مظہر ساڈا یار حے ڈو ڈینہیں پہلے کوٹ ادو آیا ودا ہائی۔بھٹے صاحب دا میسج آئے جو دیرے توں ہیک ترقی پسند دوست تشریف گھن آئے ساری سنگت قیصر دی جاہ تیں کٹھی تھیوے تے ٻٹ کڑاک مریسوں۔۔اساں رات دے اٹھ وجے قیصر کولو پج گئے تاں اتھاں ٻئے وی ٻہوں سارے دوست جنہاں وچ زیادہ تر پیپلز پارٹی دے دوست تشریف فرما ہن۔
ول کجھ سوشلسٹ تے ہیک ادھا عمران دا چاہوݨ آلا وی ا پھسا۔
ڳالھ بات شروع تھائی تاں ماحول اچ کافی گرما گرمی پیدا تھی ڳئی۔ کہیں پچھیا ملک اچ تھیندا کیا پائے، کہیں آکھیا اسٹیبلشمنٹ کمزور تھیندی پائی حے کہیں آکھیا عمران دی حکومت ویندی پائی حے تے کہیں آکھیا پنجاپی اسٹیبلشمنٹ نواز شریف کوں بچا گئی حے تے کہیں آکھیا زرداری صاحب تل وطنیں دی لڑائی لڑدا پائے تے کہیں آکھیا جو اڃ وی پیپلز پارٹی تل وطنیں تے ترقی پسند دوستیں دی آخری پناہ گاہ تے مورچہ حے۔
ول ہیک سئینر کامریڈ دوست سوال چاتے جو ایں ویلھے سماج اچ سیاسی بے چینی وی حے تے سیاسی خلا وی حے ایکوں کیویں پر کیتا ونڃ سڳدے؟؟
لوکیں اپݨی اپݨی رائے ڈتی جیندا نچوڑ اے ہا جو کہیں وی منظم سیاسی ڈھانچے دے بغیر کوئی معیاری تبدیلی ممکن کائینی لہذا سیاسی پارٹی کوں تلویں سطح تئیں اپݨے تنظیمی ڈھانچیں کوں مضبوط کرݨا پوسی تے عام ورکر کوں عزت ڈیوݨیں پاؤسی ایندے علاوہ کوئی وی ایڈونچر سیاسی طور تیں ناکام تے نقصان دہ ہوسی۔
ایندے علاوہ ایندے اتیں وی گالھ تھائی جو ایشیا واقعی سرخ حے یا مزید کہیں رتول دا متحمل تھی سڳدے جیندے اتیں حاضرین دے وچ کافی گرما گرمی پیدا تھی ڳئی تے ساڈا دوست ککو ٻہوں مایوس تھیا تے پیپلز پارٹی کوں رڳڑ ڈتس۔
ساڈا مہمان ساڈے منہ دو تکیندا رہیا جو مارکا میکوں تے الواون وی نئیں ڈیندے تے بھٹے صاحب ڈو چار دفعہ توجہ وی ڈیوائی جو مہمان کوں وی الواوݨ ڈیوو۔۔پر رات دے ٻارہ وجے تک تاں مہمان دی واری کائینا آئی ہائی۔۔
ہا ہیک ٻئی ڳالھ کوٹ ادو لیول تیں سیاسی طور تیں ایکٹو تھیوݨ تے سیاسی سرگرمیاں کرݨ تیں ساریں دا اتفاق تھیا ۔
نواز شریف دی بیماری تے ٻاہر لڳے ونڃݨ تیں وی بحث تھیندی رہ ڳئی جیندے وچ زیادہ تر لوکیں دی صلاح ہائی جو جیرھے نواز کوں ایں حالت اچ ٻاہر گھن ڳئین او ولا اوھے ایکوں ایں ملک دا سر براہ وی بݨا سڳدن۔۔
او شودا عمران دا ہیک حامی جیرھا حاضرین دی توجہ دا مرکز ہائی اوندے نال جیرھی گزری او نہ پچھو تاں بہتر حے۔۔
زلفی
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر