رنگیں بھریاں رنگیلیاں
کوئ ساویاں کوئ پیلیاں
کوئ نیلیاں
بہوں نیلیاں
کوئ سرخ سرخ سریلیاں
دردیں مویاں دردیلیاں
قسمت دیاں کالیاں نیلیاں
ہیلے کرن بے ہیلیاں
ہیلا نہ کوئ ہتھ آونیں
تس پیونیں بکھ کھاونیں
ہیلا نئ کوئ ہتھ آونیں
ہتھیں چا مہندیاں لاونڑیاں
پیریں چا پیلاں پاونڑیاں
کافر دیاں کافیاں گاونڑاں
دھرتی کوں بہہ سنڑواونڑیاں
بھریاں بھریڑاں چاونڑیاں
ول توڑ تائیں پچواونڑیاں
مندریاں وی نا وٹواونڑیاں
بانہیں وی نا چھڑوانڑیاں
رولے رولن رل راونڑیاں
قسمت شالا رنگ لاونیں
ہر گیڑ گل وچ پاونڑاں
پا کے ولا ٹھمکاونڑا
نہ رونڑاں
نہ گاونڑاں
کھل کھل کراہئیں الواونڑاں
قدم اگوہاں چاونڑاں
پچھو تے ول نہ آونڑاں
نہ بھاونڑاں۔۔
من بھاونڑاں
من بھاونڑاں نہ بھاونیں
قسمت شالا رنگ لاونیں
عبدالرشید اشتر
About The Author
اے وی پڑھو
ریاض ہاشمی دی یاد اچ کٹھ: استاد محمود نظامی دے سرائیکی موومنٹ بارے وچار
خواجہ فرید تے قبضہ گیریں دا حملہ||ڈاکٹر جاوید چانڈیو
محبوب تابش دی درگھی نظم، پاݨی ست کھوئیں دا ||سعدیہ شکیل انجم لاشاری