29، نومبر 2019ء عزم و ہمت اور سرخروئی کا دن ۔۔۔رؤف لُنڈ

تاریخ کے صفحہ پر فتح مند قدموں کے نقوش ثبت کرنے کا دن ۔۔۔۔۔۔۔۔۔۔۔ جب لال لال لہرائے گا، تب ہوش ٹھکانے آئیگا۔ سر فروشی کی تمنا اب ہمارے دل میں ھے، دیکھنا ھے زور کتنا بازوِ قاتل میں ھے؟ ۔۔۔۔۔۔۔۔۔۔۔۔۔۔۔۔۔۔۔ کے نعروں کو حقیقت بنا دینے کا دن۔۔۔۔۔۔۔۔۔۔

ابھی دو چار دنوں پہلے کی بات ھے کہ فیض میلے پہ چند پرعزم نوجوان طالبِ علم لڑکے اور لڑکیاں اپنے حقوق کے حصول کے پروگرام کی تربیت اور تشہیر کیلئے کورس میں نعرے لگا رھے تھے کہ سر فروشی کی تمنا اب ھمارے دل میں ھے۔ دیکھنا ھے زور کتنا بازوِ قاتل میں ھے؟۔۔ جب لال لال لہرائے گا تب ہوش ٹھکانے آئیگا۔ انقلاب، انقلاب۔ سوشلسٹ انقلاب ۔۔۔۔۔۔۔۔

یہ نعرے ایسی سچائی پر مبنی تھے، ان میں اتنا اخلاص اور جان تھی کہ بس ایک طرف بالادست طبقے کے ایوانوں میں سرمائے کے پجاریوں اور ان کے گماشتوں کے دل پر ایک لرزہ طاری ھوا۔۔۔۔
تو انہوں نے ان معصوموں کے خلاف پروپیگنڈا شروع کردیا۔ جن نعروں سے وہ کانپ اٹھے ان کو چھپا کے لڑکے اور لڑکیوں کے لباس اور کوٹ کی تراش خراش، مفلرز کے رنگ اور جھومنے کے انداز پر انگلیاں اٹھانا شروع کردیں۔۔ بات نہ بنی تو نوجوانوں کی ڈگریاں منسوخ کر کے ان کا مستقبل تاریک کردینے کی دھمکیاں دی گئیں۔( جیسے پہلے یہ نوجوان درخشاں حال اور روشن مستقبل کے باسی ھوں)۔۔۔۔ دھکمیاں کارگر نہیں ہوئیں تو ان دھمکیوں پر عمل کیا گیا۔ کچھ کی ڈگریاں منسوخ کردی گئیں۔۔۔۔۔۔۔۔۔۔۔۔۔۔

مگر اب سچے نظریات سرگرم جذبوں اور بلند سوچوں میں بدل چکے تھے۔۔۔ سب سے پہلے ان والدین کا ردِ عمل سامنے آیا جنکے بچوں کی ڈگریاں منسوخ ہوئیں۔ ان والدین نے کہا ہمیں اپنے بچوں کی ڈگری سے زیادہ ان کی سوچ، نظرئے اور دوسروں کیلئے کچھ کر گذرنے کے عمل پر فخر ھے۔۔۔۔ سو ان مارکسسٹ نوجوانوں کے نعروں کی گونج جہاں جہاں تک پہنچی مایوسی، بے دلی اور بدگمانی کے بادل چھٹنے لگے۔ پاکستان کے نوجوان ملک کے چپے چپے میں انگڑائی لینے لگے۔ اور پھر انہوں نے اپنے ان جذبوں، جرات اور عزم کی تعبیر اور جھلک دکھانے کیلئے 29، نومبر 2019ء یعنی آج کا دن مقرر کر دیا۔۔۔۔ اور بالآخر ان نوجوانوں نے بسمل آزاد کے اس شعر کی روشنی میں وہ سب کر دکھایا، جس شعر کو جسے شہید بھگت سنگھ اور اس کے ساتھی قید میں گنگنایا کرتے تھے۔۔۔۔۔ کہ

وقت آنے پر بتا دیں گے تجھے اے آسماں
کیا بتائیں اب تجھے جو ہمارے دل میں ھے

آج ان نوجوانوں نے کشمیر سے کراچی تک، واھگہ سے گوادر تک،۔۔۔۔ پاکستان کے چپے چپے پر ایک ھی جھنڈا، لال جھنڈا لہرا دیا۔ پاکستان کی تاریخ کی تقریباً نصف صدی 68-1967ء کے بعد محنت کش طبقے کے غریب سرائیکی، غریب پنجابی، غریب کشمیری، غریب بلتی، غریب گلگتستانی، غریب پشتون، غریب سندھی، غریب بلوچ اور غریب کشمیری کو قدم سے قدم، کندھے سے کندھا اور آواز سے آواز ملا کر نعرہ بلند کیا کہ۔۔۔۔۔ جب تک جنتا بھوکی ھے، یہ آزادی جھوٹی ھے۔۔۔ جب تک جنتا تنگ رہیگی، جنگ رہیگی جنگ رہیگی۔۔۔ کالی رات جاوے جاوے، سرخ سویرا آوے آوے۔۔ سرمایہ داری مردہ باد، جاگیرداری مردہ باد، نجکاری مردہ باد، بے روزگاری مردہ باد۔۔۔۔ طلباء کیا مانگیں؟ آزادی۔۔ عورت کیا مانگے؟ آزادی۔۔۔ ہمیں بھوک سے چاہئے آزادی۔ ہمیں ننگ سے چاہئے آزادی۔۔۔ اب سارے سن لیں آزادی؟ ان کا باپ بھی دے گا آزادی۔۔۔۔۔۔۔۔ انقلاب، انقلاب؟ سوشلسٹ انقلاب۔۔۔۔۔۔۔۔۔۔۔۔۔

پاکستان بھر کے محنت کشو ! تمہیں پہلی فتح مبارک ھو۔۔۔ مگر حتمی فتح کا سفر باقی ھے۔۔۔۔ بڑھتے بھی چلو کہ اب ڈیرے منزل پہ ھی ڈالے جائینگے۔۔۔۔ ایک ھی نعرہ ایک ھی آواز۔۔۔۔۔ انقلاب، انقلاب۔ سوشلسٹ انقلاب۔۔۔۔۔۔۔۔۔۔۔۔۔۔۔۔۔۔

About The Author

dailyswail

See author's posts