20مارچ 2020:آج پاکستان اور دنیا بھر میں کیا ہوا؟

کورونا وائرس پر عوام سے کچھ نہیں چھپائیں گے، منگل کو مالی امدادی پیکج کا اعلان کریں گے، وزیراعظم عمران خان کہتے ہیں، اگر لاک ڈاؤن کیا تو دیہاڑی دار مزدوروں کو نقصان ہو گا، کوشش کریں گے کورونا کے معاشی اثرات سے نمٹیں، عالمی برادری سے ایران پر لگی پابندیاں ختم کرنے کا مطالبہ، پاکستانیوں کو احتیاط برتنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کے مریضوں کی تعداد چار سو پچاس سے زائد ہو گئی، سندھ میں سب سے زیادہ دوسو پینتالیس کیسز رپورٹ، پنجاب میں چھیانوے، بلوچستان میں اکیاسی، گلگت بلتستان اور آزاد کشمیر میں بائیس، خیبرپختون خوا میں تئیس افراد متاثر، اسلام آباد میں کورونا کے آٹھ مریض سامنے آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے نجی اسپتال میں زیرعلاج ایک مریض چل بسا، وزیر صحت سندھ عذرا پیچوہو کے مطابق ستتر سالہ شہری شوگر، بلڈ پریشر اور کینسر کا مریض تھا، کورونا کی بھی تشخیص ہوئی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔

ترجمان سندھ حکومت مرتضی وہاب کہتے ہیں، بیرون ملک سے آنے والے ایک شخص کی لاپرواہی سے اس کا پورا خاندان کورونا کا شکار ہو گیا، کورونا بہت تیزی سے پھیل رہا ہے، اس سے لڑنے کا واحد حل آئسولیشن ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں کورونا وائرس کیخلاف ہیلتھ ایمرجنسی ڈیکلیئر، وزیراعلیٰ پنجاب سردار عثمان بزدار کہتے ہیں، ایکسپو سنٹر میں ایک ہزار بیڈ کا اسپتال قائم کر رہے ہیں، بلوچستان حکومت کو ایک ارب روپے دینے کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا سے ہلاکتیں چین سے بھی زیادہ ہو گئیں، مزید چار سو ستائیس اموات، ہلاکتیں تین ہزار چار سو پانچ ہو گئیں، چالیس ہزار سے زائد شہریوں میں کورونا کی تصدیق، چین میں ہلاکتوں کی تعداد تین ہزار دو سو اڑتالیس ہو گئی، اسپین میں ہلاکتوں کی تعداد ایک ہزار سے تجاوز

۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے ایک سو بیاسی ممالک میں ڈھائی لاکھ سے زائد افراد متاثر، اموات کی تعداد دس ہزار سے تجاوز کر گئی، نواسی ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیرتعلیم سندھ سعید غنی کہتے ہیں سندھ حکومت نقصان برداشت کرنے والی فیکٹریوں ، اسٹورز اور بڑے دکان داروں کی امداد کرے گی، ہم نیوز کے مارننگ شو صبح سےآگے میں گفتگو کرتے ہوئے کہا توقع تھی پابندی موثر ثابت ہو گی لیکن برعکس ہوا، آج بھی لوگ گھروں سے نکل رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ کا کورونا سے نمٹنے کے لیے پاکستان کو پندرہ کروڑ اسی لاکھ روپے امداد دینے کا اعلان، امریکی نائب معاون وزیر خارجہ ایلس ویلز کہتی ہیں پاکستان کو ابتدائی طورپر دس لاکھ ڈالر دیئے جا رہے ہیں، واشنگٹن اسلام آباد کے ساتھ تعاون کا سلسلہ جاری رکھے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔

آرمی چیف جنرل قمر جاوید باجوہ کو امریکی وزیردفاع مارک ایسپر کا فون، دونوں ممالک کے مابین سیکیورٹی تعاون اوردیگرامور پر بات چیت، ترجمان پینٹاگون کے مطابق امریکی وزیردفاع نے افغان مفاہمتی عمل میں پاکستان کےتعاون کی تعریف کی

۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اعظم عمران خان کی چمن بارڈر کھولنے کی ہدایت، ٹوئٹر پیغام میں کہا، کورونا کی عالمی وبا کے باوجود افغان بہن بھائیوں کی مدد کےلیے پرعزم ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان پوسٹ کا تیرہ لاکھ پنشنرز کو واجبات گھر پہنچانے کا فیصلہ، وفاقی وزیر مراد سعید کہتے ہیں، بڑی عمر کے لوگوں کےلیے کورونا نہایت مہلک ہے، بزرگوں کو پنشن کی وصولی کیلئے کسی خطرے میں نہیں ڈالیں گے

۔۔۔۔۔۔۔۔۔۔۔۔۔۔۔۔۔۔۔۔

کورونا سے نمٹنے کے لیے ایران نے پاکستان سے مدد مانگ لی، ترجمان دفترخارجہ کی ایرانی صدر حسن روحانی کا مدد کے لیے خط موصول ہونے کی تصدیق، ترجمان دفتر خارجہ کا کہنا ہے پاکستان ایران پر عائد پابندیوں کا خاتمہ چاہتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایران میں کورونا سے ہلاکتیں ایک ہزار چار سو تینتیس ہو گئیں، متاثرہ افراد کی تعداد انیس ہزار سے تجاوز کر گئی، ایران کا اقوام متحدہ سے پابندیاں ختم کرنے کا مطالبہ، امریکی صدر نے پابندیاں بڑھانے کا اعلان کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر نے کورونا کو ایک بار پھر چینی وائرس قرار دے دیا۔ وائٹ ہاوس میں پریس کانفرنس کے دوران کورونا کو چینی وائرس کہنے پر ڈونلڈ ٹرمپ کی صحافی سے تکرار،،، کہا ،،، وائرس چونکہ چین سے آیا ہے اس لئے اسے چینی ہی کہوں گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سرحد پار سے پکار، ہم نیوزکا ہم وطنوں کی واپسی کےلیےاہم کردار، واہگہ بارڈربند ہونے سے بھارت میں پھنسی فیملی پاکستان پہنچ گئی، فیملی اپنے بچے کے دل کے آپریشن کےلیے گئی تھی، ہم نیوز کے آواز اٹھانے پر دونوں حکومتوں نے نوٹس لیا اورفیملی کی واپسی کو یقینی بنایا۔۔

۔۔۔۔۔۔۔۔۔۔۔۔۔۔۔۔۔۔۔۔۔۔

چین کورونا کے خلاف جنگ جیتنے لگا، چوبیس گھنٹے میں صرف تین افراد ہلاک، ووہان سے ایک بھی کیس سامنے نہیں آیا، پورے ملک میں اڑتیس نئے کیسز رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا سے مزید چونسٹھ افراد ہلاک، تعداد دو سو اٹھارہ ہوگئی، امریکہ میں کورونا سےمتاثرہ افراد کی تعداد چودہ ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔

موناکو کے شہزادہ البرٹ میں بھی کورونا کی تصدیق ، شہزادہ البرٹ نے دس مارچ کو ایک تقریب شہزادہ چارلس سے بھی ملاقات کی تھی۔

۔۔۔۔۔۔۔۔۔۔۔۔۔۔۔۔۔۔۔۔

ارجنٹائن جنوبی امریکہ میں کورونا کے باعث لاک ڈاؤن کرنے والا پہلا ملک، تمام شہریوں کے گھروں سے نکلنے پر پابندی عائد، ارجنٹائن میں ایک سو اٹھائیس افراد کورونا سے متاثر ہیں، تین ہلاکتیں ہوئیں

۔۔۔۔۔۔۔۔۔۔۔۔۔۔۔۔۔

کورونا سے احتیاط، صدر مملکت عارف علوی نے مسجد میں نماز جمعہ کے بجائے گھر میں ظہر کی نماز ادا کی،  ٹویٹر پیغام میں صدر مملکت نے کہا کہ انہیں نہیں معلوم کون بیمار ہے اور کون صحت مند، صدر مملکت نے ٹویٹر پیغام میں ایک حدیث کا بھی حوالہ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر خارجہ شاہ محمود قریشی کا قرنطینہ میں تیسرا روز، گھر سے ہی دفتری امور انجام دینے لگے، کہتے ہیں شہری کورونا سے خطرے کو سنجیدہ نہیں لے رہے، کورونا کے خلاف احتیاطی تدابیر پر ہر صورت عمل کرنا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔

چیف جسٹس لاہور ہائی کورٹ نے کہا قرنطینہ میں لوگوں کو بہتر طریقے سے نہیں رکھا گیا، حکومت ، دو ، دو  ہزار کلومیٹر سے لوگوں کو لے کر شہروں میں لارہی ہے ،، ممکن ہے کہ وہ وائرس پھیلا رہے ہوں  ۔۔ جسٹس شاہد جمیل نے ریمارکس دئیے کہ ،  آپ نے متاثرہ اور مشتبہ سب کو اکٹھا کردیا ،، آپ فوج اور ائیر فورس سے مدد لیں اور متاثرہ اور مشتبہ مریضوں کو علیحدہ علیحدہ لائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی معیار کا قرنطینہ نہیں بنا سکتے ، پنجاب حکومت نے اعتراف کر لیا، چیف جسٹس لاہور ہائی کورٹ ، نے ، صوبائی حکومت سے کورونا کے خلاف اقدامات کی تفصیلات مانگ لیں ،،، چیف جسٹس قاسم علی خان نے ریمارکس دئیے کہ ، دو ہفتے گزر گئے اب تک سارا سامان آ جانا چاہیے تھا ، پنجاب حکومت کو ایک ہفتے میں کورونا کے مفت ٹیسٹ کی سہولت یقینی بنانے کی ہدایت ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت کا کورونا سے بچاؤ کا فنڈ، ایک سو بیس ارکانِ اسمبلی نے ایک ماہ کی تنخواہ فنڈ میں جمع کرا دی، تحریک انصاف اور جی ڈی اے کے ارکان نے تنخواہ نہ دی، خرم شیر زمان کہتے ہیں، سندھ حکومت کو دئیے پیسے کرپشن کی نذر ہو جائیں گے

۔۔۔۔۔۔۔۔۔۔۔۔۔۔۔۔۔

وفاقی حکومت شہریوں سے دو ماہ تک بجلی اور گیس کے بل نہ لے، وزیر زراعت سندھ کا مطالبہ، اسماعیل راہو کہتے ہیں،، سندھ  میں چھوٹے کاروباری افراد اورمزدورمشکل وقت سے گزر رہے ہیں، تین سو یونٹ تک بجلی کے بل اور ایک ہزار روپے تک کے گیس بل وصول نہ کئے جائیں۔

۔۔۔۔۔۔۔۔۔۔۔۔۔۔۔۔۔

پاکستان اسٹاک مارکیٹ میں مثبت رجحان، ہنڈرڈ انڈیکس میں پانچ سو سینتیس پوائنٹس کا اضافہ، انٹربینک میں ڈالر تئیس پیسے مہنگا، ایک سو اٹھاون روپے اسی پیسے کا ہو گیا، اوپن مارکیٹ میں ڈالر بیس پیسے سستا، قیمت ایک سو اٹھاون روپے اسی پیسے ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔

حکومت تاجروں کے پیسے ایک دن بھی اپنے پاس نہیں رکھنا چاہتی، مشیر خزانہ ڈاکٹر حفیظ شیخ کی تاجروں سے گفتگو، کہا، سیلز ٹیکس ریفنڈز رواں ماہ  جبکہ ریبیٹ اپریل کے آخرمیں ادا کر دیں گے، کورونا وائرس سے تاجروں کو درپیش مشکلات پر بھی گفتگو

۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی حکومت نے چینی صوبے ووہان میں پھنسے پاکستانی طلبہ کےلیے سترہ ٹن کھانا بھجوا دیا، جہاز واپسی پر کورونا سے متعلق حفاظتی سامان بھی لائے گا

۔۔۔۔۔۔۔۔۔۔۔۔۔۔۔۔۔۔۔۔۔

سربراہ پاک فضائیہ مجاہد انورخان کی ونگ کمانڈر نعمان اکرم شہید کی رہائش گاہ آمد، شہید کے درجات کی بلندی کے لیے دعا کی

۔۔۔۔۔۔۔۔۔۔۔۔۔۔۔۔۔۔۔۔۔۔

حریت رہنما یاسین ملک کی اہلیہ مشال ملک کہتی ہیں یاسین ملک کو ڈیتھ سیل میں بہیمانہ تشدد کا نشانہ بنایا جا رہا ہے، یاسین ملک نے اپنی وصیت دنیا کےلیے بھجوا دی ہے، انہوں نے اپنی موت کے بعد جسمانی اعضا عطیہ کرنے کی وصیت کی ہے

۔۔۔۔۔۔۔۔۔۔۔۔۔۔۔۔۔

اسلام آباد ہائیکورٹ کا اڈیالہ جیل سے معمولی سزا کے قیدیوں کو رہا کرنے کا حکم، چیف جسٹس اطہر من اللہ نے ریمارکس دئیے، جیلیں پہلے ہی گنجائش سے زیادہ بھری ہوئی ہیں، خدانخواستہ کسی جیل میں کورونا پھیل گیا تو اس کو روکنا مشکل ہو جائے گا

۔۔۔۔۔۔۔۔۔۔۔۔۔۔۔۔۔

پابندی کے باوجود کرک میں میلہ مویشیاں، پولیس منتشر کرنے گئی تو سبزی فروشوں نے پتھراؤ شروع کر دیا، عوام کو منتشر کرنے کے لیے پولیس کی ہوائی فائرنگ

۔۔۔۔۔۔۔۔۔۔۔۔۔۔۔۔۔

کورونا کی ویکسین تیار کرنے میں بارہ سے اٹھارہ ماہ لگ سکتے ہیں، دواساز کمپنیوں کی عالمی تنظیم کے نمائندوں کی ویڈیو کانفرنس، کہا،  ویکسین کی تلاش میں ٹیسنگ کے عمل میں جلد بازی نہیں کی جا سکتی

۔۔۔۔۔۔۔۔۔۔۔۔۔۔۔۔۔

کورونا کے خدشات سے یورپ میں خریداری میں اضافہ، شہریوں نے خوراک اور دیگر ضروری سامان ذخیرہ کرنا شروع کردیا، برطانوی شہریوں نے اکسٹھ کروڑ روپے پاستا کی خریداری پر صرف کر دیئے، برطانیہ میں اسٹورز خالی ہو گئے

۔۔۔۔۔۔۔۔۔۔۔۔۔۔۔۔۔۔۔۔۔

چین میں کورونا کو ہرانے والے طبی عملے کو شاندار خراج تحسین، اٹھارہ شہروں میں پچاس ہزار اسکرینوں پر ڈاکٹروں اور نرسوں کی تصاویر سجا دی گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے شدید متاثر اسپین سے اظہار یکجہتی، دبئی کا برج خلیفہ اسپین کے پرچم کے رنگوں میں نہا گیا، ہسپانوی زبان میں کورونا کا مقابلہ کرنے والے ڈاکٹروں کو خراج تحسین

۔۔۔۔۔۔۔۔۔۔۔۔۔۔۔۔۔۔۔

گھر پر رہیں، صفائی کا خیال رکھیں، کورونا سے بچیں، پاکستانی فنکاروں کا پیغام، ماہرہ خان، مہوش حیات، صبا قمر اور مایا علی کی شہریوں سے گھروں میں رہنے کی اپیل، ہمایوں سعید اور عدنان صدیقی نے امریکہ سے واپسی پر خود کو آئسولیٹ کر لیا

۔۔۔۔۔۔۔۔۔۔۔۔۔۔۔۔۔۔۔۔۔

صحت ہے تو سب کچھ ہے، سابق کرکٹر شاہد آفریدی کا کورونا سے بچاؤ کے لیے احتیاطی تدابیر اپنانے کا مشورہ ،، کہتے ہیں کورونا سے بچنے کے لیے احتیاط بہت ضروری ہے

۔۔۔۔۔۔۔۔۔۔۔۔۔۔۔۔۔۔۔

کورونا سے دنیا بھر میں کھربوں ڈالرز کا نقصان،، انگلش پریمئر لیگ کے میچز منسوخ ہونے سے صرف ٹی وی رائٹس کی مد میں ایک سو بیس ارب روپے کا نقصان ہوگا، ابو ظہبی ڈیزرٹ سفاری بھی مسنوخ کردی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی ادارہ صحت نے ،، کورونا ، کے بارے میں معلومات کی رسائی کو آسان بنا دیا، اب آپ ، ڈبلیو ایچ او کے بزنس نمبر سے ، واٹس ایپ ، پر تمام معلومات حاصل کر سکتے ہیں

۔۔۔۔۔۔۔۔۔۔۔۔۔۔۔۔۔۔۔۔۔

ہالی وڈ پر بھی کورونا کا وار ،، ایک لاکھ سے زائد افراد بے روزگار ، ریلیز فلموں اور سینما کے کاروبار کو بھی کروڑوں ڈالرز کا نقصان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ونڈر وومن کورونا کے خلاف میدان میں آ گئیں، گال گیڈٹ نے جان لینن کا گانا شیئر کرتےہوئے کورونا سے پریشان لوگوں کو نئی امید دلائی، ہالی ووڈ کے کئی ستارے گانے کا حصہ بن گئے

About The Author

ویب ڈیسک

See author's posts