25مارچ2020:آج پاکستان اور دنیا بھر میں کیا ہوا؟

پاکستان میں کورونا کا ایک اور مریض جاں بحق، مہلک وائرس آٹھ جانیں نگل گیا، ملک میں کورونا کے ایک ہزار مریض، اکیس مریض صحت یاب، مردان کی یونین کونسل منگا میں انتالیس افراد کے کورونا ٹیسٹ مثبت آگئے، اسلام آباد میں بھارہ کہو کا علاقہ سیل، علاقے میں سولہ افراد میں کورونا وائرس کی تصدیق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خوف اور گھبراہٹ میں کیے فیصلوں کے نتائج درست نہیں ہوتے،کورونا کے خلاف جنگ پاکستان ضرور جیتے گا،، وزیراعظِم عمران خان کا پارلیمانی رہنماؤں سے ویڈیو لنک پر خطاب، کہتے ہیں، پاکستان میں لاک ڈاؤن کے معاملے پر کنفیوژن ہے، ابھی ٹرانسپورٹ مکمل بند کرنے والے مکمل لاک ڈاؤن کی طرف نہیں جا سکتے، معاملے پر اپوزیشن سے تجاویز کا تبادلہ کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم اجلاس سے کیوں گئے؟ اپوزیشن رہنما ناراض، شہباز شریف اور بلاول بھٹو زرداری کا پارلیمانی رہنماؤں کے اجلاس کا بائیکاٹ، شہباز شریف نے کہا، وزیر اعظم اپوزیشن کے ساتھ بیٹھنے کو تیار نہیں، یہ ملک کے سربراہ کی سنجیدگی کا لیول ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی اطلاعات فردوس عاشق اعوان کہتی ہیں، قومی اتحاد کی ضرورت تھی، بلاول اور شہباز شریف نے اس سے گریز کیا، کورونا کا پھیلاؤ کم کرنے میں اپوزیشن بھی حصہ دار بنے، تنقید کی بجائے کورونا سے نمٹنے کیلئے قوم کو یکجا کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انٹربینک میں ڈالر تین روپے مہنگا، ایک سو باسٹھ روپے  کا ہو گیا، اسٹاک مارکیٹ میں بھی شدید مندی، کاروبار کے دوران  ہنڈرڈ انڈیکس تیرہ سو سے زائد پوائنٹس گر گیا، انڈیکس اٹھائیس ہزار پوائنٹس کی نفسیاتی حد سے بھی نیچے آ گیا، مارکیٹ دو گھنٹے بند رہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیٹرول پندرہ روپے سستا ہوگیا نئی قیمت چھیانوے روپے ساٹھ پیسے ، ڈیزل کی قیمت میں بھی پندرہ روپے فی لیٹر کمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے باعث سوا کھرب روپے کا پیکج جاری کیا، ڈاکٹر عبدالحفیظ شیخ کہتے ہیں، فنڈز صوبوں کی مشاورت سے تقسیم کیے جائیں گے، ملک بھر میں پچاس لاکھ خاندانوں کو مالی امداد دی جا رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین کا خصوصی طیارہ پاکستان پہنچ گیا، طیارہ این نائنٹی فائیو سرجیکل ماسک اور دیگر میڈیکل سامان لے کر پہنچا،وزیراعلیٰ سندھ نے ماسک کی کھیپ وصول کی،چین کے سفارت خانے کے مطابق ماسک علی بابا فاؤنڈیشن کی جانب سے عطیہ کیے گئے، مشکل حالات میں چین پاکستان کے ساتھ کھڑا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے احتیاط کیلئے حکومتی اقدامات، ملک بھر میں فضائی اور زمینی راستوں سے سفرپر پابندی،مقامی  فضائی پروازیں کل سے بند ہوں گی ، ٹرینوں کا پہیہ بھی دو اپریل تک جام، پنجاب اور سندھ میں مکمل لاک ڈاون ،،خیبر پختونخوا میں جزوی لاک ڈاون جاری،پنجاب میں بلدیاتی الیکشن نو،، ماہ تک ملتوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر ٹرانسپورٹ سندھ اویس قادر شاہ نے صوبے میں کرفیو نافذ کرنے کا مطالبہ کردیا، کہتے ہیں  لوگ لاک ڈاؤن کی مسلسل خلاف ورزی کررہے ہیں، صوبائی حکومت دیہاڑی دار مزدوروں کو راشن دے  گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا حکومت جلد امدادی پیکج کا اعلان کرے گی، وزیراعلیٰ محمود خان کہتے ہیں، وائرس پر قابو پانے کیلئے رضاکار ٹیمیں بنا رہے ہیں، قوم، حکومت اور فوج  مل کر کورونا کو شکست دے گی،، مشیر اطلاعات اجمل وزیر کہتے ہیں ڈی آئی خان قرنطینہ سنٹر میں موجود افراد میں کورونا کی تشخیص ہوئی ہے

۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی زیرصدارت ویڈیو لنک کے ذریعے وفاقی کابینہ اجلاس، کورونا  سے پیدا صورتحال اور اقدامات سمیت آٹھ نکاتی ایجنڈے پر غور، ذخیرہ اندوزں کے خلاف کیے اقدامات کا جائزہ، غیر ملکی کاروباری قرضہ جات اور منافع پر ٹیکس استثنیٰ پر بھی غور

۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کورونا کیسز کی تعداد میں مسلسل اضافہ، متاثرہ افراد کی تعداد چار سو تیرہ ہو گئی، پنجاب میں دو سو چھیانوے افراد میں وائرس کی تشخیص، بلوچستان میں ایک سو پندرہ کیسز، گلگت بلتستان میں اکاسی، خیبر پختون خوا میں اٹھہتراسلام آباد میں سولہ اور آزاد کشمیر سے ایک کیس رپورٹ ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا خطرہ، اسلام آباد ہائی کورٹ نے تمام عدالتوں کو فریق کی عدم حاضری پر یکطرفہ فیصلے سے روک دیا، اسلام آباد کی تمام عدالتوں میں عدم حاضری پر مقدمہ خارج بھی نہیں ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس برطانوی شاہی خاندان تک پہنچ گیا، برطانوی ولی عہد شہزادہ چارلس میں کورونا وائرس کی تصدیق، بکنگھم پیلس حکام کے مطابق، شہزادے کا ٹیسٹ مثبت آیا، اسکاٹ لینڈ میں آئسولیٹ کر دیا گیا، شہزادے کی اہلیہ کمیلا کا ٹیسٹ نیگیٹو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے چار لاکھ  چونتیس ہزار سے زائد مریض ، مہلک وائرس ساڑھے انیس ہزار سے زائد جانیں نگل گیا، ایک لاکھ گیارہ ہزار سے زائد مریضوں نے کورونا کو شکست دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں چوبیس گھنٹے میں سات سو تینتالیس افراد مزید ہلاک، مرنے والوں کی تعداد سات ہزار کے قریب پہنچ گئی، پانچ ہزار سے زائد نئے کیسز رپورٹ، کل کیسز کی تعداد ستر ہزار کے قریب جا پہنچی، لاک ڈاؤن کی خلاف ورزی پر چار ہزار یورو تک جرمانے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں بھی کورونا بے قابو، وائرس مزید دو سو دس جانیں نگل گیا، مرنے والوں کی تعداد سات سو چوراسی ہو گئی، چون ہزارسے زائد افراد میں وائرس کی تشخیص، امریکہ کورونا وائرس کا نیا مرکز بن سکتا ہے، ڈبلیو ایچ او نے خبردار کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے یورپ کو جکڑ لیا، بارہ ہزار سے زائد ہلاکتیں، اٹلی کے بعد اسپین میں بھی ہلاکتوں کی تعداد چین سے بڑھ گئی، چوبیس گھنٹے میں چار سو تینتالیس افراد چل بسے، مرنے والوں کی تعداد چونتیس سو سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی آئی اے کا انسانی ہمدردی کی بنیاد پر چار خصوصی پروازیں چلانے کا فیصلہ، تین پروازیں برطانیہ اور ایک کینیڈا جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان نے نیشنل کوآرڈینیشن کمیٹی کا اجلاس کل طلب کر لیا، وفاقی کابینہ کے اجلاس میں فیصلہ، کورونا سے پیدا ہونے والی صورتحال اور اقدامات کا جائزہ لیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور کے علاقے شاہدرہ گیس ٹینکر میں آگ لگ گئی، حادثے میں ایک شہری جاں بحق، آگ سے ملحقہ پٹرول پمپ اور پارکنگ اسٹینڈ بھی خاکستر

۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں ٹرک کے ذریعے حیدر آباد جانے کی کوشش پر پچیس افراد پکڑے گئے، لاک ڈاؤن کی خلاف ورزی کرتے ہوئے ہر مسافر سے تین سو روپے کرایہ لیا جا رہا تھا، ڈرائیور کے خلاف مقدمہ درج، لاہور کے علاقے شاہدرہ میں ایک فیملی میں کورونا وائرس کی جھوٹی خبر پھیلانا والا بھی گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر فواد چودھری کہتے ہیں پاکستان انجینئرنگ کونسل وینٹی لیٹرز کی تیاری پر کام کر رہی ہے، کورونا ٹیسٹنگ کٹس  بھی بنوانے کی کوشش کر رہے ہیں، روزانہ کی بنیاد پرآٹھ ہزار سینی ٹائزرز بنائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس بڑی آسانی اور تیزی سے پھیلتا ہے، باجماعت اور جمعہ کی نماز پر قانونی طور پر پابندی لگا سکتے ہیں، صدر مملکت عارف علوی کی درخواست پر جامعہ الازہر مصر کا فتویٰ، کہا، معمر افراد گھروں پر رہیں، باجماعت اور جمعہ کے اجتماعات میں شرکت نہ کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وائرس کے شبہ والے افراد مسجد میں نہ آئیں، پاکستان کے مختلف مکاتب فکر کے علما کا اعلامیہ، مفتی منیب الرحمان نے کہا، نابالغ بچے مسجد میں نہ آئیں، مساجد سے قالین اٹھا دیں، علامہ شہنشاہ نقوی کی ہر قسم کے اجتماعات روکنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے دو مہینے میں ہلاکتوں کی تعداد دگنی ہو گئی، شرح اموات بھی دو فیصد سے بڑھ کر چار اعشاریہ چار فیصد تک ہو گئی، اٹلی میں شرح اموات نو فیصد سے بھی بڑھ گئی

۔۔۔۔۔۔۔۔۔۔۔۔

برطانیہ میں ایک ہی روز میں دو پاکستانی کوروناوائرس سےچل بسے، ہلاکتیں چار سو بائیس ہوگئیں،آٹھ ہزار سے زائد افراد متاثر،کورونا سے نمٹنے کیلئے ڈھائی لاکھ رضا کار درکار، برطانوی وزیر صحت نے مدد طلب کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں جزوی لاک ڈاؤن پبلک دفاتر صبح دس سے شام چار بجے تک کھلیں گے ۔ مارکیٹیں، شاپنگ مالز، ریسٹورنٹس اور نجی دفاتر بند رہیں گے ۔ میٹرو بس سروس بھی دن میں دو بارصبح اورسہ پہر کھلے گی ، ہر قسم کے اجتماعات پر پابندی،، اسپتالوں میں اوپی ڈیز کو بند کردیا گیا

۔۔۔۔۔۔۔۔۔۔۔۔۔۔۔۔۔۔۔۔

روسی صدر ولادی میر پیوٹن کی کورونا مریضوں کے اسپتال آمد، مکمل حفاطتی لباس پہن کر وارڈ میں گئے، صدر کا کہنا تھا کہ صورت حال کنٹرول میں ہے

۔۔۔۔۔۔۔۔۔۔۔۔۔۔۔۔۔۔۔۔۔۔

افغانستان میں دہشت گردوں کا  سکھوں کی تقریب پر حملہ، گیارہ افراد ہلاک، افغان میڈیا کے مطابق حملہ کابل کے علاقے شور بازار میں کیا گیا، سیکیورٹی فورسز کی فائرنگ سے چار حملہ آور مارے گئے، پاکستان کی جانب سے واقعے کی مذمت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد، پنجاب، خیبر پختون خوا، بلوچستان کے کئی شہروں میں بارش، کراچی میں بھی بوندا باندی، وادی نیلم میں بارش اور پہاڑوں پر برفباری، محکمہ موسمیات کی آئندہ تین روز تک بادل برسنے کی پیش گوئی، بارشوں سے گندم کی فصل کو نقصان پہنچنے کا خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔

روجھان بڑی تباہی سے بچ گیا سکیورٹی فورسسز کی  کارروائی، تین دہشت گردوں کو دو ریموٹ کنٹرول بم اور اسلحہ سمیت گرفتار کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔

خبردار ۔۔ کرنسی نوٹ کورونا کے پھیلاو کا ذریعہ بن سکتے ہیں ۔۔ اے ٹی ایم ۔۔ انٹرنیٹ اور موبائل بینکنگ کا استعمال کریں، پاکستان بینکس ایسوسی ایشن کی صارفین سے اپیل، کہا، بینک برانچ سے کم سے کم رابطہ کریں، اے ٹی ایم کے استعمال کے بعد ہاتھوں کو صابن سے دھوئیں یا سینی ٹائزر کا استعمال کریں

۔۔۔۔۔۔۔۔۔۔۔۔۔۔۔۔۔

کورونا سے بچنا ہے تو صرف انتہائی مجبوری میں گھر سے نکلیں، ہاتھ صابن سے دھوئیں، غیر ضروری اشیا کو ہاتھ نہ لگائیں، چہرے کو نہ چھوئیں، دروازہ ہاتھ کی بجائے کہنی سے کھولیں، ماسک پہنتے اور اتارتے وقت بھی ہاتھ چہرے کو نہ چھوئیں

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بچاؤ کیلئے احتیاط ضروری،، خود کو دوسرے افراد سے علیحدہ کرلیں، بخار، کھانسی، سانس لینے میں دشواری اور جسم میں درد جیسی علامات ہوں تو اپنے قریبی طبی مرکز جائیں یا ڈبل ون ڈبل سکس پر رابطہ کریں

۔۔۔۔۔۔۔۔۔۔۔۔۔۔۔۔۔۔۔۔

ورلڈ کپ انیس سو بانوے کی جیت پاکستانی کرکٹ کی تاریخ کا سب سے یادگار لمحہ، تاریخی فتح کو اٹھائیس برس بیت گئے

۔۔۔۔۔۔۔۔۔۔۔۔۔۔۔۔۔۔۔

ونڈر ویمن بھی کورونا کی شکار، گال گادت کی ایکشن سے بھرپور فلم اب چودہ اگست کو ریلیز کی جائے گی

About The Author

ویب ڈیسک

See author's posts