لاہور: مسلم لیگ ن کے تاحیات قائد اور سابق وزیراعظم نوازشریف کو سروسز اسپتال سے ڈسچارج کردیا گیاہے ۔ سابق وزیراعظم نوازشریف کی رضامندی سے ڈسچارج سلپ بنادی گئی۔
باوثوق ذرائع کا کہناہے کہ سابق وزیراعظم نوازشریف کو ان کی مرضی سےڈسچارج کیاجارہاہے۔
آج صبح خبر آئی تھی کہ ذرائع کے مطابق سابق وزیراعظم کو شریف میڈیکل سٹی اسپتال منتقل کیا جا سکتا ہے جس کے لیے ایمبولنس سروسز اسپتال پہنچا دی گئی ہے۔
نواز شریف کے لئے بنائے گئے میڈیکل بورڈ کے سربراہ ڈاکٹر محمود ایاز کے مطابق نواز شریف نے سروسز اسپتال سے شفٹ ہونے کا اظہار کیا ہے تاہم اس سے پہلے سابق وزیراعظم کے ضروری ٹیسٹ کیے جائیں گے۔
سابق وزیراعظم نوازشریف کا سامان بھی پیک کرلیا گیا تاہم ڈاکٹر کی ٹیم چیک اپ کے بعد حتمی رائے دے گی۔
واضح رہے کہ سابق وزیراعظم کو طبیت ناساز ہونے پر22 اکتوبر کو لاہور کے سروسز اسپتال منتقل کیا گیا تھا۔ میڈیکل ٹیسٹ میں نوازشریف کے پلیٹلٹس کی تعداد خطرناک حد تک کم پائی گئی تھی۔
سروسز اسپتال لاہور کے پرنسپل پروفیسر ایاز محمود کی سربراہی میں چھ رکنی میڈیکل بورڈ نواز شریف کا علاج کررہا ہے جس میں ڈاکٹر کامران خالد، ڈاکٹر عارف ندیم ، ڈاکٹر فائزہ بشیر، ڈاکٹر خدیجہ عرفان اور ڈاکٹر ثوبیہ قاضی شامل ہیں۔
میڈیکل بورڈ سینئر میڈیکل اسپیشلسٹ، گیسٹرو انٹرولوجسٹ، انیستھیزیا اسپیشلسٹ اور فزیشن پر مشتمل ہے۔
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