8اپریل 2020: آج پاکستان اور دنیا بھر میں کیا ہوا؟

حکومت کا چودہ اپریل سے تعمیراتی انڈسٹری کھولنے کا اعلان، وزیراعظم عمران خان کہتے ہیں، لاک ڈاؤن میں زرعی شعبے کو کام کی مکمل اجازت ہو گی، پابندیوں سے مزدور طبقے کو مشکلات ہیں، ایسے لاک ڈاؤن کا نہیں سوچ سکتے جیسا امریکہ یا چین میں کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کا احساس پروگرام کل سے شروع ہو گا، ایک کروڑ بیس لاکھ خاندانوں میں ایک سو چوالیس ارب روپے تقسیم ہوں گے، وزیراعظم عمران خان کہتے ہیں، پروگرام میں کسی قسم کی سیاسی مداخلت نہیں، اصل سیاست سوشل ورک ہے، تمام منتخب نمائندے آگے آئیں، مشکل وقت میں عوام کی مدد کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے دنیا بھر میں ساڑھے چودہ لاکھ کے قریب مریض، تراسی ہزار سے زائد ہلاکتیں، متاثرہ افراد کی تعداد امریکہ میں سب سے زیادہ، چار لاکھ سے زائد کیسز رپورٹ، پاکستان میں کورونا کے چار ہزار بہتر مریض، اموات اٹھاون ہو گئیں، بیالیس فیصد کیسز مقامی، جبکہ اٹھاون فیصد کیس بیرون ملک سے منتقل ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب کے بعد سندھ میں بھی اسکولوں کی فیس میں بیس فیصد کمی، خلاف ورزی پر سخت کارروائی کا عندیہ، پنجاب حکومت کی جانب سے فیسوں میں بیس فیصد کمی کو والدین نے مسترد کر دیا، فیسوں میں پچاس فیصد کمی کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیرتعلیم پنجاب مراد راس کہتے ہیں پرائیویٹ اسکول ایک ہفتے میں فیس کم کرکے والدین کو دوبارہ چالان بھجوائیں، جب تک ان کے پاس نیا چالان نہ آئے، والدین کو فیس دینے کی ضرورت نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کہتے ہیں، پاکستان میں لوگ سمجھتے ہیں کورونا ان پر اثر نہیں کرے گا، خدا کا واسطہ ہے اس غلط فہمی میں نہ پڑیں، یہ وائرس بہت خطرناک ہے، احتیاط کر کے بچ سکتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چودہ اپریل کو لاک ڈاؤن ختم ہونے کے امکانات انتہائی کم ہیں، وزیر ریلوے شیخ رشید کہتے ہیں، عمران خان نے کسی کو نہیں نکالا، عہدوں کی تبدیلی ہوئی ہے، پچیس اپریل کو رپورٹ آنے کے بعد معلوم ہوگا کون ملوث تھا، میرا نہیں خیال کہ عمران خان اور جہانگیر ترین میں فاصلے بڑھ جائیں گے، جہانگیر ترین پی ٹی آئی کا اہم حصہ ہیں اور رہیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حالات کو دیکھ کر چودہ اپریل کے بعد سندھ  میں لاک ڈاون میں نرمی کر سکتے ہیں، وزیر تعلیم سندھ سعید غنی کی پروگرام صبح سے آگے میں گفتگو،، کہا لاک ڈاؤن میں نرمی  قوانین  سے مشروط ہوگی ، اسکول انتظامیہ ہرماہ پیسے کماتی ہے، ایک دو ماہ کچھ نقصان ہوجائے تو حرج نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کے الیکٹرک کا میٹر ریڈنگ شروع کرنے کا فیصلہ، ماہانہ تین سو یونٹس سے کم استعمال والوں کو اقساط کی سہولت دی جائے گی، حکام نے کہا، جہاں میٹر ریڈنگ ممکن نہیں، وہاں کم ایوریج کی بنیاد پر بلنگ ہو گی، وزیر توانائی سندھ امتیاز شیخ کی عدم ادائیگی پر کنکشن نہ کاٹنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بجلی صارفین کو ریلیف ملے گا یا نہیں؟ اقتصادی رابطہ کمیٹی نے فیصلہ کل تک مؤخر کر دیا، ڈھائی ارب روپے کے رمضان ریلیف پیکج کی منظوری، اشیائے خور و نوش پندرہ سے بیس فیصد سستی فراہم کی جائیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں ہر قسم کے مذہبی اجتماعات کے انعقاد پر پابندی، محکمہ داخلہ سندھ نے وضاحتی نوٹی فکیشن جاری کر دیا، شب برات کے موقع پر قبرستان مکمل طور پر بند رہیں گے، ایسٹر کے اجتماعات بھی محدود، پنجاب میں بھی شب برات کے اجتماعات پر پابندی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپیکر قومی اسمبلی اسد قیصر کی زیر صدارت کورونا سے متعلق اجلاس، علما، وفاقی وزرا، سمیت اعلیٰ حکام کی شرکت، اسد قیصر کہتے ہیں، متحد ہو کر مشکل صورت حال سے نمٹنا ہو گا، وزیر مذہبی امور نور الحق قادری کی شب برات کی عبادت گھروں میں کرنے کی تلقین

