سعودی عرب میں تیل نکالنے والی کمپنی آرامکو کی جانب سےیکم اپریل سے خام تیل کی پیداوار بڑھانے کا اعلان کیا گیا ہے۔
کمپنی تیل کی قیمتوں میں چار سے آٹھ ڈالر فی بیرل کمی بھی کرے گی جس کا فاہدہ یورپ اور امریکہ کو ہوگا۔
تفصیلات کے مطابق سعودی آرامکو نے یکم اپریل سے خام تیل کی یومیہ پیداوار بڑھانے کا اعلان کیا ہے۔
سعودی آرامکو نے کہا ہے کہ کمپنی آئندہ ماہ یکم اپریل سے اپنی تیل کی پیداوار بڑھا کر روزانہ ایک کروڑ 23 لاکھ بیرل کر دے گی۔
پیداوار میں روزانہ اضافے کی مقدار تین لاکھ بیرل ہو گی۔
آرامکو کی جانب سے سعودی سٹاک ایکسچینج کو بھیجے گئے نوٹس کے مطابق کمپنی نے اپنے صارفین کے ساتھ اتفاق کیا ہے کہ یکم اپریل سے تیل کی پیداوار 12.3 ملین بیرل روزانہ کے حساب سے ہو گی۔
بیان کے مطابق پیداوار میں اضافے کے مثبت اور طویل مدتی مالی اثرات ہوں گے۔
خیلجی حصص مارکیٹوں میں منگل کو تیزی کا رجحان رہا۔ آرامکو کے حصص کی قیمت گذشتہ دن کے 8.64 ڈالر فی شیئر سے بڑھ کر 8.91 ڈالر ہوگئی۔اس سے قبل کمپنی کی درخواست پر آرامکو شیئرز میں ٹریڈنگ مقامی وقت کے مطابق صبح 11:48 سے معطل کی گئی تھی۔
تیل کی قیمتوں میں 30 سال میں ایک دن کی سب سے بڑی کمی کے بعد منگل کے روز اضافہ ہوا۔
گاہگوں کو بھیجے گئے نوٹس کے مطابق سعودی آرامکو تیل کی قیمتوں میں چار سے آٹھ ڈالر فی بیرل کمی کرے گا، جس سے شمال مغربی یورب اور امریکہ کو سب سے زیادہ ڈسکاؤنٹ ملے گا۔
About The Author
اے وی پڑھو
موہری سرائیکی تحریک دی کہاݨی…||ڈاکٹر احسن واگھا
حکایت :مولوی لطف علی۔۔۔||رفعت عباس
حکایت: رِگ ویدوں باہر۔۔۔||رفعت عباس