آج سویلے موبائیل کھولیئے۔فیس بک تیں فاروق کھرل سرائیکی دی سرائیکی قومی اتحاد دے نال ڈپٹی کمشنر ایسٹ کراچی دی سربراہی اچ نکلنڑ الی کشمیر ریلی دی پوسٹ پڑھ کیں میکوں شدید تکلیف تھئی اے۔ بہوں ڈکھ تھئے۔
اگر سرائیکی یاسرائیکی رہنما ایویں انتظامیہ دے خوشامدی کٹھ پتلی بنڑیئے رھ گئے یا ایویں انتظامیہ اور حکومت دے آلہ کار بنڑیئے رھ گئے تاں ول سرائیکستان دا حصول نہ ممکن رہسی۔
سوال سرائیکیں اور سرائیکی رہنمانویں نال اے ھ کیا سرائیکستان بنڑوا گھدے وے جوہنڑ کشمیر ریلیاں کڈھی ودے وے۔خدا دے بندے توھاکوں اتنا عقل نئیں اندا کشمیر دا ایشو حکومت اپوزیشن تے اسٹیبلشمنٹ دا آپڑاں پیدا کیتا مسئلہ اے۔کڈاہیں کشمیریں وی ساڈی گال کیتی اے؟مظلوم تیں آساں سرائیکی وی ھئیں پئیں۔محکوم آساں سرائیکی وی ھئیں۔ونڈ وہتر تیں ساڈے جغرافیئےاور بھوئیں دھرتی کوں جیویں تقسیم کیتا گئے۔اخر کیوں۔ظلم ذیادتی ساڈے نال وی تیں تھیندی پئی اے؟
کیا ساڈے نال ہیڈ راجکاں وچ کوئی گھٹ ظلم تھئے ۔ کیاساڈی دھرتی اے تھوڑا ظلم اےکہ سرائیکی کوں پنجاب دا ناں ڈے ڈتا گئے۔سرائیکیں دیں زمینیں کوں بہاولپور چولستان اچ گکڑیں دے بھا تقسیم کیتا گئے۔ کرکٹ میچ اچ کہیں چھکا جوماریئے۔ڈومربعے زمین چولستان دی ڈتی گئی اے۔جھارے پہلوان نیں لاہور اچ کوئی کستی جیتی اے اونکوں انعام اچ زمین چولستان اچ ڈتیاں گئین۔
کوئی کرنل جرنل ریٹائر جو تھئے۔اونکوں چولستان بھکر دھندی اسٹیٹ دیاں زمیناں الاٹ کیتیاں گئین۔کیا اے سارا کجھ درست کیتا گئے؟
کیااینکوں ظلم نوھے منیندے۔کیا اے ساڈے وسیب تیں رنجیت سنگھ یا لارڈ کرزن نیں جیرھا ظلم وسائے یا بربریت دہشت گردی کیتی اے ۔اوندے تیں کہیں ملک کہیں قوم نیں احتجاج کیتے؟
شکر کرو سرائیکیں کوں اجاں تک کہیں شئے دا کہیں ظلم زیادتی دا پتہ نئیں لگا۔ جڈاں پتہ لگا ول میں پچھساں اپڑیں حق حقوق دی جنگ کیویں لڑیندی اے؟
ول میں ڈیکھساں ۔سرائیکی اپڑیں آواز اٹہیدن یا جماعت اسلامی دے کشمیر دیاں ریلیاں کڈھدن یا اپڑیں ڈکھڑے روندن۔اخر کڈاہیں تیں آساں قوم بنڑسوں۔حالی تک تیں ساکوں اے پتہ ای کئینی جواساں ساری دنیا اچ الیچنڑ الی قوم ہیں۔
حالی تاں ساڈے گھریں اچ بالیں کوں اردو سکھائی ویندی اے۔ایں جرم اچ شریک احساس اے کمتری دا شکار خود ساڈے ما پیو ان۔اجاں تاں استاد وی دڑکے نال اردو کھڑا پڑھیندے۔
اجاں تاں ساڈی مسیت دا مولی گم تھئی چیز دا اعلان اردو اچ کھڑا کریندے۔ساڈے سرائیکی دے ہر مکتب اے فکر دا آدمی ایں جرم اچ شریک اے۔ سرائیکی زبان کوں ختم کرنڑ دی کوئی وی گھٹی کئینی کیتی پیا۔
آخرکڈاہیں جاگسن تیں سہی ۔جڈاں جاگسن ھوں جیہاڑے سرائیکستان بنڑیا کھڑا ھوسی۔سرائیکستان بنڑنڑ کوں کہیں دا پیو وی نئیں روک سگدا۔جے تک انہیں سرائیکی شودیں کوں آپڑاں پتہ نہ لگا۔او تک اے شودے کہیں نہ کہیں دے مراثی بنڑیئے ودے رہسن۔ایں گالھوں جو انہیں کوں کئی شئے دا پتہ جو کئینی۔ جیوو پئے سرائیکستان ذندہ باد۔
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر