پاکستان اور سری لنکا کے میچ کے دوران آج قذافی اسٹیڈیم لاہور گلابی رنگ سے رنگا جائے گا

پاکستان اور سری لنکا کے میچ کے دوران آج قذافی اسٹیڈیم لاہور گلابی رنگ سے رنگا جائے گا۔

پی سی بی نے تیسرا ٹی ٹوئنٹی میچ بریسٹ کینسر کی آگاہی سے منسوب کر دیاہے۔

آج شام کو قذافی اسٹیڈیم میں ہونے والے میچ سے قبل تقریب میں صدر پاکستان عارف علوی اور چیئرمین پی سی بی احسان مانی شرکت کریں گے۔

پی سی بی کا کہنا ہے کہ صدر پاکستان عارف علوی دونوں ٹیموں کے کپتانوں کو پنک ربن پہنائیں گے۔

کھلاڑی اور آفیشلز پنک ربن پہن کر اس مرض سے آگاہی فراہم کرنے میں اپنا حصہ ڈالیں گے۔

اسٹیڈیم میں موجود شائقین میں پنک ربن تقسیم کئے جائیں گے جبکہ سات سو پچاس مداحوں میں پنک شرٹس بھی تقسیم کی جائیں گی۔

About The Author

dailyswail

See author's posts