موجودہ حالات اَتے سرائیکی تحریک واسطے نویں چیلنجز

انجینئر شاہ نواز خان مشوری

شہرام رانا دی شادی ۔۔۔موجودہ حالات۔۔۔۔تے سرائیکی تحریک واسطے نویں چیلنجز

شالا خوشی دے لمحے نت ہوون تے وت شادی او موقع اے جیندے وچ گھوٹ دی خوشی کوں ڈیکھ ڈیکھ کے گھوٹ دی سنگت وی نہال ہوندی اے ۔ اور جیہرے گھوٹ دا پیو رانا محبوب سئیں جیہاں وسیب دا محبوب ہووے تاں وت پیو دی سنگت وی خوشی دے ہر لمحے کوں سوہا تے فخر محسوس کریندی اے ۔
حوراں پریاں سہرے گانون
وارو واری ویلاں پانون
وے میں سہرا تیڈا گانواں وے
شہزادہ بنا وے
شہرام دی شادی خوشی دے لمحات دے نال نال ابھے لمے ریاستی ملتانی کوں سرائیکی بنڑا تے ہک جھمر لانونڑ دا بہانہ وی ہا ۔ شاندار میزبان ہک بے توں معتبر مہمان کٹھے ہن ۔ وسیب دے سبھے رنگ ہک جاہ جمع ہن ۔

محمود مہے جتھاں ریسپشن تے ہووے اتھاں مہمان دی سفر دی تھکاوٹ تاں اونکوں ڈیکھ تے پہلے ہی لہہ وییندی اے. ایویں لگدا ہا اج وسیب رل تے اتھاں اپنڑی تحریکی تھکاوٹ دور کرنڑ دے بہانے جھمراں پاونڑ کٹھا تھیا کھڑے ۔ مظہر عارف رفعت عباس عاشق بزدار عثمان کریم جہانگیر مخلص فراز نون اکرم میرانی جام جمشید باسط بھٹی ممتاز کلیانی سعید پٹھان سرور اعوان سب دا دیدار تھیا ۔
اگر اتنا مہان ہستیاں کٹھیاں ہوون تاں شادی دے بعد رل باہونڑ دی بائ چس اے اور انہیں کوں سنڑڑ تے انہیں کنو سکھنڑا دا موقع ملدے ۔
ممتاز کلیانی صاحب دی دعوت دے Shapes وچ چاہ تے رل بہہ گپ لاونڑ دا موقع ملیا مگر سب نے اییندا فائدہ چییندے ہوئے موجودہ حالات سرائیکی تحریک تے نویں چیلنجز تے بحث کیتی ہر دوست نے اپنڑی رائے ڈتی اور ہک مشرکہ فیصلہ کیتا گیا جیہرے دوست ایں کٹھ وچ شامل ہن

۔ مظہر عارف، رفعت عباس ،عاشق بزدار ، عثمان کریم میں (شاہنواز مشوری)، اکرم میرانی، جام جمشید، محمود مہے، باسط بھٹی، ممتاز کلیانی، سعید پٹھان، سرور اعوان
1. اگلی میٹنگ ملتان وچ دسمبر دے آخری ہفتہ کوں تھیسے جیندے وچ موجودہ سیاسی صورتحال اچ سرائیکی تحریک دی نویں شکل تے تحریک کوں مضبوط کر تے اگوں ٹورنڑ تے ریویو کیتا ویسے
2. سرائیکی ہکو تھنک ٹینک بنڑاونڑ تے غور کیتا ویسے..
3. مختلف تنظیمیں دے نال نال "سرائیکی لوک سفارت” ناں دی ہک علییحدہ تنظیم بنڑائی ویسے جیہری بنہیں قومیں نال ڈائیلاگ کریسے ۔
4. بے ہم۔خیال دانشور, سیاسی شخصیات کوں وی دعوت ڈتی ویسے تاکہ کوئ متفقہ لائحہ عمل تیار کیتا ونجے ۔
5.متفقہ طور تے ایں کٹھ سانگھے عثمان کریم بھٹہ ایڈووکیٹ صدر سوجھل دھرتی واس کوں کنوینر منتخب کیتا گیا

About The Author

ویب ڈیسک

See author's posts