حکایت
جنگ
جنگ دیاں پوتھیاں دے نال نال جنگ دا پِڑ وی سامنڑے ہا ‘ مقتولاں دے ناں تے گِنڑتری ‘ پَھٹڑاں دی پَھرول ‘ گھوڑیاں دیاں نسلاں تے اسلحے دیاں فہرستاں ‘ موقعے سِر اپنڑی کوتاہی تے دشمنڑ دی چَترائی ‘ اساں جنگ کینویں تے کِتھاں ہاری پتہ لگیا
ہارے ہوئے لوکیں دے کئی روگ ہوندے ہِن ‘ اُنہاں دی ہار کوں اُنہاں دیاں کتاباں وچ تاریخ طور پڑھایا ویندے ‘ فاتح اُنہاں دے شہر وچ محل بنڑا کے رہندے , پرنیندے’ قاتل دے نام دا سکہ تے ٹکٹاں چلدن’ ہزاراں سالاں بعد وی فاتح دیاں توپاں چوک وچ گڈیاں ‘ بندوقاں نصاب وچ کھڑیاں
اساں اج ہَریاں ہویاں جنگاں اپنڑیاں جیتنڑ کیتے پُجے ہیں
About The Author
اے وی پڑھو
خالی لفظاں دا میلہ||سعید اختر
سرائیکی کہانی۔۔۔“میڈی لوسی” ۔۔۔۔شہزاد عرفان
رفعت عباس دے ناول ’’مسخریاں دا میلہ‘‘ تے گالھ مہاڑ