26فروری2020: اے پی پی دیاں سرائیکی خبراں

صدر ٹرمپ دابیان پاکستان کوں دہشت گردی نال جوڑن دی مذموم بھارتی کوشش تے وار اے،مودی داانتہا پسند متعصبانہ نظریہ عمران خان دی امن دی سوچ دے ہتھو ہر چکیے

وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان

اسلام آباد ۔ 26 فروری (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو صدر ٹرمپ دابیان پاکستان کوں دہشت گردی نال جوڑن دی مذموم بھارتی کوشش تے وار اے،مودی داانتہا پسند متعصبانہ نظریہ عمران خان دی امن دی سوچ دے ہتھو ہر چکیے،مودی اسلحے اتے باروددے اڑودھ لا تے وی عمران خان دی کامیاب سفارتکاری دے اگو بے وس ڈسدے۔اپنڑے ٹویٹ اچ معاون خصوصی ڈاکٹر فردوس عاشق اعوان آکھیے جو کشمیریاں تے ظلم عالمی ضمیر جھنجھوڑڈتے،ٹرمپ دا اے بیان ثبوت اے جو کشمیر ہک مسلمہ عالمی تنازعہ اے، خون ناحق تے پورا جگ دا الاونڑ تبدیلی اے،ساڈا مطالبہ اے جو عالمی برادری سلامتی کونسل دی قرارداداں اتے کشمیری عوام دی مرضی موجب انہاں دا جمہوری و قانونی حق ڈیواوے، ہندوستان "ہندتوستان”اچ بدل چکیے۔انہاںا ٓکھیے جو صدر ٹرمپ دے ہوندے مسلماناں تے بدترین تشدد اتے قتل عام بھارتی قیادت دی فسطائی و مجرمانہ سوچ پورے جگ تے کھول ڈتی اے جڈاں جو وزیراعظم عمران خان دی اگوانڑی اچ پاکستان دا جگ اچ پرامن اتے رواداری آلے معاشرے دا تاثر ابھردا پئے۔

پاک بحریہ کہیں وی قسم دی جارحیت دا ولدا ڈیونڑ کیتے ہر ویلھے تیار اے،امیرالبحر ایڈمرل ظفر محمود عباسی دی سی سپارک 2020 دے کمانڈ سینٹر دے دورے تے گالھ مہاڑ

اسلام آباد ۔ 26 فروری (اے پی پی) امیرالبحر ایڈمرل ظفر محمود عباسی کریکس جھیں اوکھے علاقے دی سکیورٹی بارے اقدامات دی تعریف کریندے آکھیے جو پاک بحریہ کہیں وی قسم دی جارحیت دا ولدا ڈیونڑ کیتے ہر ویلھے تیاراہے۔او سی سپارک 2020اچ مشق دے کمانڈ سینٹر دا دورہ کرنڑ ویلھے الویندے پئے ہن۔کمانڈر کراچی وائس ایڈمرل زاہد الیاس کمانڈ سینٹر آونڑ تے نیول چیف دا استقبال کیتے اتے بریفنگ ڈتی۔نیول چیف کریکس ایریا اتے اگلے مورچیاں دا وی دورہ کیتے اتے مشق سی سپارک سانگے آپریشنل تیاریاں اتے کوسٹل کمانڈ دے آپریشنل پلانز دا جائزہ گھدے۔ شاہ بندر آونڑ تے کمانڈر کوسٹ وائس ایڈمرل فیصل رسول لودھی نیول چیف دا استقبال کیتے اتے انہاں کوں مشق سی اسپارک اچ آپریشنل سرگرمیاں اتے اثاثیاں تے بریفنگ ڈتی۔دورے اچ نیول چیف کریکس ایریا اچ تعینات افسران اتے جواناں نال ملین اتے انہاں دے حوصلے دی داد ڈتی۔

وزیراعظم عمران خان دی اگونڑی اچ حکومت عوام دی فلاح کیتے انقلابی کم کریندی پئی اے، وزیرمملکت برائے ہاوسنگ اینڈ ورکس محمد شبیر علی قریشی دی ”اے پی پی “نال گالھ مہاڑ

