ہنس ہک مہمان اے جیرھا پالے توں بچݨ کیتے وسیب تے سندھو دریا دے نال نال ڈیرے ان لیندے. سخت پا لا اتھ لنگھا تے وت وطناں دو ول ویندے ۔
سندھ دریا ساݙا ، ساڈی وسوں کئی ہزار وریہاں کولوں حملہ آور تے غیرمقامیاں دے جبر دا شکار اے۔ جنھاں وسوں دے صوفی طرز تے امن پسندی تے رواداری دا قتل کیتا تے نال نال ہک غیر محسوس طریقے نال ماس خوری کوں رواج ݙتا گیا.
47 دی غیر منطقی ونڈ دے بعد اے سوچ مذہب دے پردے اچ ودھائی گئی۔
اج سندھو دریا ہنساں دی پناہ گاہ کنے زیادہ مقتل گاہ تے کربلا بݨیا کھڑے ۔ بلکہ ریاست عرب دے بادشاہیں کوں اتھ سڈوا تے پکھی اتے بئے ساہ دار قتل کرویندی اے۔
سائنسی ترقی نال جتھاں زرعی پیداوار دا ودھارا تھئے اتھاں مصنوعی جاندار وی گوشت حاصل کرݨ کیتے بݨائے گے ۔ ساݙی مجبوری اے جو مذہب اتے سماجی روایات نال پیچدہ طریقے بدھیےمعاشرے اچ ماس خوری نسے چھوڑ سگدےپر اتلا تے کر سگدے ہیں کہ بجائے قدرت دا حسن قتل کرݨ دے ۔ برائلر جیرھی بݨائی وی گوشت کیتے گئی اے او کھا تے اپݨی ماس دی بکھ ماروں ۔
ماڈرن ازم اتے ڈیویلپمنٹ دے ایں دور اچ جتھاں سرمایہ داری فطرت دا سوہݨپ برباد کر رکھیے ۔ اتھاں اساں وی اپݨے وسوں دے رنگیں دے قتلام وچ برابر دے شریک ہیں ۔
اج تے سائنس اے وی ثابت کر ݙتے جو گوشت تے ہک پاسے انسان واسطے کھیر وی کوئی ڈھیر ضروری کینی ۔ چس چاوݨ کیتے بےشک سبھ شئے کھا ونجو۔ پر ہنس نا مارو ۔ جیہرا وی دھرتی دا درد محسوس کریندے او اشو لال فقیر دے لوظ ای پڑھ سگدے تے وسمدی تہذیب تے ماتم کر سگدے
نانویں ہنساں دے بھانویں جو ہویا
اساں اپݨے نال قبول کیتا
دل ݙکھیا نئیں کہیں درد اگوں
کہیں درد اگوں روح رنجی نئیں
اشولال
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر