کراچی : سندھ ہائی کورٹ نے سندھ حکومت کو فوری طور پر کینسر اتھارٹی بنانے اوراس ضمن میں قانون سازی کا حکم دے دیا ہے۔
عدالت عالیہ نے یہ حکم آج گٹکے ،ماوے اورمین پوری جیسی اشیاء پر پابندی سے متعلق درخواست کی سماعت کے دوران دیا ۔
اس ضمن میں ڈائریکٹر جنرل محکہ صحت نے اپنی رپورٹ بھی عدالت میں جمع کرائی ہے ۔
ڈی جی ہیلتھ کی رپورٹ میں کہا گیاہے کہ پورے صوبے میں پانچ سالوں میں ایک لاکھ 76 ہزار سے زائد افراد کینسر کا شکار ہوئے ہیں۔
رپورٹ میں کہا گیاہے کہ جناح اسپتال نے سندھ حکومت سے فوری طور پر 600 ملین روپے گرانٹ بھی مانگ لی ہے۔
عدالت عالیہ نے رپورٹ دیکھنے کے بعد حکم جاری کیا کہ ایسی صورتحال پر قابو پانے کے لئے جنگی بنیادوں پر کام کیا جائے، کینسر اتھارٹی میں جناح اسپتال اور ایس آئی یوٹی کے ماہر ڈاکٹرز کو بھی شامل کیا جائے۔
یہ بھی پڑھیے: کراچی میں گٹکا مافیا کے خلاف مقدمات میں ایک سو ساٹھ ملزموں کی ضمانت کی درخواستیں مسترد
سندھ ہائیکورٹ نے گٹکے پر پابندی سے متعلق فوری قانون سازی کا حکم دینے کے ساتھ ساتھ جناح اسپتال کے لئے فوری اسپیشل فنڈ ریلیز کرنے کی ہدایت بھی کردی ہے ۔
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