لاہور:پاکستان میں صوبہ پنجاب کے دارالحکومت لاہور کےعوام کے لئے خوشخبری، اورنج لائن میٹروٹرین چلنے کے لئے تیارہوچکی ہے۔
اورنج لائن میٹروٹرین 28اکتوبر سے ڈیرہ گجراں تا انارکلی تک چلائی جا سکے گی۔ٹرین کو پہلی بار بجلی سے چلانے کا تجربہ کیا جائے گا۔
اس ضمن میں ڈیرہ گجراں سے انار کلی تک 13اسٹیشنوں پر کام مکمل کر لیا گیا ہے۔ 11دیگر اسٹیشنوں پر کام کو نومبر کے اوائل تک مکمل کرلیا جائے گا۔
ان اسٹیشنوں پر کام مکمل ہونے کے بعد اورنج لائن میٹروٹرین کو پورے ٹریک پر بجلی سے چلا کر تجربہ کیا جائے گا۔
ٹرین کے ٹرائل کے موقع پر تقریب کے مہمان خصوصی وزیراعلیٰ پنجاب سردار عثمان بزدار ہوں گے۔
وزیراعلی پنجاب سردار عثمان بزدار نے کہا ہے کہ جنوری میں ٹرین پر عوام سفر کر سکیں گے۔ٹرین کا کرایہ عام آدمی کی پہنچ میں رکھا جائے گا۔
وزیراعلیٰ پنجاب نے منصوبے کو عوام کیلئے جلد سے جلد آپریشنل کرنے کی ہدایت بھی کردی ہے ۔
وزیراعلیٰ پنجاب سردار عثمان بزدار کی زیرصدارت اجلاس میں اورنج لائن میٹروٹرین کے منصوبے کا جائزہ لیا گیا۔
وزیراعلیٰ کو اورنج لائن میٹروٹرین کے منصوبے اور ٹرین کے آزمائشی ٹرائل کے حوالے سے بریفنگ دی گئی۔
صوبائی وزیر ٹرانسپورٹ جہانزیب خان کھچی، پرنسپل سیکرٹری وزیراعلیٰ پنجاب، پنجاب ماس ٹرانزٹ اتھارٹی کے حکام، ڈی جی ایل ڈی اے اور متعلقہ حکام نےجلاس میں شرکت کی ۔
About The Author
اے وی پڑھو
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر
قومی اسمبلی دا تاریخی سیشن ،،26ویں آئینی ترمیم منظور