لاہور کے میو ہسپتال میں ڈاکٹروں کی غفلت سے کرونا وائرس کا مریض زندگی کی بازی ہار گیا، ڈاکٹروں نے مریض کو وینٹی لیٹر پر منتقل کرنے کے بجائے رسیوں سے باندھ دیا۔
سینئر صحافی حامد میر نے سماجی روابط کی ویب سائٹ ٹویٹر پر ٹویٹ کرتے ہوئے بتایا کہ آج میو ہسپتال لاہور کے کرونا وارڈ میں ایک مریض ڈاکٹروں کی سنگدلی کے باعث مارا گیا، اسے رات کو وینٹی لیٹر کی ضرورت تھی، مدد مانگی تو اسے رسیوں کے ساتھ بیڈ سے باندھ دیا گیا، صبح وہ انتقال کر گیا۔ ہمیں صرف ان سے پیار ہے جو مریضوں سے پیار کرتے ہیں جو مریضوں سے ظلم کرے گا اس بے نقاب کریں گے۔
میو ہسپتال لاہور میں ایک مریض محمد حنیف کی دل خراش موت سے کچھ لمحے پہلے کے دردناک مناظر ایک اور مریض کی زبانی اور یہ کہانی پنجاب کے وسیم اکرم پلس عرف شیر شاہ سوری کے تمام دعووں کی نفی کرتی دکھائی دیتی ہے ان دعووں کو سچ قرار دینے والوں کی عقل پر صرف ماتم کیا جا سکتا ہے pic.twitter.com/lVVcXEIoSh
— Hamid Mir حامد میر (@HamidMirPAK) March 27, 2020
ایک اور ٹویٹ میں حامد میر نے کرونا وائرس کے شکار چینل 24 کے پروڈیوسر شکیل خان کی ویڈیو اپ لوڈ کی اور ساتھ لکھا کہ چینل 24 کے پروڈیوسر شکیل خان کے سامنے کل رات میو ہسپتال لاہور کے کرونا وارڈ میں ایک مریض محمد حنیف کو رسیوں سے باندھ دیا گیا۔ اس ظلم کے بعد اس کی موت کی کہانی شکیل کی زبانی سنئیے۔ مریضوں کا خیال رکھنے والے طبی عملے کو ہمارا سلام لیکن محمد حنیف کے قاتلوں کو بے نقاب کرنا ہمارا فرض ہے۔
دوسری جانب سی ای او ڈاکٹر اسد اسلم کا کہنا ہے کہ میو ہسپتال کے کرونا وارڈ میں 73 سال کا شخص انتقال کر گیا ہے، مریض کی ہلاکت دل کا دورہ پڑنے سے ہوئی، مریض صبح واش روم گیا تو دل کا دورہ پڑا تھا۔
محکمہ صحت پنجاب کا کہنا ہے کہ لاہور کے میو ہسپتال میں جاں بحق ہونے والا 70 سالہ شخص شیخوپورہ کا رہائشی تھا۔ ترجمان ہیلتھ کیئر کا کہنا ہے کہ پنجاب میں کرونا وائرس سے جاں بحق افراد کی تعداد 4 ہو گئی ہے، لاہور میں تین اور راولپنڈی میں ایک مریض جاں بحق ہوا۔
ترجمان نے کہا ہے کہ پنجاب میں کرونا وائرس کے 419 کنفرم مریض ہیں، ڈی جی خان سے207 زائرین، ملتان سے 19 زائرین اور لاہور میں 113 افراد میں کرونا وائرس کی تصدیق ہوئی۔
ہیلتھ کیئر کے ترجمان کا کہنا تھا کہ گجرات میں 22، گوجرانوالہ میں 8، جہلم میں 19، پنڈی میں 12، ملتان میں 3، فیصل آباد میں 3، منڈی بہاالدین میں 2 کرونا کے کیسز ہیں۔ ترجمان کے مطابق نارروال، رحیم یار خان اور سرگودھا میں ایک ایک مریض اور اٹک، بہاولنگر میں بھی ایک ایک، میانوالی میں 2 مریضوں میں تصدیق ہوئی ہے۔
About The Author
اے وی پڑھو
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر
قومی اسمبلی دا تاریخی سیشن ،،26ویں آئینی ترمیم منظور