جنوبی کوریاکے بدھ راہبوں کی خان پور بھمالہ آمد

جنوبی کوریا کے بدھ مت راہبوں کے وفد نےخان پور بھمالہ کے مقام پر موجود بدھ مت کے مقدس مقامات کا دورہ کیا ہے۔

راہبوں نے بدھ مت کے مقدس مقام پر کشمیر یوں کے لئے خصوصی دعائیہ تقریب کا انعقاد کیا۔

راہبوں نے کشمیر میں امن کی بحالی اور دونوں ممالک کے درمیان مسئلے کے حل کے لئے بدھ مت مذیب کے مطابق خصوصی دعائیں مانگی۔

اس موقع پر انہوں نے کہا کہ بدھ مت مذہب امن اور مذہبی ہم آہنگی کا درس دیتا ہے۔

راہبوں کی وفد نے کشمیریوں کے ساتھ مکمل یکجہتی کا اظہار بھی کیا۔

بھمالہ کے مقام پر بدھ مت کے یہ اثار 2000 سال پرانے ہیں۔

بدھ مت کے زمانے کے بعد پہلی بار بدھ مت کے اس مقدس مقام پر راہبوں نے دعائیہ تقریب کا انعقاد اور مذہبی رسومات ادا کیں۔

راہبوں کا وفد خیبر پختون خوا میں موجود بدھ مت کے دیگر مقامات سوات،مردان اور پشاور کا بھی دورہ کریگا۔

About The Author

ویب ڈیسک

See author's posts