خواتین کے عالمی دن پر مذہبی تنظیموں کے مارچ۔۔۔ عامر حسینی

مذھب اور مذھبی خیالات کو لیکر ہمارے لبرل اور لبرل لیفٹ کے کئی ایک لوگ ایک غلط مساوات بناتے ہیں اور وہ مساوات ہے

مذھبی ہونے کا مطلب کٹھ ملائیت کا پرچارک ہونا، عورتوں کے حقوق کا دشمن ہونا اور تنگ نظر ہونا، دقیانوسی ہونا وغیرہ وغیرہ ہے…….. جبکہ یہ بات ہر ایک مذھب پسند پر لاگو نہیں کی جاسکتی لیکن کردی جاتی ہے-

پاکستان میں جیسے ایسے مذھب پسندوں کی کمی نہیں ہے جو ‘عورت مارچ’ سُن کر ہی آپے سے باہر ہوجاتی ہے جسے عورت کے منہ سے لفظ ‘آزادی’ کا نکلنا ایسے لگتا ہے جیسے وہ عورت بازار میں لباس فطرت میں آگئی ہو تو ایسے ہی ایسے لبرل اور بوتیک لیفٹ کی کمی نہیں ہے جو مذھب کا نام سنتے ہی آپے سے باہر ہوجاتے ہیں جن کو مذھبی علامتوں سے الرجک ہے، اُن کو کسی چہرے کی داڑھی اچھی نہیں لگتی، کسی کے سر پر سجا عمامہ و ٹوپی اچھی نہیں لگتی، کوئی انشاء اللہ کہہ دے یا سبحان اللہ کہہ دے یا کوئی عورت حجاب میں آئے، کوئی پابندی سے نماز پنجگانہ ادا کرے یا پرفیوم پر عطر کو ترجیح دے، عاشورا اور میلاد اہتمام سے مناتا ہو تو وہ اُسے بھی مذھبی انتہاپسندوں کی صف میں کھڑا کردیتے ہیں……

جیسے حجاب نہ کرنے والی ہر عورت دھندا کرنے والی نہیں ہوتی، ایسے ہی ہر داڑھی رکھنے والا مرد چھوٹے بچوں اور بچیوں کا ریپ کرنے والا نہیں ہوتا، ایسے ہر کلین شیو زانی نہیں ہوتا…..