شاہراہِ ریشم موجودہ چین توں عراق دجلہ و فرات دی راہ تجارت ہئی۔چار ہزار سال کئی تہذیباں دا ملاپ۔مذایب دا تعارف زراعت تجارت دی سودے بازی تے بادشاہیں دا عروج و زوال دی سڑک ھے۔فر فر دے کوٹ عقائد دی راہ مجسمے مصالحے ریشم تے سونا چاندی دی وڈی گلی۔
انہاں گلیاں وچ کئی رانجھے وکیے کئی سسیاں باندیاں بنڑیاں۔ائے ریشم توں غلامی دی راہ بنڑی۔جڈاں تاجر سونا چاندی ریشم قیمتی تحفے ویچ وٹا کے تھکن تے غلام وکن شروع کر ڈتے نیں۔
سودا بازی توں پہلے رنگ برنگے ملبوسات تے چنگی خوراک تاکہ سودا چنگا وکے۔تجارت بہوں ضروری ہئی تے نال زرعی غلام سوہنڑاں تریمتیں بلغاریہ توں ۔ہن مردہ انسان توں زیادہ زندہ انسان دی ضرورت یئی او وی غلام۔شمال تے مشرقی یورپ توں جوان تے عورتاں ین تے غلامیں دا گلیاں جیویں نیو یارک سٹریٹ۔ریشمی سڑک تیں جا جا منڈیاں لگدیاں ہن۔
تریے طرح دے لوک ہن ہک امرا ڈوجے ازاد تے اخیری غلام۔سب تو زیادہ صحارا افریقہ دے غلام زراعت واسطے۔ترک غلام بہادری جنگ واسطے۔جنہاں دا نعرہ ہا ایں کائینات اچ ساڈے وانگوں قیمتی غلام کہیں ما نے نیں ہیدا کیتا۔رومن بادشاہ کوں انہاں دی ضرورت ہی۔انہاں غلاماں کوں ڈھور ڈنگر وانگوں چیک کیتا ویندا ہا گونگا کانا بھینگا معزور دا کوئی مل نہ ہا۔صرف تجارت دی نظر نال ڈٹھا ویندا ہا نہ کہ کہیں اخلاقی یا فلسفے نال۔سکینڈے نیوین اچ وڈی منڈی ہی عباسی علاقہ اچ بلخ تے موجودہ ایران اچ۔
درست سودا بازی موجودہ افغانستان اچ ہوندی ہئی۔سلاویہ دے غلام باجرہ مکئی جوار ککڑیں دے بدلے وکدے ہن۔بادشاہ تحفے اچ یاری دوستی اچ شکاری کتے پکھی تے غلام دا تحفہ ڈیندے ھن۔سمر قند الے چاندی دوائی یا مصالحے دے بدلے وکدے ہن۔لڑکے عورتاں کامرس غلامی دا حصہ ہن۔سبھے ہندو عیسائی یہودی مسلمان تاجر کہیں فرق بغیر وکدے ین وچیندے ھن۔سودا بازی اچ ماکھی بدلے کہیں چاندی بدلے کہیں ریشم کتھاں فر بدلے انسان وکدے گئے۔
اخیر چنگیز خان دے حملے بعد سبھے قتل عام اچ ریشمی سڑک مردہ لاشیں نال بھری گئی۔ین ازاد یا غلام تاجر یا بادشاہ نال ہکو جہاں سلوک تھیا۔زرعی ترقی بعد صنعتی ترقی ائی تاں ول انسان وکن شروع تھئے۔طاعون ایا عالمی جنگاں تھیاں غلام وکدے رہے مردے رییے۔سکے بدلے ٹکر پانڑیں بدلے کہیں تن لکاونڑ دے کپڑیں بدلے۔
ریشمی سڑک تیں کئی ہزار سالیں تک ائے کاروبار جاری رییا۔وقت پلٹا کھادا تے غلامیں دا نسلاں چین مشرق وسطی روسی علاقے وسط یورپ ایران تے مشرق اچ ائے غلام خود بادشاہ بنڑ بیٹھے۔تے او وی نویں غلامی دے طریقے لبھیے ہر احساس غلامی اچ موجودہ بہتر قانون بنڑائے جو انسانی غلامی دی منڈی کہیں سڑک اڈے بازار دی ضرورت کینی۔ڈھیر سارے بے طریقے ہن ہئے۔موجودہ انسانی نسل دی اکثریت غلام ابن غلام ھے تے ائے کوئی وڈی بری یا کمتری دی گال نیں۔
About The Author
اے وی پڑھو
اسلم انصاری :ہک ہمہ دان عالم تے شاعر||رانا محبوب اختر
موہری سرائیکی تحریک دی کہاݨی…||ڈاکٹر احسن واگھا
فیمینسٹ!!!۔۔۔۔۔|| ذلفی