میرݨ : وے مٹھو آ ار تے مر کتھاں مویا پئیں اج کل؟
مٹھو: نا پچھ یار ایہے کم گزران بیا اساں کیا کرݨے ؟
میرݨ : لعنت بھیج ہر شے تے ݙو منٹ بندہ ملے وی نا کیݙا منحوس انسان ایں ۔
مٹھو : وے بابا ڈسا کیا تھی گئی ؟
میرݨ : نیٹ کھول تیکوں واٹس ایپ تے کجھ بھیجینداں
مٹھو : بھیج مر نیٹ کھول گدے (پنج منٹ بعد)
مٹھو: وے بربات تھیویں اے کیندی ویڈیو اے ۔؟
میرݨ : ݙیکھ گھن بس چس آئی یا کینا؟
مٹھو: ہا یارا اے تے میں سیو کرینداں پیا کارڈ اچ۔ وݙی چس دی شئے اے۔ اے چھوکری ݙٹھی ݙٹھی لگدی اے
میرݨ : اچھا وے نا مراد آ ہݨ بھونکیں نا جو میں کنوں ویݙیو گھدی ۔ اردو گاوݨ آہدی اے رابی ناں اس، سݨیا ہیوی کڈاہیں؟
مٹھو: ہا ہا ہک ڈینہوار گاوݨ ݙٹھے ہم ایندے ۔ وے تیݙے احسان کے تک منیساں۔ تئیں اج مل گھن گھدے
میرݨ : بس ونج چس چا خیالیں اچ (ݙو گھنٹے بعد کچی دکان دے ہوٹل تے 15 ، 20 بندیں اچ )
نذرو: وے بابا بس اللہ پردے باقی رکھے نا مراد پتا نہی شہری رناں کینجھیاں ہوندین ۔ کرم اے مالک دا میں اج تک اینجھے کم نہی کیتے
پیرݨ: ہا وے بابا چھوڑ بس ۔ مولا پردے باقی رکھے ۔ اپݨے موہوں حاجی نا بݨ بس ہر کئی ہک بئے توں ودھ اے
میرݨ : وے یار تو وت اپݨے فلسفے چھوڑ ۔ تیکوں کیا پتا آپو دب مار ۔ جیہری رن باہرو نکلی اے گھر دے اوندی عزت دی کیا گارنٹی اے ۔ او یار رکھدی اے
پیرݨ : ݙیکھ ہک تے توں ملونڈ گیری کریندی میں بحث نہیں کریندا پر ایں نہی ہوندا صرف تریمت تے خراب نہی ۔ جیرھا جوان نال ملوث ہوندے او؟
میرݨ: اے چھڑی بکواس اے۔ تریمتیں کوں گھر ڈکو ۔ایندی ویݙیو کیوں نکھتی اے ۔ ایکوں بݨاون ہا طالبہ مدرسے اچ ول چنگا ہئی ۔ پورے معاشرے کوں یہودی عیسائی کیتی ویندن ایویں کر تے
پیرݨ : بس ڋیکھ نا وت آ گئیں ۔ تساں آپ ایہو جئیں ہو ۔جے اوندی ویڈیو نکھتی اے تے تہاکوں کیا اے گناہ نا چا نا ڈیکھ بس اللہ اوکوں ای ہدایت ڈیوے عقل ڈیوے غلطی نا کرے ولا
میرݨ : میں کیوں ݙیکھساں حیا کر میں اینجھے بے حیائی دے کم نہی کریندا۔ ویسے گالھ کیتم ۔ اے تریمتیں ساریاں ایویں ہوندین۔ کئی اعتبار کینی۔ کوڑیاں۔ مکار۔ فریبی ۔ ہوس ذدہ
گامی: وے یار تہاکوں کیا ہے بس کرو سارے ہوٹل اچ تہاݙی کاؤ اے ہولے الایا کرو ( سینکل دی ٹلی وجی ہوٹل دے باہر مٹھو سینکل دی ٹلی مار میرݨ کوں متوجہ کیتا)
مٹھو: میرݨ اوئے !!! یار میں جلدی اچ ہاں او ویݙیو تے میݙو بھیج ڈیویں ڈیلیٹ تھی گین (میرݨ چور اکھیں نال تکھیں تکھیں بولیا)
میرݨ : کیرھیاں ، وے کیا کتھو ائی ۔ میں اینجھا بندہ کینی رابی دیاں ویڈیوز میݙے کنے کائنی
مٹھو: وے بربات تھیویں کوڑے موہاݨے دے چھوکرے دے جاگے تے ملنگ آیا ہا اوندی ویݙیو ۔
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر