26-10-2019 کوں چھݨچھݨ دے ݙینہ سرائیکی وسوں دے ضلع دیرہ اسماعیل خان اچ گرینڈ سرائیکستان کنونشن دے ناں نال سرائیکستان سوڈنٹس موومنٹ تے سرائیکی یوتھ پارلیمنٹ (دیرہ اسماعیل خان) دے ولوں تریجھا سال پسالی عظیم سرائیکی اِکٹھ ستریا گئے ۔
ایں سوہنے کٹھ اچ کشتاں دے پِڑ، سرائیکی کتاباں دا سٹال، سرائیکی اجرک دا سٹال، گھوڑے دا ناچ، سرائیکی مشاعرہ تے ایندے نال ارتھ دے چھیکڑ تے سرائیکی موسیقی دا پِڑ وی ٹھہایا گیا۔
ایں پروگرم دے اوچیچے مزمان حلقہ این،اے 39 دے سرائیکی ایم،این،اے سیئں محمد شیخ یعقوب تے سابقہ امیدوار برائے این،اے 38 مخدوم سید علی رضا شاہ ہَن. ایں ارتھ اچ دیرہ اسماعیل خان دے ڳوانڈھی سرائیکی ضلع ٹانک توں سرائیکی قومی تحریک ٹانک دے ممبراں آپݨے چیرمین سیئں معوز علی آرائیں نال شرکت کیتی ایں توں علاوہ ملتان توں سیئں ظہور احمد دھریجہ، سیئں رانا فراز نون (چیرمین ایس،ڈی،پی)، رحیم یار خان توں سیئں اقبال بلوچ تے سیئں راشد عزیز بھٹہ (گھوٹکی ) توں شرکت کیتی۔
گرینڈ سرائیکستان کنونشن دے سرپرست اعلیٰ سیئں طفیل خان علیزی دا آکھݨ ہا ڄو اساں سرائیکیاں نال خیبر بختونخوا اچ ہر جھا تے اٗوپراں آلا سلوک کیتا ویندا پئے. تے دیرہ اسماعیل خان دے ہر محکمے اچ باہر کول آوݨ آلے لوکاں کوں اساݙے اتے مسلط کیتا ڳے تے کیتا ویندا پئے.
چیرمین ایس،کیو،ٹی (ٹانک) سیئں معوز علی آرئیں دا آکھݨ ھا ڄو ٹانک دے سکولاں اچ سرائیکی زبان بطورِ مضمون لازمی تاں ھے بھل سکولاں اچ سرائیکی پڑھائی نی ویندی پئ ڄیڑی کہ سرائیکی قوم نال ٻہوں وݙی نا انصافی ھے.
ایندے علاوہ ایس،ایس،ایم (ڈی،آئی،خان) دے ضلعی صدر سیئں وجیہ الزمان فقیر دمان دے محرومیاں بارے ڳال مہاڑ کیتی.
ارتھ دے چھیکڑ تے سیئں اجمل ساجد (رحیم یار خان) آپݨی سوہݨی تے میٹھی الا نال دیرےوالاں کوں چھمراں مارݨ تے مجبور کر ݙتا.
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر