یکم اپریل 2020: آج پاکستان اور دنیا بھر میں کیا ہوا؟

پاکستان میں کورونا وائرس کی وبا بڑھے گی، وائرس کتنا پھیلے گا ایک ہفتے میں اندازہ ہو جائے گا، وزیراعظم عمران خان کہتے ہیں، کورونا کیخلاف جہاد میں ہیلتھ سیکٹر فرنٹ لائن پر ہے، لوگوں کو گھروں میں رکھنا ہے تو کھانا بھی دینا ہو گا، کنٹونمنٹ جنرل اسپتال راولپنڈی کا افتتاح بھی کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کیسز کی تعداد نو لاکھ کے قریب پہنچ گئی، پاکستان میں دو ہزار سے زائد مریض، چھبیس افراد جان کی بازی ہار گئے، بیاسی افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم کی زیر صدارت نیشنل کوآڑینیشن کمیٹی کا اجلاس، سول اور عسکری حکام کی شرکت، کورونا سے نمٹنے کیلئے حکمت عملی اور لاک ڈاؤن کے ممکنہ اثرات کا جائزہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ، اٹلی اور اسپین کورونا کے مرکز، تینوں ممالک میں مریضوں کی تعداد ایک ایک لاکھ سے بڑھ گئی، مجموعی طور پر چار لاکھ سے زائد مریض، تینوں ممالک میں پچیس ہزار سے زائد ہلاکتیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں ایک دن میں مزید آٹھ سو سینتیس افراد چل بسے، ہلاکتوں کی مجموعی تعداد بارہ ہزار چار سو سے زائد ہوگئی ، کورونا وائرس سے متاثرہ افراد ایک لاکھ پانچ ہزار سے بڑھ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا وبا نے چین سے زیادہ جانیں نگل لیں، ایک دن میں ساڑھے آٹھ سو سے زائد ہلاکتیں، مرنے والوں کی مجموعی تعداد چار ہزار سے تجاوز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا سے نو ہزار سے زائد افراد چل بسے، چوبیس گھنٹے میں مزید پانچ سو نواسی ہلاکتیں، فرانس میں ساڑھے تین ہزار، برطانیہ میں ڈیڑھ ہزار سے زائد ہلاکتیں، جرمنی میں اکہتر ہزار سے زائد کیسز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں ایک لاکھ چوراسی ہزار سے زائد افراد صحت یاب، تینتالیس ہزار سے زائد چل بسے، چین میں چھہتر، اسپین میں بائیس ہزار سے زائد مریض اسپتال سے ڈسچارج، جرمنی میں سولہ، اٹلی اور ایران میں پندرہ پندرہ ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کیسز مزید بڑھنے لگے، پنجاب میں سات سو چالیس، سندھ میں چھ سو چھہتر کیسز، خیبرپختون خوا میں دو سو ترپن، بلوچستان میں ایک سو اٹھاون مریض، اسلام آباد میں چون، گلگت بلتستان میں ایک سو چوراسی، آزاد کشمیر میں چھ افراد متاثر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب حکومت نے کورونا مریضوں کیلئے،، نو دنوں میں ،، ایک ہزار بستروں پر مشتمل اسپتال تیار کر لیا، وزیراعلیٰ عثمان بزدار نے عارضی اسپتال کا دورہ کیا، کہا، صورت حال کنٹرول میں ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں دکانوں کیلئے نئے اوقات کار مقرر، جنرل اسٹور اور گروسری کی دکانیں صبح نو سے شام پانچ بجے تک کھلی رہیں گی تندور، میڈیکل اسٹورز اور پیٹرول پمپس پر اطلاق نہیں ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی کورونا ریلیف فنڈ میں عطیات دینے کی اپیل، ٹویٹر پر نیشنل بینک اکاؤنٹ کی تفصیلات شیئر کر دیں، کہا، لاک ڈاؤن کے باعث افلاس کے کنارے کھڑے شہریوں کی مدد کریں، نوجوانوں سے ٹائیگر فورس کا حصہ بننے کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مہینے کا آغاز، کراچی کے شہریوں کی بینکوں کے باہر قطاریں، تنخواہوں کے حصول کے لیے آنے والے شہریوں نے احتیاطی تدابیر کا بھی خیال نہ کیا، لوگوں کے ہجوم کے باعث کورونا کے پھیلنے کا خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی بینک کی کورونا سے نمٹنے کیلئے پاکستان کی مدد، ایک سو بیس جدید وینٹی لیٹر حکومت کے حوالے، چوالیس خیبرپختون خوا کو دئیے گئے، ایک لاکھ این نائنٹی