کرگل میں ایک خاتون نے قرنطینہ میں بچے کو جنم دیا

کرگل (ساوتھ ایشین وائر)لداخ یونین ٹریٹری کے ضلع ہسپتال کرگل میں قرنطینہ میں رہنے والی ایک خاتون نے بچے کو جنم دیا ہے۔

ساوتھ ایشین وائر کے مطابق ایک مقامی خاتون نے رضاکارانہ طور پر اس حاملہ خاتون کی مدد کی۔

بچے کو جنم دینے والی خاتون کے دیگر افراد خانہ بھی قرنطینہ میں ہیں۔

لداخ میں حکومت کے ترجمان رگزن سیمفل کے مطابق اس خطہ میں گذشتہ 13 دنوں کے دوران کورونا وائرس کا کوئی مثبت کیس سامنے نہیں آیا ہے اور ایکٹو کیسز کی تعداد دس ہے۔

القمرآن لائن کے مطابق انہوں نے کہاہمیں پچاس کیسز کی رپورٹ ملی ہے۔ ان میں سے 32 کرگل اور 18 لیہہ سے تھے۔ یہ سب کے سب منفی آئے ہیں۔

ہمارے پاس پازیٹو کیسز کی تعداد صرف دس ہے جن میں سے 8 لیہہ جبکہ دو کرگل میں زیر علاج ہیں۔

About The Author

نمائندہ

See author's posts