کراچی (خاص رپورٹ) سرائیکی عوامی سنگت دے مرحوم رہنما ملک محمد اکبر دے گھرایوب گوٹھ کراچی وچ سرائیکی تریمت اگوان ادی عابدہ بتول دی زیر صدارت سرائیکی عوامی تریمت تحریک دا ڈوجھا اجلاس تھیا ۔۔جیندے وچ ڈھیر ساریاں بھینیں شرکت کیتی ۔
ایں اجلاس وچ بھینیں نال خطاب کریندیاں سرائیکی اسکالر اتے سرائیکی عوامی سنگت دے اگوان ادا نذیر لغاری آکھیا جو ساکوں وسیب دیاں بھینیں دا ڈکھ درد سمجھدیئں ہوئیں انھاں کوں اے یقین ڈواونے جو اساں انھاں دے نال ہیں انھاں آکھیا جواساں اے وی ڈساونے جو انھاں دے کیا حقوق ہین ۔
سرائیکی وسیب دے وڈیرکے، جاگیردارانہ اتے قبائلی نظام وچ ہر ظلم دا نشانہ سرائیکی تریمت تھیندی اے۔ سرائیکی وسیب وچ سرائیکی تریمت کوں انسان نہ بلکہ ویچن اتے مُل گھنن والی ملکیت سمجھیا ویندے اتے سرائیکی عوامی تریمت تحریک دیاں بھینیں ایں نظام دے نال بھڑاند کریسن۔
ایں موقع تے تقریر کریندیاں ادی عابدہ بتول سرائیکی بھیناں دے اتحاد تے زور ڈیندیاں آکھیا جو جیکر ساڈا اتحاد اتے سبدھ ہوسی تاں اساں آپنے حق دی جنگ وچ فتح حاصل کریسوں ۔
اجلاس وچ سرائیکی عوامی تریمت تحریک دی صدر ادی کرن لاشاری آکھیا جو ساکوں وسیب دیاں ساریاں سرائیکی بھیناں کوں نال رالا تے اگو تے تھیوڑاں پوسی ۔
اجلاس دے اخیر وچ سرائیکی عوامی تریمت تحریک دے عہدے داران دا علان کیتا گیا جیندے وچ صدر اتے مرکزی کنوینر ادی کرن لاشاری ۔۔سکیرٹری جنرل ادی سعدیہ نورین ، سینئر نائب صدر ادی نادیہ پرویز اتے ادی افصا ملک ، نائب صدر ادی نسرین خورشید تے ادی رخسانہ حمید علی ، ڈپٹی سیکریٹری جنرل ادی انیلا عابد ادی رخسانہ عاشق لغاری، رابطہ سیکریٹری ادی صغریٰ لغاری ادی ممتاز ملک ، اتے مرکزی کمیٹی دیاں ممبر ادی عابدہ بتول، آسیہ ملک ، ادی نادیہ رشید ، ادی زبیدہ ملک اچھا، ادی عاصمہ ملک ، ادی مہرالنسا کوں چنڑیا گیا۔
اجلاس وچ فیصلہ تھیا جو سرائیکی عوامی تریمت تحریک دی پورے سرائیکی وسیب دے علاوہ کراچی ، لاہور، اسلام آباد، کوئٹہ اتے پشاور وچ وی تنظیم سازی تھیسی۔
اجلاس وچ اے وی فیصلہ تھیا جو سرائیکی بھیناں دے اتحاد واسطے رابطہ مہم شروع کیتی ویسی۔ سرائیکی بھیناں سرائیکی صوبہ دی جدوجہد وچ آپنے بھراواں نال رل تے کم کریسن۔ایں اجلاس دے موقع تے سرائیکی عوامی سنگت دے صدر ادا مشتاق احمد فریدی اتے سینیئر نائب صدر ادا ملک پرویز جوئیہ وی موجود ہن۔
About The Author
اے وی پڑھو
اسلم انصاری :ہک ہمہ دان عالم تے شاعر||رانا محبوب اختر
موہری سرائیکی تحریک دی کہاݨی…||ڈاکٹر احسن واگھا
فیمینسٹ!!!۔۔۔۔۔|| ذلفی