اویں تاں ساری بھوئیں تے جِتھ جِتھ بندے ماݨس دا پیرا پُڄے اوں اُتھائیں پاند پیڑھی ودھا تے وَسیوں چا بݨائی پر اڳلی پیڑھیاں وت اڳوہاں پندھ کریندے کئی ٻئی دھرتیاں دے واسی ونڄ بݨِے۔ اڄ سرائیکی دھرتی دے حقوق دی ڳالھ کرݨ آلے وی ݙو، چار، ست پیڑھیاں پِچھوں ایویں اپݨا تل چھوڑ تے اتھاں سرائیکی دھرتی دے نویں وسیندڑ اݨ تھئے ہوسِن۔ تہوں ڄئیں وی تَل وطنی، دھرتی ماء دا ڄایا سݙوائے اوں پہلے بھوئیں دے وسݨ آلے لوکاں نال رل دھرتی دے حقوق دی جنگ لڑتے نویں پیڑھیاں دا بیج اپݨے پیار پریت تے اعتبار دا وہائے۔
"ہسی” —ہک علامت ء تریمت دی۔۔۔۔ دھرتی دی ۔۔۔۔۔لاڄ دی۔۔۔۔۔ پریت دی ۔۔۔پیڑھیاں در پیڑھیاں دی ݙاݙی دی جیندے ہاں دے کوٹھڑیاں ءچ واہندے ویہلے دی اݨ ڳُڄھیاں پوتھیاں لاتِھن — اے کہاݨی صرف چولستان دی روہی رنگ رنگیلڑی ءچ ٻرہوپلے ابادکاراں دے ݙڈھپ دی نَئیں بھل ہر اوں بھوئیں دی وی ہے جتھ جتھ نویں ابادکاراں نے دھرتی دے سوہݨے رنگاں ءچ رنگیڄݨ توں انکار کیتے، اپݨی سُنڄاݨ کوں تل نال جوڑن دی بجائے اوپرے بݨ تے نفرت تے لُٹ دی سُڄاݨ بݨ ڳئن۔
عبداللہ عرفان ہوراں دی ایں شاہکار کہاݨی ءچ جتھ قیمتی موتیاں وانگوں سوہݨے لفظاں دے تھٻے لبھسِن اُتھاں سرائیکی ادب دا نویکلا تے اصلوں وکھرے انداز ءچ شارٹ سٹوری ، ڈرامہ پلاٹ، سین بندی، ڈائیلاگ دی ادائیگی تے قصولی دا ہُنر وی نشابر تھیسی ڄیہڑا جو نویں پیڑھیاں کیتے ادبی تے سیاسی شعور دا ایرا ٻدھیندے۔شہزادعرفان
About The Author
اے وی پڑھو
ریاض ہاشمی دی یاد اچ کٹھ: استاد محمود نظامی دے سرائیکی موومنٹ بارے وچار
خواجہ فرید تے قبضہ گیریں دا حملہ||ڈاکٹر جاوید چانڈیو
محبوب تابش دی درگھی نظم، پاݨی ست کھوئیں دا ||سعدیہ شکیل انجم لاشاری