وزیراعظم عمران خان آج دو روزہ سرکاری دورے پر ملائیشیا روانہ ہوگئے ۔
وزیراعظم پاکستان ملائشین ہم منصب سے ملاقات میں انہیں مقبوضہ کشمیر کی صورت حال سے آگاہ کریں گے ۔
وفود کی سطح پر مذاکرات بھی شیڈول میں شامل ہیں ۔ ملائیشیا جانے کیلئے بھارتی فضائی حدود استعمال نہیں کی جائے گی۔ وزیراعظم چین کے راستے ملائیشیا پہنچیں گے۔
وزیراعظم عمران خان ملائیشین ہم منصب مہاتیر محمد کی دعوت پر ملائیشیا کا دو روزہ دورہ کر رہے ہیں۔ جہاں دونوں وزرائے اعظم کے درمیان ون آن ون ملاقات کے علاوہ وفود کی سطح پر بھی ملاقات ہوگی۔
ترجمان دفترخارجہ کے مطابق مہاتیرمحمد سے ملاقات میں وزیراعظم مقبوضہ کشمیر میں انسانی حقوق کی سنگین خلاف ورزیوں کو اجاگر کریں گے۔ علاقائی امن و استحکام کو درپیش خطرات کو روکنے کی اہمیت پر زور دیں گے۔
وزیراعظم دورہ کے دوران اہم ایم او یوز پر دستخط کریں گے۔ ملائیشین انسٹی ٹیوٹ آف اسٹریٹیجک اینڈ انٹرنیشنل اسٹڈیز کی تقریب سے بھی خطاب کریں گے۔ ترجمان کے مطابق دورے سے دونوں ممالک کے مابین مضبوط تعلقات اور اسٹریٹیجک شراکت داری کو مزید تقویت ملے گی۔
دورہ ملائیشیا کے لئے مقبوضہ کشمیر کی صورتحال کے تناظر میں وزیراعظم نے بھارتی فضائی حدود استعمال نا کرنے کا فیصلہ کیا ہے ۔ عمران خان براستہ چین ملائیشیا پہنچیں گے جس سے سفر میں اضافی 4 سے 5 گھنٹے لگ سکتے ہیں ۔
About The Author
اے وی پڑھو
ریاض ہاشمی دی یاد اچ کٹھ: استاد محمود نظامی دے سرائیکی موومنٹ بارے وچار
خواجہ فرید تے قبضہ گیریں دا حملہ||ڈاکٹر جاوید چانڈیو
راجدھانی دی کہانی:پی ٹی آئی دے کتنے دھڑےتے کیڑھا عمران خان کو جیل توں باہر نی آون ڈیندا؟