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آصف زرداری کیخلاف منی لانڈرنگ کی تفتیشی رپورٹ میں اہم انکشافات، اومنی گروپ کے چیف فنانشل آفیسر اسلم مسعود وعدہ معاف گواہ ہیں، رپورٹ کے مطابق، مراد علی شاہ، منظور کاکا اور دیگر سے حاصل رقوم بیرون ملک منتقل کی گئیں، اسلم مسعود نے بتایا عبدالغنی مجید اور یونس قدوائی آصف زرداری کے فرنٹ مین ہیں، اسلم مسعود کے لیپ ٹاپ سے بھی اہم شواہد ملے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایف اے ٹی ایف کے تمام اجلاس اگست اور ستمبر تک ملتوی، پاکستان کو ایکشن پلان پر عمل درآمد رپورٹ جمع کرانے کیلئے بیس اگست تک کی مہلت مل گئی، کورونا وائرس اجلاس ملتوی کرنے کی وجہ بنا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں چار سو سڑسٹھ افراد نے کورونا وائرس کو شکست دی، پنجاب میں سب سے زیادہ مریض، کیسز کی تعداد دو ہزار سے زائد، سندھ میں نو سو بتیس، خیبر پختون خوا میں پانچ سو ستائیس کیسز، بلوچستان میں دو سوچھ،  گلگت بلتستان میں دو سو بارہ مریض، اسلام آباد میں بانوے، آزاد کشمیر میں انیس کیسز رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے اٹلی، فرانس، برطانیہ ، اسپین اور امریکا  میں تباہی مچا دی، ایک ہی روز میں پانچ  ہزار سے زائد اموات، پانچ ممالک میں اب تک ساٹھ ہزار سے زائد افراد کورونا کے باعث ہلاک