اسلام آباد ۔ 26 فروری (اے پی پی) وزیرمملکت برائے ہاوسنگ اینڈ ورکس محمد شبیر علی قریشی آکھیے جو وزیراعظم عمران خان دی اگونڑی اچ حکومت عوام دی فلاح کیتے انقلابی کم کریندی پئی اے۔اے گالھ انہاں ”اے پی پی “نال الویندے آکھی جو زیراعظم عمران خان کوں حکومت اوکھے حالات اچ ملی ہئی بھل انہاں دیاں قائدانہ صلاحیتاں پاروں ملک اوکھ توں نکل تے خوشحالی دے رستے ٹر پئے۔ انہاں آکھیے جو بھارت دی غیر انسانی پالیسیاں پاروں مقبوضہ کشمیر جیل بنڑ چکیے،عالمی برادری کشمیر دی آزادی کیتے کردارادا کرے،او ویلھا آگئے جڈاں کشمیر بھارت دے قبضہ توں آزاد تھی ویسی۔

جگ اچ قوماں دی سنجانڑ اتے پرکھ ایندی زبان اتے ثقافتی اقدار نال تھیندی اے،نو آبادیاتی ذہنیت پاروں لسانی تحریکاں شروع تھین،مہاندرے دانشور اتے سینئر صحافی مظہر عارف دی ماءبولی بارے”سرائیکی بیٹھک”اچ گالھ مہاڑ

اسلام آباد ۔ 26 فروری (اے پی پی)مہاندرے دانشور اتے سینئر صحافی مظہر عارف آکھیے جو جگ اچ قوماں دی سنجانڑ اتے پرکھ ایندی زبان اتے ثقافتی اقدار نال تھیندی اے،کیوں جو ایندے نال اساں اپنڑا جیونڑ سدھارنڑ کیتے اپنڑے خیالات اتے احساسات بئے تئیں پچا سگدے ہیں۔اے گال انہاں پاکستان نیشنل کونسل آف دی آرٹس اسلام آباداچ "مادری زباناں دے عالمی ڈینھ“ سانگے سرائیکی ادبی اکیڈمی دے آدر نال سرائیکی وسیب توںا ٓئے سرائیکی اہل قلم ،ادیباں دانشوراں دے اعزازاچ "سرائیکی بیٹھک”اچ الویندے ہوئے آکھی۔انہاںا ٓکھیے جو ماءبولی دا میلہ کراونڑاجوکے دور اچ مختلف زباناں،علاقیاں اتے ثقافتاں دا میل کراونڑ دے برابر اے جیندے تے منتظمین کوں مبارک ڈیناں۔ انہاںا ٓکھیا جو مادری زباناں دا مسئلہ یں معاشرے دا حصہ رہے،جگ اچ غالب گروہاں زباناں کون ودھنڑ نئیں ڈتا اتے دبا تے رکھیے،برصغیر اچ تاں دربار دی زبان بئی رہی اے اتے لوکان دی زبان بئی رہی اے،جڈاں جو پاکستان بنڑن توں بعد نوآبادیاتی ذہنیت حالی تئیں بر سراقتدار اے،اتھاں لوکاں دی سنجانڑ کھسنڑ کیتے ما بولی کوں منڑ توں ہٹک ڈتا گئے تہوں ملک اچ لسانی تحریکاں شروع تھین اتے جڈاں مختلف زبان شاعراں، ادیباں لکھنڑ شروع کیتے تاں ہک مزاحمت دامنڈھ بدھیے ،مختلف مزاحمتی ،تخلیقی ادب نال جیڑھیاں تحریکاں چلین او جمہوری تھینداں گین اتے اج ماءبولی دی اہمیت مناونڑ اچ شاعراں،ادیباں اتے زبان دا ناںد ا وڈاکردار اے بھل ساکوں ما بولی دے ودھارے کیتے رل مل تے کم کرنڑا ہوسی۔

سینیٹ دی قائمہ کمیٹی برائے ہاوسنگ اینڈ ورکس دا اجلاس چار مارچ کوں تھیسی

اسلام آباد ۔ 26 فروری (اے پی پی)سینیٹ دی قائمہ کمیٹی برائے ہاوسنگ اینڈ ورکس دا اجلاس چار مارچ کوں تھیسی جیندے اچ کمیٹی کوں جی 14/1دے متاثرین کوں کیتاں گیاں ادائیگیاں اتے پلاٹاں دے قبضہ تے بریفنگ ڈتی ویسی۔اجلاس دی اگوانڑی چیئرمین کمیٹی سینیٹرمیرکبیر احمد محمد شاہی کریسن جیڑھا اولڈ پیپس ہال پارلیمنٹ لاجز اسلام آباداچ تھیسی۔اجلاس اچ فیڈرل گورنمنٹ ایمپلائز ہاوسنگ اتھارٹی دے جاری اتے اعلان کیتے گئے منصصوبیاں تے وی بریف کیتا ویسی۔

پچھلے 14 مہینے اچ کل 9 ہزار 508 دیہات کوں بجلی ڈتی گئی اے،ایں سال بئے 10 ہزار 43 نویں دیہات کوں بجلی ڈتی ویسی،وزارت پاور ڈویژن

اسلام آباد ۔ 26 فروری (اے پی پی) ملک اچ پچھلے 14 مہینے اچ کل 9 ہزار 508 دیہات کوں بجلی ڈتی گئی اے،ایں سال بئے 10 ہزار 43 نویں دیہات کوں بجلی ڈتی ویسی۔ وزارت پاور ڈویژن دے ذرائع موجب حکومت عوام کوں بجلی دی سہولت ڈیونڑ کیتے کئی منصوبیاں تے کم کریندی پئی اے۔پچھلے 14مہینے اچ لاہور الیکٹرک سپلائی کمپنی (لیسکو)اچ 63، اسلام آباد الیکٹرک سپلائی کمپنی (آئیسکو) اچ 445، فیسکواچ 424، میپکواچ 2605، حیسکو اچ 384، سیپکو اچ 381، پیسکواچ 4176 اتے کیسکواچ 953 دیہات کوں بجلی ڈتی گئی اے۔ایں مالی سال بئے 10 ہزار 43 نویں دیہات کوں بجلی ڈتی ویسی۔

ایں مالی سال تجارتی خسارہ اچ 27.93 فیصد کمی ریکارڈ، ادارہ برائے شماریات

اسلام آباد ۔ 26 فروری (اے پی پی)ایں مالی سال پاکستان دے تجارتی خسارہ اچ 27.93 فیصد کمی تھئی اے ۔ادارہ برائے شماریات پاکستان (پی بی ایس) موجب جاری مالی سال دے پہلے 7مہینے اچ جولائی تا جنوری 2019-20ءاچ تجارتی خسارہ 13 ہزار 841 ملین ڈالرتئیں گھٹیے جڈاں جو پچھلے سال جولائی تا جنوری 2018-19ءکیتے تجارتی خسارے دا حجم 19ہزار 204 ملین ڈالرریہا ہا۔جیندے بعد پچھلے مالی سال دے مقابلے ایں مالی سال ملکی تجارتی خسارہ اچ 5 ہزار 363 ملین ڈالر یعنی 27.93 فیصدکمی تھئی اے۔جاری مالی سال برآمدات اچ2.20 فیصداتے درآمدات دے حجم اچ 15.64 فیصدکمی تھئی اے۔ایں دوران برآمدات دا حجم 13 ہزار 507 ملین ڈالرتئیں ودھ گئے جڈاں جو پچھلے مالی سال ایں دوران برآمدات دا حجم 13 ہزر 216 ملین ڈالرہا۔ایویں ایں مالی سال جولائی تا جنوری کوں مجموعی ملکی درآمدات اچ 15.64 فیصد فیصد دی کمی نال درآمدات دا حجم 27ہزار 348 ملین ڈالرتئیں گھٹیے اتے درآمدات اچ 5ہزار 72 ملین ڈالردی کمی ریکارڈ کیتی گئی۔

بھارتی میڈیا صدر ٹرمپ دی پریس کانفرنس اپنڑے مقاصد کیتے استعمال کرنڑدی کوشش کیتی اے،ٹرمپ ولا مسلہ کشمیر تے ثالثی دی پیشکش کر تے بھارتی بیانیے دی نفی کر ڈتی اے، وزیر خارجہ مخدوم شاہ محمود قریشی کا بیان

