر اجلاس، کہا، صوبے میں اشیائے خورونوش بلا تعطل فراہم کی جائیں، گورنر اور وزیراعلیٰ بلوچستان سے بھی ملاقات، بولان میڈیکل کالج کوئٹہ میں قائم قرنطینہ مرکز کا بھی دورہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ حکومت نے ملازمین کو نکالنے پر پابندی لگا دی، نجی ادارے بروقت تنخواہ دینے کے بھی پابند ہوں گے، پچاس ہزار روپے تک تنخواہ میں کوئی کٹوتی نہیں ہو گی، ایک لاکھ روپے تک لینے والے کی تنخواہ پانچ فیصد کم کی جا سکے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فضائی حدود کی خلاف ورزی، پاک فوج نے بھارتی ڈرون مار گرایا، آئی ایس پی آر کے مطابق بھارتی ڈرون جاسوسی کے لیے پاکستانی فضائی حدود میں چھ سو میٹر تک اندر آیا، بھارتی فوج کی یہ حرکت پاکستان اور بھارت کے درمیان فضائی معاہدے کی خلاف ورزی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی حکومت کے احساس پروگرام کا آغاز ہو گیا، فردوس عاشق اعوان کہتی ہیں، ایک کروڑ بیس لاکھ خاندانوں کو امداد ملے گی، ہرخاندان کو تین ماہ کیلئے بارہ ہزار روپے ملیں گے، گھروں تک راشن پہنچانے کیلئے رضا کار فورس بنائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اقتصادی رابطہ کمیٹی نے بجلی کے بلوں میں فیول ایڈجسٹمنٹ جون تک مؤخر کر دی، ای سی سی نے چار سپلمینٹری گرانٹس کی منظوری بھی دے دی، تاپی گیس پائپ لائن منصوبے کے تحت گیس کی قیمتوں کے تعین کیلئے کمیٹی قائم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس سے نمٹنے کیلئے آئی ایم ایف آئندہ ہفتے پاکستان کو دو سو چونتیس ارب روپے سے زائد فنڈز جاری کرے گا، آئی ایم ایف حکام کا کہنا ہے، چھ ارب ڈالر کے اضافی فنڈ کی سہولت پر کام جاری ہے، پاکستان پروگرام کی پالیسیوں، اصلاحات پر عمل پیرا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بھر میں کورونا کیسز کی تعداد پندرہ لاکھ بتیس ہزار سے بڑھ گئی، نواسی ہزار سے زائد افراد لقمہ اجل بنے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکہ کورونا کے سامنے بے بس، ایک روز میں کسی بھی ملک میں سب سے زیادہ ہلاکتیں، دو ہزار کے قریب افراد چل بسے، مجموعی طور پر چودہ ہزار سے زائد ہلاکتیں ، چار لاکھ پینتیس ہزار سے زائد کیسز رپورٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیویارک نے کورونا کیسز میں ملکوں کو پیچھے چھوڑ دیا، کورونا کیسز کی تعداد کسی بھی ملک سے زیادہ، ڈیڑھ لاکھ سے زائد افراد وائرس سے متاثر، چھ ہزار سے زائد افراد زندگی کی بازی ہار گئے، مرنے والوں سے اظہار یک جہتی کیلئے ریاستی پرچم ایک دن کے لیے سرنگوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں پانچ سو بہتر کورونا کے مریض صحت یاب ہو گئے، پنجاب میں سب سے زیادہ اکیس سو سے زائد مریض، سندھ میں گیارہ سو سے زائد کیسز، خیبر پختون خوا میں پانچ سو ساٹھ، بلوچستان میں دو سو بارہ ، گلگت بلتستان میں دو سو تیرہ مریض، اسلام آباد میں ایک سو دو، آزاد کشمیر میں اٹھائیس کیسز رپورٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا کے باعث اسپتال میں داخل برطانوی وزیر اعظم بورس جانسن کی حالت میں بہتری آنے لگی، انتہائی نگہداشت یونٹ میں اٹھ کر بیٹھے، ڈاکٹرز سے اپنے صحت سے متعلق بات چیت بھی کی، برطانیہ میں کورونا سے سات ہزار سے زائد ہلاکتیں، ساٹھ ہزار سے زائد مریض
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسپین میں کورونا کے ڈیڑھ لاکھ سے زائد کیسز، چوبیس گھنٹے کے دوران مزید چار سو چھیالیس ہلاکتیں، مہلک وائرس پندرہ ہزار سے زائد جانیں نگل گیا، جرمنی میں ایک لاکھ تیرہ ہزار سے زائد کیسز، دو ہزار سے زائد افراد چل بسے، نیدر لینڈز اور بیلجیم میں بھی بائیس بائیس سو سے زائد ہلاکتیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اٹلی میں مزید پانچ سو بیالیس افراد جان کی بازی ہار گئے، سترہ ہزار چھ سو زائد ہلاکتیں، ایک لاکھ انتالیس ہزار سے زائد مریض، فرانس میں دس ہزار آٹھ سو سے زائد ہلاکتیں، ایک لاکھ بارہ ہزار سے زائد مریض
