لاہور ہائی کورٹ نے سابق صدر پرویز مشرف کے ٹرائل کیخلاف درخواست پر سماعت دس دسمبر تک ملتوی کر دی ہے۔
جسٹس مظاہر علی اکبر نقوی نے کیس کی سماعت کی،، وفاقی حکومت نے سابق صدر کی درخواست پر جواب جمع کرا دیا،، سرکاری وکیل نے بتایا کہ سپریم کورٹ کے حکم کی روشنی میں ٹرائل کورٹ کا نوٹیفکیشن ہوا
معزز جج نے کہا کہ درخواست گزار کے مطابق یہ تو وزیراعظم کا اختیار تھا؟
پرویز مشرف کے وکیل نے کہا کہ عدالتی فیصلے کے تحت بھی وزیراعظم اور وفاقی حکومت نے یہ مقدمہ بنانا تھا۔
جسٹس مظاہر علی اکبر نے کہا کہ غداری کے مقدمے کیلئے آئین کو معطل کرنا ہوتا ہے، کیا نومبر دو ہزار سات کو ایسا ہوا؟ مارشل لاء بارہ اکتوبر کو لگا جس کا کیس میں ذکر ہی نہیں، ایمرجنسی نافذ کرنا اور چیز ہے،، آئین معطل کرنا مختلف ہے۔
سرکاری وکیل نے بتایا کہ مقدمے کا ریکارڈ اسلام آباد ہائی کورٹ میں ہے،، ریکارڈ ملے گا تو اٹارنی جنرل خود آئیں گے،عدالت نے مزید کارروائی دس دسمبر تک ملتوی کر دی
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