یار ظفر لاشاری۔۔۔۔۔
یار دل دار ۔۔۔۔۔
مویاں تے رل مویاں اچ فرق ای کیا ہوندے ۔۔۔۔۔ توں جھوکاں لڈا ونج پار لتھیں ۔۔۔۔۔ اساں جیندے جہان تے آپنے آپنے لاشے آپنے مونڈھیاں تے چا تے کوڑے جگ جہان تے گھلیندے کٹیندے ودوں ۔۔۔۔۔ ویلے دی ونڈ ساڈیاں ونڈیاں کیتن، ڈڈھ دی دوزخ دپھیندیں دپھیندیں کجھ اروار تے کجھ پار جیندیں جی رل مویوں ۔۔۔۔۔
یار ۔۔۔۔۔ دل دار ظفر لاشاری
تیڈے نکھڑ ونجن دا ڈکھ ساڈی ذات دا ڈکھ کائنی، اے ڈکھ سرائیکی دھرتی دا، کروڑیں گنگدامیں دی حق سچ تحریک دا تے ساڈا سبھ یاریں دل داریں دا سانجھا ڈکھ اے ۔۔۔۔۔ اساں سکھنیں تیڈے بال اطہر لاشاری دے نال مکانی ناہسے، اساں سرائیکی ادب، تاریخ تے ثقافت دے نال جڑئیے ہر ایک لال نال مکانی اوں ۔۔۔۔۔
سنو وو یار ۔۔۔۔۔
اساں کلہے تھی گیوں، اساں سبھ دی سانجھ، سمورے وسیب دا مہت مہاندرا ظفر لاشاری جھوک لڈا گئے ۔۔۔۔۔
اساں سارے رل مویوں وو یار ۔۔۔۔۔ رے سینکے رل مویاں دا وی کوئی حال گھنے ہا ۔۔۔۔۔
یار کوئی ساڈی وی سدھ لہوے ہا ۔۔۔۔۔
About The Author
اے وی پڑھو
اسلم انصاری :ہک ہمہ دان عالم تے شاعر||رانا محبوب اختر
موہری سرائیکی تحریک دی کہاݨی…||ڈاکٹر احسن واگھا
فیمینسٹ!!!۔۔۔۔۔|| ذلفی