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بھر میں تین لاکھ سینتیس ہزار سے زائد افراد نے کورونا کو شکست دی، چین میں ستتر ہزار سے زائد مریض صحت یاب، اسپین میں پچاس اور جرمنی میں چھیالیس ہزار سے زائد مریض صحت یاب، اٹلی میں چھبیس، ایران میں انتیس ہزار سے زائد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلیٰ پنجاب عثمان بزدار نے راجن پور میں گندم کٹائی کا آغاز کر دیا، خود تھریشر چلایا، گندم خریداری مرکز کا دورہ بھی کیا،،، کہا، کورونا کے پیش نظر ایس او پیز پر عملدرآمد یقینی بنایا جائے، فاضل پور میں قائم قرنطینہ مرکز میں انتظامات کا جائزہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس کی وبا سے غربت میں اضافے کا خدشہ، اقوام متحدہ اور آکسفیم کے مطابق، ساٹھ کروڑ لوگ غربت کی لکیر سے نیچے جا سکتے ہیں، اکثریت کا تعلق جنوبی ایشیا اور افریقہ سے ہو گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسٹاک مارکیٹ میں ہنڈرڈ انڈیکس میں آٹھ سو چھیاسٹھ پوائنٹس کا اضافہ، انڈیکس اکتیس ہزار کی نفسیاتی حد عبور کر گیا، انٹر بینک میں ڈالر بیس پیسے سستا، قیمت ایک سو سڑسٹھ روپے اٹھارہ پیسے ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کا افغانستان میں گرفتار داعش رہنما اسلم فاروقی کی حوالگی کا مطالبہ، افغان سفیر کی دفتر خارجہ طلبی، ترجمان دفتر خارجہ نے کہا، اسلم فاروقی پاکستان مخالف سرگرمیوں میں ملوث رہا، پاکستان تحقیقات کرنا چاہتا ہے، دہشتگردی کا مقابلہ کرنے کیلئے افغانستان کا تعاون ناگزیر ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکی صدر ڈونلڈ ٹرمپ ایک مرتبہ پھر عالمی ادارہ صحت پر برس پڑے، کہا، ڈبلیو ایچ او نے کورونا کے خطرے کی بروقت نشاندہی نہیں کی، ادارے کے فنڈز روکنے کا سوچ سکتے ہیں، عالمی ادارہ صحت کی کورونا وائرس پر سیاست ختم کرنے کی اپیل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سعودی اتحاد کا یمن میں کورونا سے نمٹنے کیلئے جنگ بندی کا اعلان، سعودی نائب وزیر دفاع شہزادہ خالد بن سلمان کہتے ہیں، اتحادی فوج کی فائر بندی خطے میں استحکام لائے گی، اقوام متحدہ کے یمن پروگرام میں پانچ سو بلین ڈالر کی امداد دیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوشلسٹ نظریات رکھنے والے برنی سینڈرز نے صدارتی امیدوار کیلئے ڈیمو کریٹک مہم ختم کر دی، اگلے امریکی صدر کیلئے ڈونلڈ ٹرمپ اور جو بائیڈن کا مقابلہ ہو گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایمازون کے سی ای او جیف بیزوس مسلسل تیسرے سال امیر ترین شخص قرار، فوربز میگزین نے دنیا کے امیر ترین افراد کی فہرست جاری کر دی، بل گیٹس کا اٹھانوے ارب ڈالرزکے ساتھ دوسرا، فیس بک بانی مارک زکر برگ کا چوتھا نمبر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس سے امریکی صدر ڈونلڈ ٹرمپ کو ایک سو چوراسی ارب روپے سے زائد کا نقصان، یکم مارچ کو ٹرمپ کے اثاثوں کی مالیت تین اعشاریہ ایک ارب ڈالر تھی، ایک مہینے سے بھی کم وقت میں اثاثے کم ہو کر دو اعشاریہ ایک ارب ڈالر رہ گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لندن کے نارتھ وِک اسپتال میں تین نرسز میں کورونا وائرس کی تشخیص، حفاظتی لباس اور ماسک نہ ہونے کی وجہ سے نرسز کو ڈسٹ بن بیگز کا استعمال کرنا پڑ رہا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برطانوی شاہی جوڑے کی انگلینڈ میں اسکول کے بچوں سے ویڈیو کالنگ کے ذریعے گفتگو، بچوں نے شہزادے ولیم کو اپنی ایسٹر کی تیاریوں سے متعلق بھی بتایا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا کو خود سے دور رکھنے کا واحد طریقہ احتیاط ، اپنے اور اپنے پیاروں کی خاطر گھر پر رہیں، مجبوری کی حالت میں باہر نکلنا پڑے تو ماسک پہنیں، ہاتھ صابن یا سینیٹائزر سے بار بار صاف کریں، چہرے اور ماسک کو بالکل نہ چھوئیں، دوسروں سے کم از کم چھ فٹ کا فاصلہ برقرار رکھیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس سے موٹے افراد کو زیادہ خطرہ ہے، فرانس کے طبی ماہر نے خبردار کر دیا، کہا، موٹاپا مستقبل میں کورونا جیسی وبائی امراض میں اضافے کا سبب بن سکتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گھر میں رہو گے تو محفوظ رہو گے، معروف گلوکار شہزاد رائے نے گرائے گئے بھارتی جاسوس ڈرون کی تصویر سوشل میڈیا پر شئیر کی، کہا، یاد دلاتا جاؤں کہ ہم سب نے کورونا کے خلاف لڑنا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہالی ووڈ اسٹار جارج کلونی اور ان کی اہلیہ امل کلونی کورونا کے خلاف جنگ میں سولہ کروڑ پچاس لاکھ روپے سے زائد امداد دیں گے، رقم برطانیہ کے نیشنل ہیلتھ سسٹم کو دی جائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرکٹ بال کو تھوک سے چمکانا خطرناک ہے، کورونا پھیل سکتا ہے، ماہرین نے خبر دار کر دیا، احتیاط کریں، کرکٹ بال پر تھوک لگا کر چمکانے والے کرکٹرز پر پابندی لگ سکتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیسٹ ٹیم کے کپتان اظہر علی کہتے ہیں، نئے ڈومیسٹک سسٹم سے پاکستان میں کرکٹ کا معیار بہتر ہو گا، نئے اسٹرکچر سے سنٹرل کنٹریکٹ والے کرکٹرز کو فرق نہیں پڑا، آئی سی سی ٹیسٹ چیمپئن شپ کے بقیہ میچ جلد ہونے چاہیئں، چیمپئن شپ تبھی مکمل ہو گی، جب تمام ٹیمیں اپنے میچز کھیلیں گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بین اسٹوکس دنیا کے بہترین کرکٹر قرار، دو ہزار بیس کیلئے وزڈن نے اعلان کیا، بین اسٹوکس نے ورلڈ کپ اور ایشز میں یاد گار اننگز کھیلیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا سے کھیلوں کے ساتھ ساتھ کھلاڑی بھی متاثر، انگلش کاؤنٹی لیگ کے مقابلے ملتوی، کھلاڑیوں کی اپریل اور مئی کی تنخواہوں میں بھی کٹ لگ گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انگلش فٹ بال کلبز کیلئے اچھی خبر، پریمئیر لیگ کے مقابلے ملتوی ہونے کے باوجود انتظامیہ کی جانب سے پیسے ملیں گے، پوائنٹس ٹیبل کی بنیاد پر ایونٹ میں شامل تمام کلبز کو رقم دی جائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گالف اسٹار ٹائیگر ووڈز کے خلاف تشدد اور ہرجانے کی درخواست دائر، شہری نے پچاس لاکھ روپے سے زائد مانگ لیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاک ڈاؤن میں وقت گزارنے کا بہانہ، شائستہ لودھی نے ریزر اور قینچی اٹھا لی، گھر میں اپنے شوہر کی شیو بنائی، ویڈیو سوشل میڈیا پر شیئر کر دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستانی شوبز کے اداکار منظر صہبائی اور اداکارہ ثمینہ احمد نے شادی کرلی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عظیم شاعر منیر نیازی کا 93واں یوم پیدائش، منیر نیازی نے تیرہ اردو اور تین پنجابی شعری مجموعے تحریر کیے، ستارہ امتیاز سمیت کئی اعزازات سے نوازا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اداکارہ ماہرہ خان نے مداحوں سے ڈرامہ سیریل کرنے کا وعدہ کر لیا، کہا، لاک ڈاؤن کے بعد اپنی نانی کے گھر اور کام پر جانے کا بے صبری سے انتظار ہے، ماہرہ خان نے انکشاف کیا کہ، وہ نیند میں بہت باتیں کرتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گھر بیٹھ کر فلم دیکھنے کا رجحان، ڈزنی پلس کے پانچ کروڑ خریدار ہو گئے
About The Author
اے وی پڑھو
موہری سرائیکی تحریک دی کہاݨی…||ڈاکٹر احسن واگھا
سرائیکی وسیب کے شہر لیہ میں نایاب آوازوں کا ذخیرہ
فیمینسٹ!!!۔۔۔۔۔|| ذلفی