اسلام آباد ۔ 26 فروری (اے پی پی) وزیر خارجہ مخدوم شاہ محمود قریشی آکھیے جو بھارتی میڈیا صدر ٹرمپ دی پریس کانفرنس اپنڑے مقاصد کیتے استعمال کرنڑدی کوشش کیتی اے،ٹرمپ ولا مسلہ کشمیر تے ثالثی دی پیشکش کر تے بھارتی بیانیے دی نفی کر ڈتی اے۔وزیر خارجہ مخدوم شاہ محمود قریشی آکھیے جو صدر ٹرمپ دہشت گردی دے خلاف پاکستان دے کردار دی تعریف کیتی اے،پاکستان دا ہمیشہ توں موقف اے جو بھارت اچ مسلمان عدم تحفظ دا شکارہین،ڈو ڈینھ اچ دہلی اچ ویھ اموات تھی چکین،عمراتاں،پٹرول پمپ،دکاناںسڑایاں وینداں پین، جگ کوں ایندا نوٹس گھنڑا چاہیدے۔انہاںا ٓکھیے جو ٹرمپ کھلے الفاظ اچ اے واضح کیتے جو عمران خان میڈے چنگے سگتی ہین،پاکستان بہترین حکمت عملی نال دہشت گردی کوں ہرائے،اتے ٹرمپ وعدے دے مطابق بھارت اچ کشمیر بارے بھارتی وزیر اعظم نال الوائے جیڑھی ہک وڈی پیش رفت اے۔

متبادل توانائی دی ترقی دے بورڈ دا اجلاس، نیٹ میٹرنگ منصوبے تے پیشرفت دا جائزہ

اسلام آباد ۔ 26 فروری (اے پی پی) ملک اچ بجلی دے شعبے کوں چنگاں کرنڑ اتے نیٹ میٹرنگ دے منصوبے تے پیشرفت تے جائزہ کیتے ہک اجلاس تھئے جیندی صدارت متبادل توانائی دی ترقی دے بورڈدے چیف ایگزیکٹو آفیسر ڈاکٹر رانا عبدالجبارکیتی اے۔اجلاس اچ نیپرا، ڈسٹری بیوشن کمپنیاں، جرمن ادارہ برائے ترقی، یو ایس ایڈ اتے اے ای ڈی بی نال تصدیق شدہ کمپنیاں دے نمائندیاں شرکت کیتی اتے نیٹ میٹرنگ بارے تجویزاں ڈتن۔

اقوام متحدہ دے سیکرٹری جنرل انتونیو گوتریس دادورہ پاکستان عمران خان حکومت دی وڈی کامیابی اے،امریکی جریدہ

واشنگٹن۔ 26 فروری (اے پی پی) معروف امریکی آن لائن جریدے ڈپلومیٹ اقوام متحدہ دے سیکرٹری جنرل انتونیو گوتریس دے دورہ پاکستان کوں وزیراعظم عمران خان دی حکومت دی اہم کامیابی قرارڈیندے آکھیے جو عمران خان ملک کوں اقتصادی و معاشی مسائل نال نمٹنڑ دے نال نال مسئلہ کشمیرتے اپنڑے بیانیے کوں تکڑے انداز اچ اگو تے ٹریندے پین،انتونیو گوتریس دے کامیاب دورے نال نہ صرف خان حکومت دی حوصلہ افزائی تھئی اے بھلا ٓپ عمران خان دی مقبولیت وی ودھی اے اتے عمران خان اپنڑی خارجہ پالیسی دے مرکزدے طور تے وادی اچ مسئلہ کشمیر اتے بھارت دے کریک ڈاون دے معاملے کوں مستقل جیندا رکھیا ہوئے۔ایں دورے نال عالمی امن اتے ماحولیاتی تبدیلیاں اچ پاکستان دے کرداربارے انہاں دے بیانات دی پورے جگ دے ذرائع ابلاغ کوریج کیتی اے۔ایویں ہی نتونیو گوتریس دے بعد ترک صدر رجب طیب اردوان وی اپنڑے دورے اچ مسلہ کشمیر نال اظہار یکجہتی کیتے اتے ایندے تے بھارت وی شدید رد عمل ڈکھائے۔رپورٹ موجب ماضی اچ بھارت اچ بھارتیہ جنتا پارٹی دی حکومت دی پالیسیاںدے خلاف سخت موقف نہ اختیار کرنڑ تے مسلم لیگ (ن)دی حکومت تنقید دا نشانہ رہی اے اے اتے اوں ویلھے دے وزیراعظم مسلہ کشمیر کوں جگ اچ اگونہا کرنڑ اچ کمزور ڈسین۔