فائیو ماسک اور طبی عملے کی حفاظتی کٹس سمیت پینتالیس ہزار لیٹر سینیٹائزرز بھی فراہم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے نمٹنے کیلئے جاپان کی پاکستان کو ڈھائی ارب روپے کی گرانٹ، وفاقی وزیر حماد اظہر کہتے ہیں، بتیس کروڑ روپے جاری کر دئیے، رقم شعبہ صحت کو منتقل کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں پہلے ڈرائیو تھرو کورونا ٹیسٹ سنٹر نے کام شروع کردیا ، ناصر شاہ کہتے ہیں، گاڑی میں بیٹھے بیٹھے ٹیسٹ لیا جائے گا، ڈرائیو تھرو ٹیسٹ سے ڈاکٹرز اور شہری دونوں کی حفاظت ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی فردوس عاشق اعوان کہتی ہیں کورونا سے متعلق اعداد و شمار اور معلومات سے متعلق ایک حکمت عملی ہونی چاہیے، صوبائی وزرا اطلاعات بھرپور ذمہ داری نبھا رہے ہیں، متاثرہ علاقوں میں کام کرنے والے صحافیوں کو حفاظتی کِٹس دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جب تک حکومت کورونا کے ”ٹرینڈ“ کو سمجھے گی، بہت دیر ہو چکی ہو گی، اپوزیشن لیڈر شہبازشریف کہتے ہیں، حالات کا تقاضا ہے مشترکہ مفادات کونسل کا اجلاس روزانہ ہو، اسپیکر قومی اسمبلی کو خط، پارلیمانی کمیٹی کا اجلاس بلانے پر سراہا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن کا یہ مطلب نہیں ملک کا معاشی نظام روک دیا جائے، سابق وزیراعظم شاہد خاقان عباسی کہتے ہیں، کورونا معاملے پر حکومتی حکمت عملی نظر نہیں آئی، پورے ملک میں ایک جیسا لاک ڈاؤن کرنا ہو گا، وائرس کا پھیلاؤ روکنے کا یہی واحد طریقہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا حکومت کی مساجد میں پانچ سے زائد افراد کی جماعت پر پابندی، شہریوں کو گھر میں نماز پڑھنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وائٹ ہاوس نے امریکہ میں کورونا سے ڈھائی لاکھ اموات کا خدشہ ظاہر کر دیا، صدر ٹرمپ خبردار کیا، اگلے دو ہفتے امریکیوں کے لئے انتہائی تکلیف دہ ثابت ہو سکتے ہیں، ڈاکٹر انتھونی فاؤچی نے کہا، ہلاکتوں کی تعداد کم سے کم رکھنے کی بھرپور کوششیں کررہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیف جسٹس آف پاکستان جسٹس گلزار احمد کہتے ہیں، اسلام آباد ہائیکورٹ کا قیدیوں کی رہائی کا فیصلہ قانون کے مطابق نہیں، سندھ میں کرپشن کے ملزمان کو بھی رہا کر دیا گیا، سندھ میں کسی نے خود کو بادشاہ سمجھ کر فرمان جاری کیا، سپریم کورٹ کا جیلوں میں جانے والے تمام نئے قیدیوں کی اسکریننگ کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہماری پہلی ترجیح دنیا بھر میں ایئرپورٹس پر پھنسے لوگوں کو واپس لانا ہے، وزیرخارجہ شاہ محمود قریشی کہتے ہیں، کرائسزمینجمنٹ سیل پاکستانی سفارت خانوں کے ساتھ رابطے میں ہے، اعلیٰ سطح اجلاس میں پاکستانیوں کی مرحلہ وار واپسی کیلئے مختلف پہلوؤں کا جائزہ، شاہ محمود قریشی کا سعودی ہم منصب شہزادہ فیصل بن فرحان سے بھی رابطہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے متاثرہ افراد کا پتا لگانے کے لیے موبائل ایپ بھی متعارف، کراچی میں انووٹیو ہیلتھ کیئر سسٹم نے کورونا کی ریپڈ ٹیسٹنگ کے لیے کِٹس درآمد کر لیں، ادارے کا کہنا ہے ریپڈ ٹیسٹنگ حکومت کی اجازت سے کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے باعث یونیورسٹی نے آن لائن کلاسز کا آغاز تو کر دیا لیکن کئی طلبہ کو مسائل کا سامنا، کسی کے پاس انٹرنیٹ کی سہولت نہیں تو کوئی لیپ ٹاپ سے محروم، کتابیں بھی ہاسٹلز میں رہ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انٹر بینک میں ڈالر چالیس پیسے سستا ہو گیا، نئی قیمت ایک سو چھیاسٹھ روپے تیس پیسے ہو گئی، اسٹاک مارکیٹ میں مثبت رجحان، ہنڈرڈ انڈیکس میں دو سو تہتر پوائنٹس کا اضافہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مارچ دو ہزار بیس کے دوران مہنگائی کی شرح میں اعشاریہ دو پانچ فیصد اضافہ، ادارہ شماریات کے مہنگائی کے حوالے سے نئے اعدادوشمار، پھل گیارہ، چکن تین، ایل پی جی دو فیصد تک مہنگی ہوئی، ایک ماہ میں ٹماٹر تئیس، گندم اور آٹا آٹھ ،آٹھ فیصد سستا ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ورلڈ وار ٹو کے بعد کورونا وائرس بدترین بحران قرار، اقوام متحدہ کا کہنا ہے کورونا سے دنیا کے ہر ملک کو خطرہ لاحق ہے، کئی ممالک میں عدم استحکام، بدامنی اور تنازعات پھیلنے کا خدشہ ہے، وبا کے اثرات کی وجہ سے دنیا میں ڈھائی کروڑ افراد بے روزگار ہو جائیں گے، ترقی پذیر ممالک غریب ممالک کی مدد کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سی این این کے اینکر،، کرس کومو،، میں کورونا وائرس کی تشخیص، خود کو آئسولیٹ کر لیا، گھر سے شو کرتے رہیں گے، کرس کومو،، گورنر نیویارک ،، اینڈریو کومو،، کے بھائی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ کے علاقے ’’نارتھ امتھن‘‘ میں چور سینیٹائزر چرا کر فرار، چور نے اسپتال کی دیوار پر لگا سینیٹائزر چرایا، پولیس کا تحقیقات کا آغاز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کیخلاف جنگ،،،، جھنگ میں سینیٹائزر واک تھرو گیٹ کے بعد سینیٹائزر بائیک گیٹ بھی نصب، ڈیرہ غازی خان میں بھی ٹریفک چوک پر سینٹیائزر واک تھرو گیٹ نصب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اگر آپ بیمار نہیں تو فیس ماسک پہننے کی ضرورت نہیں، عالمی ادارہ صحت نے ہدایات جاری کر دیں، کہا، بیماری یا تیمارداری کی صورت میں چہرہ ڈھانپنا ضروری ہے، ماسک کے استعمال کے ممکنہ فوائد کے ثبوت نہیں مل سکے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیرمیں مارچ کے مہینے میں نو کشمیریوں کو شہید کیا گیا، قابض فورسز نے آٹھ سو چھ کشمیریوں کو حراست میں لیا، دھماکہ خیز مواد سے دو گھر تباہ، امریکی انسانی حقوق کے ادارے کا لاک ڈاؤن ختم کرنے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احتیاطی تدابیر کورونا سے بچاؤ کا واحد ہتھیار، صرف انتہائی مجبوری میں ہی گھر سے نکلیں، ہاتھ صابن سے دھوئیں، غیر ضروری اشیا کو ہاتھ نہ لگائیں، چہرے کو نہ چھوئیں، دروازہ ہاتھ کی بجائے کہنی سے کھولیں، ماسک پہنتے اور اتارتے وقت بھی ہاتھ اور چہرے کو نہ چھوئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا خطرناک، لیکن لڑ کر جیتنا ممکن ہے، برطانوی شہریوں نے لوگوں کو زندگی کی امید دے دی، شہریوں کو بہادری اور احتیاطی تدابیر پرعمل کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خوشیاں منائیں کیک بھی کھائیں لیکن کورونا کے خطرے کو نہ بھولیں، میکسیکو میں کورونا کیک تیار ہونے لگے، جس پر فیس ماسک، ٹشو رول کے ساتھ ہنڈ سینٹائرز بھی بنائے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اداکارہ مہوش حیات کی پاکستانیوں سے گھروں میں رہنے کی اپیل، کہا، کورونا وائرس وبا ہے کوئی چھٹی کا دن نہیں، ہماری ذرا سی لا پرواہی ہزاروں زندگیوں کو خطرے میں ڈال سکتی ہے، طبی عملے کی حفاظت یقینی بنانے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ممتاز شاعر، مشہور ملی نغموں کے خالق اور پاکستانی فلم انڈسٹری کے گوہر نایاب، مسرور انور کی آج چوبیسویں برسی، انیس سو پینسٹھ اور اکہتر کی جنگوں میں درجنوں ملی نغمے لکھے، ہیرا اور پتھر، جب جب پھول کھلے اور محبت زندگی ہے سمیت کئی فلموں کو یادگار گیت دیئے

۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا بھوت ڈراونی فلموں کو بھی چمٹ گیا، ہالی وڈ کی ہارر فلم “دی گھوسٹ بسٹرز”جولائی کے بجائے اگلے سال ریلیز ہو گی

About The Author

ویب ڈیسک

See author's posts