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست نیویارک کورونا کا مرکز، رجسٹرڈ کیسز ایک لاکھ بیالیس ہزار سے زائد ہو گئے، اب تک کورونا سے ہلاکتوں کی تعداد ساڑھے پانچ ہزار ہوگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوئٹہ میں ڈاکٹرز کا احتجاج رنگ لے آیا، کورونا کے مریضوں کا علاج کرنے کےلیے ماسک اور حفاظتی کٹس فراہم کردی گئیں، ینگ ڈاکٹرز نے اسپتالوں کے تمام شعبوں میں سروسز شروع کر دیں، وزیراعلیٰ بلوچستان کا ہڑتال ختم کرنے پر ڈاکٹروں کا خیر مقدم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صدر مملکت عارف علوی کی پنجاب سول سیکریٹریٹ آمد، کورونا کرائسز مینجمنٹ سیل کا بھی دورہ کیا، صدر سے وزیراعلیٰ کی ملاقات، صدر مملکت کی تمام محکمانہ ہیلپ لائنز کی تشہیر کرنے کی ہدایت، کہا، کورونا وائرس سے نمٹنے کیلئے سب کو ساتھ چلنا ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی صحت ڈاکٹر ظفر مرزا کہتے ہیں، ملک میں کورونا کیسز کی تعداد تخمینے سے کم ہے، اموات بھی تخمینے سے کم ہوئی ہیں، ظفر مرزا اور چیئرمین این ڈی ایم کی سپریم کورٹ میں کورونا کا پھیلاؤ روکنے اور قرنطینہ سنٹرز کے حوالے سے بریفنگ، لیفٹیننٹ جنرل محمد افضل کہتے ہیں، ججز ہمارے کام سے مطمئن ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ سندھ سے چینی ماہرین کی ملاقات، مراد علی شاہ نے کہا، چین سے ریپڈ ٹیسٹنگ مشینری اور کِٹس چاہئیں، وسائل محدود ہیں، روزانہ صرف دو ہزار چالیس ٹیسٹ کر سکتے ہیں، چینی وفد نے کہا، شہری جب تک سماجی دوری پر عمل نہیں کریں گے، کورونا ختم نہیں ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹائیگر فورس میں سات لاکھ سے زائد رضا کاروں کی رجسٹریشن، معاون خصوصی عثمان ڈار کہتے ہیں، فورس بے روزگار اور مستحق لوگوں کی نشاندہی کرے گی، سیاسی نمائندوں کی شرکت یقینی بنائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عمران خان یا ان کے خاندان میں کسی کی کوئی شوگرمل نہیں، فردوس عاشق اعوان کہتی ہیں رپورٹ پبلک کرنا دلیل  ہے کہ  وزیراعظم کی ترجیح  عوام کے مفاد کا تحفظ ہے، وزیراعظم نے خود احتسابی کی روشن مثال قائم کی، حکومت پر وار کرنے کی بجائے اپوزیشن کواپنا حساب دینا پڑے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد ہائیکورٹ کے جسٹس عامر فاروق، اکرم درانی کے خلاف آمدن سے زائد اثاثہ جات کیس کی سماعت کرنے والے بنچ سے الگ، عدالت نے نیب کی جانب سے اکرم درانی کی درخواست ضمانت فوری نمٹانے کی استدعا مسترد کر دی، عبوری ضمانت میں بارہ مئی تک توسیع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں مسلسل پانچویں روز ایک ہزار سے زائد ہلاکتیں، چوبیس گھنٹوں میں مزید ایک ہزار نو سو ستر افراد جان سے گئے ، ہلاکتوں کی مجموعی تعداد بارہ ہزار سے بڑھ گئی ، امریکی صدر کے ڈبلیو ایچ او کی کارکردگی پر تحفظات، کہا، ڈبلیو ایچ او کا رجحان چین کی طرف ہےہمیں غلط معلومات دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں ایک روز میں چودہ سو سے زائد افراد کورونا سے چل بسے، مجموعی طور پر دس ہزار تین سو سے زائد ہلاکتیں، ایک لاکھ  دس ہزار سے زائد مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا ساڑھے چودہ ہزار سے زائد جانیں نگل گیا، ایک لاکھ چھیالیس ہزار سے زیادہ متاثر، جرمنی میں ایک لاکھ سے زائد کیسز، دو ہزار سے زائد افراد چل بسے، نیدر لینڈز اور بیلجیم میں  بھی دو دو ہزار سے زائد ہلاکتیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا سے ہلاکتوں کی تعداد سترہ ہزار سے زیادہ، مزید چھ سو چار افراد جان کی بازی ہار گئے، ایک لاکھ پینتیس ہزار سے زائد مریض، ایک ماہ بعد ایک روز میں کورونا کے کم ترین کیسز رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا سے ہلاکتوں کی تعداد چھ ہزار سے بڑھ گئی، پچپن ہزار سے زائد مریض، وزیراعظم بورس جانس کو آئی سی یو وارڈ میں دو روز ہو گئے، ترجمان کے مطابق، بورسن جانسن کو وینٹی لیٹر پر منتقل نہیں کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احتیاط نہ کی گئی تو سعودی عرب میں دو لاکھ تک کیسز ہوسکتے ہیں، سعودی وزیرصحت نے خبردار کر دیا، کہا، ملکی و غیر ملکیوں کو احتیاطی اقدامات کو سنجیدہ لینا ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین کے شہر ووہان میں معمولات زندگی بحال، کورونا وائرس کے باعث چھہتر روزہ لاک ڈاون ختم، شہریوں کو گھروں سے نکلنے کی اجازت، شہر روشنیوں سے جگمگا اٹھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں تین لاکھ سے زائد افراد نے کورونا کو شکست دے دی، چین میں ستتر ہزار سے زائد مریض صحت یاب، اسپین میں اڑتالیس اور جرمنی میں چھتیس ہزار سے زائد مریض صحت یاب، اٹلی میں چوبیس، ایران میں ستائیس ہزار سے زائد ڈسچارج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی آئی اے کا خصوصی طیارہ عراق میں پھنسے ایک سو چھتیس پاکستانیوں کو لے کر اسلام آباد پہنچ گیا، ایئرپورٹ پر اسکریننگ، ایک مسافر کو بخار کی علامات پر پمز اسپتال بھیج دیا گیا، ایک سو پینتیس مسافر اور عملے کے گیارہ ارکان ہوٹلوں میں بنے قرنطینہ سنٹرز میں منتقل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے پاکستان میں ایک کروڑ افراد کے بیروزگار ہونے کا خدشہ، وزارت منصوبہ بندی کے ذیلی ادارے کی رپورٹ، دنیا بھر میں کم از کم، سوا، ارب کے قریب افراد کے روزگار کو خطرہ لاحق، مزدوروں کی عالمی تنظیم آئی ایل او نے خبردار کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کو خود سے دور رکھنے کا واحد طریقہ احتیاط، اپنے اور اپنے پیاروں کی خاطر گھر پر رہیں، مجبوری کی حالت میں باہر نکلنا پڑے تو ماسک پہنیں، ہاتھ صابن یا سینیٹائزر سے بار بار صاف کریں، چہرے اور ماسک کو بالکل نہ چھوئیں، دوسروں سے کم از کم چھ فٹ کا فاصلہ برقرار رکھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تھرپارکر میں غذائی قلت اور وبائی امراض سے پانچ بچے دم توڑ گئے، رواں سال مرنے والے بچوں کی تعداد ایک سو پچانوے ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ جموں و کشمیر میں بھارتی ریاستی دہشت گردی مسلسل جاری، قابض فوج نے نام نہاد سرچ آپریشن کے دوران ایک اور کشمیری نوجوان کو شہید کردیا، ایک رہائشی عمارت دھماکہ خیز مواد سے تباہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

افغان حکومت آج سو طالبان قیدیوں کو رہا کرے گی، رہائی پانے والوں میں طالبان کے پندرہ اہم رکن شامل نہیں، افغان میڈیا کے مطابق، ان پندرہ ارکان کی پہلے مرحلے میں رہائی کا مطالبہ کیا گیا تھا

۔۔۔۔۔۔۔۔۔۔۔۔۔۔۔۔۔۔۔۔۔

کورونا  کے خلاف جنگ میں ڈاکٹر اور پیرا میڈیکل اسٹاف کو خراج تحسین، خراج تحسین پیش کرنے کیلئے دنیا کے مختلف ہوٹلوں نے منفرد انداز اپنایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کھانے پینے کی اشیا پر تھوکنا مہنگا پڑ گیا، امریکی ریاست میسا چیوسٹس کے سپر اسٹور سے شہری گرفتار، جیل بھیج دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دبئی میں لاک ڈاؤن کی وجہ سے انوکھی مشکل، شہری نے  دوسری بیوی کے گھر جانے کا پرمٹ مانگ لیا، پولیس کو فون کر کے کہا، پرمٹ نہ ہونے سے دوسری بیگم کے پاس نہیں جا سکتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں لاک ڈاؤن مزید سخت، گھر کے باہر ورزش کرنے پر بھی پابندی، خلاف ورزی کرنے والے کو بیس ہزار روپے جرمانہ ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے خلاف جنگ، ٹوئٹر کے بانی اور چیف ایگزیکٹیو جیک ڈورسی کا ایک ارب ڈالر کی امداد کا اعلان، وبا کے خاتمہ کے بعد لڑکیوں کی تعلیم اور صحت پر توجہ دینے کے عزم کا اظہار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلینڈ کے وکٹ کیپر جوزبٹلر بھی کورونا سے متاثرہ افراد کی مدد کیلئے میدان میں، ورلڈکپ کے فائنل میں پہننے والی شرٹ ایک کروڑ روپے سے زائد میں نیلام کر دی، شرٹ پر ورلڈ کپ کی فاتح انگلش ٹیم کے کھلاڑیوں کے دستخط ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک ریکٹ اور گیند وقت گزارنے کیلئے کافی،  ٹینس اسٹار راجر فیڈرر نے سب کو چیلنج دے دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی سی بی کا تمام کھلاڑیوں کا آن لائن فٹنس ٹیسٹ لینے کا فیصلہ، ٹیسٹ میں پش اپس، سٹ اپس، چن اپس اور براڈ جمپ شامل ہوں گے، جم، اسکن فولڈ اور لانگ رننگ کا ٹیسٹ نہیں لیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سابق برازیلین فٹ بالر رونالڈینیو اور ان کے بھائی کو پیراگوئے کی عدالت نے ضمانت پر رہا کر دیا، دونوں بھائیوں پر پیراگوئے میں غیر قانونی طور پر داخل ہونے کا الزام ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں سپر مون کا نظارہ کیا گیا، ماسکو اور پیرس میں سپرمون دیکھا گیا، پاکستان، سعودی عرب، دبئی اور یونان میں بھی سپرمون کا نظارہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسد امانت علی خان کو مداحوں سے بچھڑے  تیرہ برس بیت گئے، ان کی غزلیں اور گیت  آج بھی کانوں میں رس گھولتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہارر فلم کینڈی مین بھی کورونا کا نشانہ بن گئی، فلم اب پچیس ستمبر کو ریلیز ہو گی، فلم نے بارہ جون کو ریلیز ہونا تھا

ویب ڈیسک

See author's posts