ملک میں بارشوں کا نیا سلسلہ شروع ہوگیا

اسلام آباد: وفاقی دارالحکومت اسلام آباد میں بھی آج بارش کا امکان ہے۔ خیبر پختون خوا میں برف باری اور ژالہ باری کی پیش گوئی کردی گئی۔

کوئٹہ، چاغی، قلات، مستونگ، قلعہ عبداللہ، قلعہ سیف اللہ، زیارت اور ژوب میں بھی بادل برسنے کی پیش گوئی کی گئی ہے۔چمن، سبی، ڈیرہ مرادجمالی، دکی، اور بولان میں بادل برس پڑے۔ پشین میں برفباری سے ہرسو سفیدی بکھرگئی۔ کوژک ٹاپ ،شیلاباغ اور توبہ اچکزئی میں بھی برفباری ہوئی۔

سندھ میں لاڑکانہ، شکارپور، خیرپور، کندھ کوٹ، روجھان اور جیکب آباد بارش سے بھیگ گئے۔

پنجاب  کے علاقےصادق آباد میں بارش کا سلسلہ شروع ہوگیا۔ عارف والا میں موسلا دھار بارش وقفے وقفے سے جاری ہے۔ بھکر میں گرج چمک کے ساتھ تیز بارشِ اور ٹھنڈی ہواؤں سے سردی لوٹ آئی۔ جہانیاں اور گردونواح میں بارش سے نشیبی علاقے زیرآب آگئے ہیں۔

بارشوں سے گندم کی فصل متاثر ہونے کا خدشہ ہے۔ لیہ میں بارش اور تیز ہواؤں سے گندم اور چنے کی فصل متاثر ہوئی ہے۔

محکمہ موسمیات کے مطابق آج سے جمعہ کے دوران وفاقی دارالحکومت اسلام آباد سمیت خیبر پختونخوا، پنجاب اور کشمیر میں تیز ہوائوں اور گرج چمک کے ساتھ بارش کا امکان ہے۔

About The Author

نمائندہ

See author's posts