حکایت
شاعری عجائب گھر نئیں
شاعری دی کتاب دا مُلھ ہک ٹکٹ نئیں جیڑھی تندیر بوہے ڈے تساں اندر خانے پَیہ ونجوں تے ورقہ در ورقہ عجائب گھر ڈیکھو
اول ایں گالھ دوں اشارہ ہک تریمت کیتا ‘ اوں آکھیا ” شاعری دے عجائب وچ زمانیاں دے زنانے ہوٹھ زنانیاں اکھیں گلہاں گِچیاں , جغرافیے دیاں دُنیاں گولائیاں , تاریخ دے گھنگھریالے ان گھنگھریالے والاں دیاں ونکیاں تے بَک وانگوں کھیڈدیاں جنگل دیاں چھاتیاں , زنانے پیریں دیاں بِلیاں ہتھیں دے کبوتر نظردن , شیشہ در شیشہ الماری در الماری قصہ پِڑ قصہ چَھتی پِڑ چَھتی سنبھال وچ تے روز دے سنگھار وچ کارندے رُجھیے , تریمتیں صدی در صدی گلیاں بزاراں وچ لَیہہ گیاں ہِن گوٹھ اپنڑے وَل گیاں ہِن ”
ساکوں ایں تریمت دی حکایت اوں زمانے وچ سمجھ آئی جڈاں اِتھاں شاعر کلام کوں عجائب گھر پئے بنڑیندے ہَن تے اپنڑے دریاویں جنگلیں قبیلیں تے بہوں پرانڑے شہریں کوں شاعری وچ پئے ڈھوندے ہَن
……………………………………………………
تندیر : فہرست
About The Author
اے وی پڑھو
ریاض ہاشمی دی یاد اچ کٹھ: استاد محمود نظامی دے سرائیکی موومنٹ بارے وچار
خواجہ فرید تے قبضہ گیریں دا حملہ||ڈاکٹر جاوید چانڈیو
محبوب تابش دی درگھی نظم، پاݨی ست کھوئیں دا ||سعدیہ شکیل انجم لاشاری