ترجمان پی آئی اے عبداللہ حفیظ کے مطابق صحت اور سیکورٹی کا بغور جائزہ لینے کے بعد مخدوش صورتحال کی وجہ سے شہریوں کی صحت اور سیکورٹی کو مد نظر رکھتے ہوئے حکومت پاکستان نے پی آئی اے کو خصوصی پروازیں چلانے کی اجازت منسوخ کر دی ہے۔
جس کی وجہ سے جمعہ اور ہفتہ کے روز ٹورنٹو ، لندن ، مانچسٹر اور برمنگھم کے لیے پلان کی گئی خصوصی پروازیں منسوخ کر دی گئی ہیں۔
پی آئی اے نے مسافروں کو ہونے والی زحمت پر معذرت کی ہے اور اس بات کا اعادہ کیا ہے کہ پی آئی اے اپنے مسافروں اور کریو کی حفاظت اور صحت کو مقدم رکھتی ہے۔
ترجمان کا کہنا تھا کہ تیزی سے بدلتی صورتحال کی وجہ سے مشکلات دنیا بھر کی حکومتیں اس عالمی وبا کا مقابلہ کرنے کے لیے اپنی حکمت عملی مسلسل تبدیل کر رہی ہیں تاکہ اپنے عوام کو اس سے محفوظ رکھا جا سکے۔
مسافر مزید رہنمائی کے لیے پی آئی اے کال سینٹر رابطہ کر کے فضائی آپریشن کی بحالی کے متعلق معلومات حاصل کر سکتے ہیں۔
ترجمان نے عوام سے درخواست کی کہ وبا سے بچاؤ اور اپنی حفاظت کے پیش نظر گھروں کے اندر قیام کریں۔ پی آئی اے کے کارکنان آپ کے لئے دعا گو ہیں۔
About The Author
اے وی پڑھو
قومی اسمبلی دا تاریخی سیشن ،،26ویں آئینی ترمیم منظور
صحت عامہ سے متعلقہ کمانڈ، کنٹرول، اور کمیونیکیشن کی صلاحیتوں کو بہتر بنانے کے لئے قومی ادارہ صحت میں ورکشاپ
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب