اسلام اباد: سابق وزیراعظم اور مسلم لیگ ن کے تاحیات قائد نواز شریف کے علاج کے لئے قائم میڈیکل بورڈ نے ان کے بیرون ملک علاج کی سفارش کردی ہے۔
باوثوق ذرائع کا کہناہے کہ نوازشریف کے پلیٹ لیٹس میں کمی کی اب تک تشخیص نہیں ہوسکی۔ ادویات اورانجیکشن کے باوجود پلیٹ لیٹس کا مسلسل کم رہنا خطرنات اندرونی بیماری کاباعث ہوسکتا ہے۔
ذرائع کے مطابق اہلخانہ نے بیرون ملک علاج کےلیے نوازشریف کو رضا مند کرلیا ہے۔ قانونی پیچیدگیاں دور ہونے کے بعد نوازشریف علاج کےلیے بیرون ملک جائیں گے۔
خیال رہے کہ اس سے قبل سابق وزیراعظم نواز شریف علاج کےلیے بیرون ملک جانے میں مسلسل ہچکچاہٹ کا شکاررہے۔
یاد رہے کہ نواز شریف کو گزشتہ روز سروسز اسپتال لاہور سے جاتی امراء منتقل کیا گیا تھا۔ وہ لگ بھگ 16روز سروسز اسپتال میں زیر علاج رہے ۔
سابق وزیراعظم کی بگڑتی صحت پر پارٹی نے عدالت کا دروازہ کھٹکھٹایا اور طبی بنیادوں پر نرمی کی اپیل کی۔ لاہور ہائیکورٹ سے چودھری شوگر ملز میں پچیس اکتوبر اور اسلام آباد ہائیکورٹ سے العزیزیہ ریفرنس میں انتیس اکتوبر کو ضمانت پر رہائی کا پروانہ ملا۔
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