23مارچ2020:آج پاکستان اور دنیا بھر میں کیا ہوا؟

چاروں صوبوں سمیت ملک بھر میں فوج تعینات کرنے کی منظوری، وفاقی وزارت داخلہ نے  نوٹیفکیشن جاری کر دیا، پنجاب میں چودہ روز کیلئے لاک ڈاؤن کا اعلان، وفاقی حکومت کی بیرونِ ملک پاکستانیوں سے دو ہفتے کیلئے واپس نہ آنے کی اپیل، سندھ میں لاک ڈاؤن کا پہلا روز، خیبر پختون خوا میں جزوی لاک ڈاؤن کا دورانیہ بڑھا دیا گیا، بلوچستان، آزاد کشمیر اور گلگت بلتستان میں بھی جزوی لاک ڈاؤن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر تعلیم سندھ سعید غنی میں کورونا وائرس کی تشخیص، ویڈیو بیان میں کہا، گزشتہ روز کورونا کا ٹیسٹ کروایا جو مثبت آیا، بیماری کی کوئی علامات ظاہر نہیں ہوئیں، خود کو بلکل صحتمند محسوس کر رہا ہوں، ذمہ داریاں آئسولیشن میں رہ کر ادا کر رہا ہوں، شہری بھی گھروں میں رہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں لاک ڈاؤن کا اطلاق کل سے ہو گا، بازار، شاپنگ مالز، ریسٹورنٹ، نجی اور سرکاری ادارے سب بند رہیں گے، میڈیکل، کریانہ اسٹور، بیکریاں اور سبزی کی دکانیں کھلی رہیں گی، پبلک ٹرانسپورٹ اور ڈبل سواری پر بھی پابندی عائد،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی سمیت سندھ بھر میں لاک ڈاون کا پہلا روز، سرکاری دفاتر اور عوامی مقامات بند، میڈیکل اسٹورز، پرچون ، سبزی کی دکانیں ،اسپتال اور پیٹرول پمپس کھلے ہیں، کراچی کی مرکزی سڑکوں پر سناٹے کا راج، کئی سڑکیں بیرئیر لگا کر بند کردی گئیں، پولیس اور رینجرز کا گشت، ایمرجنسی میں نکلنے والے کے پاس شناختی کارڈ ہونا لازمی قرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیرون ملک پاکستانی دو ہفتے کیلئے پاکستان کا سفر نہ کریں، معاون خصوصی معید یوسف کہتے ہیں، ٹکٹ منسوخ کرا دیں، پاکستان کا سفر نہ کریں، ڈاکٹر ظفر مرزا نے کہا، عہد کرنا ہو گا کورونا وائرس کا مل کر مقابلہ کرنا ہے، خسرو بختیار بولے، قومی غذائی ضرورت کا نوے فیصد ملک میں موجود ہے، عوام پریشان نہ ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا سے چوبیس گھنٹوں میں تین افراد جاں بحق، مرنے والوں کی تعداد چھ ہو گئی، ملک بھر میں مہلک وائرس سے متاثرہ افراد کی تعداد آٹھ سو سے بڑھ گئی، پاکستان کا مریضوں کے لحاظ سے ستائیسواں نمبر، پانچ مریض صحت یابی کے بعد اسپتال سے ڈسچارج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا میں جزوی لاک ڈاؤن میں ایک ہفتے کی توسیع، آزاد کشمیر میں تین ہفتے کیلئے مکمل لاک ڈاؤن، شاپنگ سنٹرز، ریسٹورنٹ، اجتماعات اور ٹرانسپورٹ پر پابندی عائد، اشیائے خوردونوش کی دکانیں کھلی رہیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاق سندھ حکومت کے لاک ڈاؤن کی تشریح سے متفق نہیں، فردوس عاشق اعوان کہتی ہیں، آرٹیکل دو سو پینتالیس کے تحت صوبوں کو فوج طلب کرنے کا اختیار دیا گیا، کچھ لوگ خود کو قرنطینہ میں رکھ کر ملک سے باہر چلے گئے تھے، کورونا جیسے پر مسئلے پر سیاسی دکان چمکانا ٹھیک نہیں

۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے سندھ سب سے زیادہ متاثر، کیسز کی تعداد تین سو باون ہو گئی، پنجاب میں دو سو بیالیس افراد میں وائرس کی تشخیص، بلوچستان میں ایک سو آٹھ، گلگت بلتستان میں اکہتر مریض، خیبر پختون خوا میں اکتیس، اسلام آباد پندرہ اور آزاد کشمیر میں ایک کورونا کیس رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بارہ کہواسلام آباد میں کورونا کیس کی تصدیق پر انتظامیہ کا لاک ڈاؤن کا فیصلہ، علاقے میں ایک کیس کی تصدیق کے بعد مزید مشتبہ کیسز بھی سامنے آئے، دو روز پہلے روز پہلے علاقے میں کرغزستان کے شہری میں کورونا وائرس کی تصدیق ہوئی تھی

۔۔۔۔۔۔۔۔۔۔۔۔۔۔۔۔۔۔۔۔

حکومت کا پیٹرولیم مصنوعات، بجلی اور گیس ٹیرف پر عوام کو ریلیف دینے کا امکان، وزیراعظم عمران خان کو ریلیف کے طریقہ کار پر بریفنگ، لائف لائن صارفین کو زیادہ ریلیف ملنے کا امکان، گھریلو، تجارتی اور صنعتی شعبوں کیلئے ریلیف کی مختلف تجاویز تیار

۔۔۔۔۔۔۔۔۔۔۔۔۔۔۔۔۔۔

پُرعزم ذمہ دار قوم کو کوئی شکست نہیں دے سکتا، آرمی چیف جنرل قمر جاوید باجوہ کہتے ہیں پاک فوج عوام کے تحفظ کی ڈیوٹی ادا کرے گی، آرمی چیف کی زیرصدارت اسپیشل کور کمانڈر کانفرنس، کورکمانڈرز کی ویڈیو لنک کے ذریعے اپنے اپنے ہیڈ کوارٹرزسے کانفرنس میں شرکت، ملک میں کرونا وائرس کے پھیلاؤ اور روک تھام کے اقدامات کا جائزہ لیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہباز شریف کا آل پارٹیز ویڈیو کانفرنس بلانے کا اعلان، بلاول بھٹو زرداری، مولانا فضل الرحمان، اسفند یار ولی سمیت اپوزیشن رہنماؤں کی حمایت، قائدین نے کہا، فوری اور بروقت فیصلوں سے قوم کی جان بچائی جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلاول بھٹو زرداری کے سیاسی رہنماؤں سے رابطے، پرویز الہیٰ اور سردار اختر مینگل سے رابطہ، رہنماؤں نے آل پارٹیز کانفرنس بلانے کی حمایت کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت سندھ کا سرکاری اخراجات کو کنٹرول کرنے کا فیصلہ، وزیر اعلیٰ سندھ کا تنخواہ اور پنشن کے علاوہ ہر قسم کی ادائیگی روکنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جن زائرین میں کورونا کی علامات نہیں وہ بھی ایک ،دو ،ماہ اہل خانہ سے دور رہیں، چیف سیکریٹری بلوچستان کہتے ہیں تفتان بارڈر پر پانچ ہزار کمرے بنا رہے ہیں، اسپتال کسی بھی آفت کی صورت میں مددگار ثابت ہو گا، ڈاکٹروں اور طبی عملے کو دگنے معاوضے دینے کی سفارش ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یوم پاکستان ہمیں حصولِ پاکستان کی جدوجہد کی یاد دلاتا ہے، آرمی چیف جنرل قمر جاوید باجوہ کا یومِ پاکستان پر پیغام، کہا، کورونا وائرس سمیت تمام چیلنجز کو شکست دیں گے، ایمان اتحاد اور نظم کے ساتھ ہر چیلنج پر قابو پائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس پرچم کے سائے تلے ہم ایک ہیں ، تئیس مارچ تجدید عہد کا دن، ملک بھر میں یوم پاکستان سادگی سے منایا جا رہاہے، دن کا آغاز چاروں صوبائی دارالحکومتوں میں اکیس توپوں کی سلامی سے کیا گیا۔ دارالحکومت اسلام آباد میں بھی توپوں کی سلامی ، سیاسی اور عسکری قیادت کا چیلنجز سے مشترکہ طور پر نمٹنے کا عزم

۔۔۔۔۔۔۔۔۔۔۔۔۔۔۔۔۔۔۔۔

تینوں مسلح افواج کے افسران اور جوانوں کیلئے اعزازات کا اعلان، تین افراد کو ستارہ بسالت، چھیاسٹھ کو تمغہ بسالت اور انتالیس کو امتیازی اسناد سے نوازا گیا، تئیس ہلال امتیاز ملٹری، ایک سو سینتیس تمغہ امتیاز ملٹری دئیے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی ہیرو کو قوم کا سلام ۔۔۔۔ گلگت میں کورونا جیسے مہلک وائرس سے متاثرہ مریضوں کا علاج کرنے والے ڈاکٹر اسامہ زندگی کی بازی ہار گئے، اُسامہ ریاض اپنی جان کی پروا کیے بغیر کورونا کو شکست دینے کے لیے پرعزم تھے  گلگت بلتستان حکومت کے مطابق اسامہ شہید کو قومی ہیرو کا درجہ دیا جائے گا، فواد چودھری اور بلاول بھٹو کا ڈاکٹراسامہ کو خراج عقیدت

۔۔۔۔۔۔۔۔۔۔۔۔۔۔۔۔۔۔

اے وطن کے مسیحاؤ زندہ رہو، تم سلامت رہو میرے چارہ گرو، کورونا کے خلاف جنگ میں، ڈاکٹر اور میڈیکل اسٹاف، سب سے آ گے، اپنی جان کو خطرے میں ڈال کر دوسروں کی جان بچانے، کیلئے، کوشاں

۔۔۔۔۔۔۔۔۔۔۔۔۔۔۔۔۔۔۔۔۔

کورونا سے دنیا بھر میں ساڑھے تین لاکھ سے زائد افراد متاثر، صحت یاب ہونے والوں کی تعداد ایک لاکھ سے تجاوز کر گئی، مہلک وائرس دنیا بھر میں پندرہ ہزار سے زائد جانیں نگل گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے یورپ میں دہشت پھیلادی، اٹلی، اسپین، فرانس اور برطانیہ سمیت یورپ کے گیارہ ترقی یافتہ ممالک میں آٹھ ہزار سے زائد ہلاکتیں، ایک  لاکھ ساٹھ ہزار سے زیادہ افراد کورونا سے متاثر

۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا وائرس مزید ساڑھے چھ سو جانیں نگل گیا ، ہلاکتوں کی تعداد ساڑھے پانچ ہزار ہو گئی، انسٹھ ہزار سے زائد افراد کورونا وائرس سے متاثر ، ملک بھر میں لاک ڈاؤن جاری، کیوبا کے ڈاکٹر کورونا سے لڑنے کے لیے اٹلی پہنچ گئے

۔۔۔۔۔۔۔۔۔۔۔۔۔۔۔۔۔۔۔۔۔

اسپین میں مزید چار سو دس افراد ہلاک، مرنے والوں کی تعداد دو ہزار سے تجاوز، برطانیہ میں دو سو اکاسی اور فرانس میں چھ سو چوہتر  افراد ہلاک ہوگئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سکھر میں لاک ڈاؤن کی خلاف ورزی پرپولیس کا کریک ڈاؤن، ایک سو پچاس سے زائد افراد گرفتار، تھانوں میں جگہ کم پڑ گئی، حوالات میں درجنوں شہریوں کے ہجوم سے کورونا وائرس کے پھیلنے کا خدشہ، پولیس حکام کا کہنا ہے کوشش کر رہے  لوگوں کو تین فٹ کے فاصلے پر رکھیں

۔۔۔۔۔۔۔۔۔۔۔۔۔۔۔۔۔۔

معیشت پر اثرات اور تاجر برادری کی مشکلات سے آگاہ ہیں، تاجر برادری کو مکمل اسپورٹ کریں گے، مشیر خزانہ کی کراچی کے تاجروں سے ویڈیو کانفرنس، کہا، تاجر اور صنعتکار روز کے اجرتی ورکرز کا خیال رکھیں

۔۔۔۔۔۔۔۔۔۔۔۔۔۔۔۔۔۔

سکھر میونسپل کارپوریشن کے زیر انتظام تمام اداروں  پر عائد ٹیکس ختم، رہائشی مکانات، فلیٹس اوردکانوں کا کرایہ  شامل، رہائشی و کمرشل واٹر چارجز  اور پارکنگ فیس بھی ختم

۔۔۔۔۔۔۔۔۔۔۔۔۔۔۔۔۔۔۔۔

سندھ میں لاک ڈاون کے باعث کراچی کینٹ اسٹیشن پر مسافروں کا رش ،،،لوگ حفاظتی اقدامات کے بغیرٹکٹ لینے لگے ،،، شہریوں کے پاس نہ ماسک ہیں اور نہ ہی سینیٹائیزر ،، ریلوے انتظامیہ اسکریننگ بھی نہیں کررہی ،،مسافروں کی شکایات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا سے مزید انتالیس افراد ہلاک، مرنے والوں کی تعداد چار سو اٹھاون ہو گئی، ڈونلڈ ٹرمپ نے نیو یارک کو آفت زدہ علاقہ قرار دے دیا، امریکی صدر کی ملیریا کی دوائی کو کورونا کی روک تھام کیلئے استعمال کرنے کی تجویز

۔۔۔۔۔۔۔۔۔۔۔۔۔۔۔۔۔۔۔۔۔

امریکی قیادت کورونا  سے متاثر ہوئی تو فور اسٹار جنرل کمانڈ سنبھالے گا، برطانوی میڈیا نے امریکا میں مارشل لا لگانے کی تیاری کا دعوی کر دیا، امریکی نائب صدر مائیک پنس کہتے ہیں کیلی فورنیا، واشنگٹن اور نیویارک میں نیشنل گارڈز تعنیات کئے جائیں گے

۔۔۔۔۔۔۔۔۔۔۔۔۔۔۔۔۔۔

ایران میں ہلاکتوں کی تعداد اٹھارہ سو سے بڑھ گئی، ایرانی صدر حسن روحانی کہتے ہیں، امریکہ ایران کی مدد کرنا چاہتا ہے تو پہلے پابندیاں اُٹھائے، انسانی امداد کی پیش کش کو قبول کرنے کا کوئی ارادہ نہیں

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا خطرہ،، یو اے ای نے  تمام ملکی وغیر ملکی پروازوں پر پابندی عائد کر دی، اگلے اڑتالیس گھنٹوں بعد تمام فلائٹ آپریشنز دو ہفتوں کیلئے روک دیئے جائیں گے

۔۔۔۔۔۔۔۔۔۔۔۔۔۔۔۔۔۔۔

سعودی عرب میں جزوی کرفیو نافذ ، بیت المقدس میں  مسجد اقصیٰ بھی عارضی طورپر مکمل بند، مسجد میں اذان مقررہ وقت پر ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔

چین نے بڑی حد تک کورونا پر قابو پا لیا، ووہان سے چار روز میں ایک بھی کیس سامنے نہیں آیا، ملک بھر میں  چوبیس گھنٹے میں صرف چھ افراد ہلاک، چھیالیس نئے کیسز رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔

