کورونا کی وجہ سے لاک ڈاؤن پالتو جانوروں اور پرندوں پر بھی بھاری پڑ گیا

کورونا کی وجہ سے لاک ڈاؤن پالتو جانوروں اور پرندوں پر بھی بھاری پڑ گیا۔ دکانیں بند ہونے پر شہریوں کو گھروں میں پالے ہوئے پرندوں کی خوراک خریدنے میں مشکلات کا سامنا ہے۔

موذی وائرس کا پھیلاو روکنے کیلئے کاروبار زندگی معطل، گھروں میں محصور شہریوں کیلئے اپنے پالے ہوئے پرندوں کی چہچہاہٹ برقرار رکھنا امتحان بن چکا۔

لاک ڈاون کے دوران ٹولنٹن مارکیٹ ٹریڈرز ایسوسی ایشن کی درخواست پر فیڈ کی فروخت کیلئے دکانیں کھولنے کی اجات تو دی گئی ہے مگر صرف دو گھنٹے کی، جس کے باعث دکانوں پر رش لگنے سے سماجی فاصلے کی احتیاطی تدبیر پر عملدرآمد ممکن ہے نہ ہی شہری کم وقت میں پرندوں کی خوراک خرید سکتے ہیں۔

کمشنر لاہور کی جانب سے برڈز فیڈ کی دکانیں دوپہر دو سے چار بجے تک کھولنے کا نوٹیفیکیشن جاری کیا گیا، اس دوران پرندوں کی خریدو فروخت پر پابندی عائد کی گئی ہے۔

About The Author

نمائندہ

See author's posts