الیکشن کمیشن 2023ءتئیں فیڈرل الیکشن اکیڈمی سودھے اپنڑے 25 دفاتربنڑیسی

اسلام آباد ۔ 26 فروری (اے پی پی)الیکشن کمیشن 2023ءتئیں فیڈرل الیکشن اکیڈمی سودھے اپنڑے 25 دفاتربنڑیسی جیندی اسیسمنٹس دا کم ایں سال جون تئیں مکمل کر گھدا ویسی اتے الیکشن کمیشن دا انفراسٹرکچر دا ڈویلپمنٹ پلان دسمبر تئیں منظورکرتے نافذ کرڈتا ویسی۔ الیکشن کمیشن دے 50 فیصد دفاترسانگے زمین دسمبر 2023ءتئیں گھن گھدی ویسی اتے ایں سال دسمبرتئیں فیڈرل الیکشن اکیڈمی دی تعمیر وی مکمل تھی ویسی۔

پاکستان ریلوے کوئٹہ تافتان ٹرین سروس تاحکم ثانی بند کرڈتی اے،وفاقی وزیر ریلوے شیخ رشید احمد

اسلام آباد ۔ 26 فروری (اے پی پی) وفاقی وزیر ریلوے شیخ رشید احمدآکھیے جو پاکستان ریلوے کوئٹہ تافتان ٹرین سروس بند کرڈتی اے اتے کوئٹہ توں تافتان چلنڑ آلیاں چار ٹریناں روک ڈتیاں گین ،ایں سانگے تافتان کوئٹہ بارڈر ٹریفک کیتے اگلے حخم تئیں بند رہسی،متعلقہ مسافراپنڑا سامان اتے شئیں ولا گھن گھنین۔

پاکستان اچ رجسٹرد افغان مہاجرین دی رضا کارانہ وطن واپسی 2 مارچ توں ولا شروع تھیسی

اسلام آباد ۔ 26 فروری (اے پی پی)پاکستان اچ رہنڑ آلے رجسٹرد افغان مہاجرین دی رضا کارانہ وطن واپسی 2 مارچ توں ولا شروع تھی ویسی۔ اقوام متحدہ دے ہائی کمشنر برائے مہاجرین دے مطابق پی اوآر کارڈ نہ رکھنڑ آلے رجسٹرد افغان مہاجرین کیتے رضاکارانہ طورتے 2 مارچ توں وطن واپسی شروع تھیندی پئی اے،افغانستان اچ نقدی دی وصولی دے مراکزوی اپنڑاکم اوں ہی ڈینھ شروع کر ڈیسن۔یو این ایچ سی آر وطن واپسی دی سہولت خیبر پختونخوا اچ اضاخیل، نوشہرہ اتے بلوچستان اچ بلیلی دے مراکز توں ڈیسی،پی او آر کارڈنہ رکھنڑ آلے افغان مہاجرین نقدی نہ گھن سگسن اتے انہاں کوں افغانستان اچ ائم وصولی دے مراکزاچ وی رسائی کائنا ہوسی۔

نئی دہلی، متنازع شہریت قانون دے خلاف احتجاج وہنگامے، بھارتی فوج دی فائرنگ نال 20 مظاہرین شہید ،189 زخمی

نئی دہلی ۔ 26 فروری (اے پی پی) نئی دہلی اچ متنازع شہریت قانون دے خلاف جاری احتجاج اتے ہنگامیاں اچ بھارتی فوج دی فائرنگ نال شہید تھیونڑ آلے مظاہرین دی تعداد ودھ تے 20تھی گئی اے جڈاں جو 189 زخمی تھی گین۔ فرانسیسی خبر رساں ادارے دے مطابق نئی دہلی دے گرو تیج بہادر ہسپتال دے ڈائریکٹر سنیل کمارڈسائے جو 189زخمیاں اچوں 60لوکاں کوں گولیاں لگین۔

About The Author

ویب ڈیسک

See author's posts