ہیں تلخ بہت بندۂ مزدور کے اوقات، کورونا  کے خوف سے بازار،مارکیٹیں  اور ہوٹل بند، یومیہ اجرت پر کام کرنے والوں کی زندگی مزید دشوار، ملتان کا رنگ ساز محمد اسماعیل خالی ہاتھ گھر لوٹنے پر مجبور، لاہور کے ویلڈر عبدالرشید کا کہنا ہے، گھر میں نوبت فاقوں تک آ پہنچی

۔۔۔۔۔۔۔۔۔۔۔۔۔۔۔۔۔۔

آؤ آگے بڑھیں اور ’’ہم درد‘‘ بنیں، کورونا نے روز کمانے والوں لاکھوں گھروں کا چولہا بھی ٹھنڈا کر دیا ہے، ہم درد کے ذریعے ہم ان پریشان گھر والوں کی مدد کرسکتے ہیں، تو آئیے آگے بڑھیں اور دوسروں کا درد بانٹیں

۔۔۔۔۔۔۔۔۔۔۔۔۔۔۔۔۔۔۔۔۔

احتیاطی تدابیر اپنا کر کورونا سے بچا جا سکتا ہے، غیر ضروری اشیا کو ہاتھ لگانے سے گریز کریں، دروازہ ہاتھ کی بجائے کہنی سے کھلیں، کھانے پینے کے ٹیبل پر برتنوں کا کم استعمال کریں،ماسک کو طریقے سے پہنیں اور اُتاریں

۔۔۔۔۔۔۔۔۔۔۔۔۔۔۔۔۔۔۔۔۔۔۔

زیادہ سے زیادہ گھروں میں رہیں ، میل جول کم کر دیں ،، افواہوں پر کان نہ دھریں ،، چینی اساتذہ اور طلبا کے کورونا ،، وبا کے دوران ،، پاکستانیوں سے اظہار یکجہتی کے لیے اردو ، میں ،، پیغامات

۔۔۔۔۔۔۔۔۔۔۔۔۔۔۔۔۔۔۔۔

کورونا سے کیسے بچا جائے، پاکستانی اسٹارز آگاہی پھیلانے کیلئے میدان میں، آمنہ شیخ، میشا شفیع، احسن خان، مائرہ خان، عدنان صدیقی کی عوام سے احتیاط کی اپیل، کہا، سب کو متحد ہو کر کورونا سے لڑنا ہے

۔۔۔۔۔۔۔۔۔۔۔۔۔۔۔۔۔۔۔۔

کینیڈا اورآسٹریلیا نے اولمپکس دو ہزار بیس سے دستبرداری کا اعلان کر دیا، کینیڈین اولمپک کمیٹی کامقابلوں کو ایک سال کے لیے ملتوی کرنے کا مطالبہ، اولمپکس مقابلے چوبیس جولائی ٹوکیو میں شیڈول ہیں ،، جاپان کا کہنا مقابلوں میں تاخیر ہوسکتی ہے منسوخ نہیں ہو سکتے

۔۔۔۔۔۔۔۔۔۔۔۔۔۔۔۔۔

امریکی وزیر خارجہ مائیک پومپیو کی افغانستان آمد ،،افغان صدر اشرف غنی اور عبداللہ عبداللہ سے ملاقات شیڈول،امن معاہدے پر بات چیت ہوگی

۔۔۔۔۔۔۔۔۔۔۔۔۔۔۔۔۔۔۔

خواتین سے زیادتی کے الزام میں سزا پانے والے ،، ہالی وڈ پروڈیوسر ہاروی وینسٹین کا کورونا ٹیسٹ مثبت آگیا، برطانوی اخبار  کے مطابق اڑسٹھ سال  پروڈیوسر کو قرنطینہ منتقل کردیا گیا

۔۔۔۔۔۔۔۔۔۔۔۔۔۔۔۔۔۔

اینی میٹڈ فلم ،، ٹرولز ورلڈ ٹور ،، کی دس اپریل کو سینماؤں میں نمائش منسوخ، دس اپریل کو ہی آن لائن ریلیز کی جائے گی

ویب ڈیسک

See author's posts