امریکہ میں طیارہ حادثہ، 9 افراد ہلاک، 3زخمی

ڈکوٹا:امریکہ کی ریاست جنوبی ڈکوٹا کے چیمبرلین کے بیرونی علاقے میں ایک ہوائی جہاز کے گر کر تباہ ہونے سے 9 افراد ہلاک جبکہ تین دیگر افراد زخمی ہو گئے۔

ساؤتھ ایشین وائر کے مطابق طیارہ حادثے کے شکار افراد میں دو بچے بھی شامل ہیں۔

حادثہ اس وقت ہوا جب 12 افراد کو لے کر جا نے والا ایک انجن والا ہوائی جہاز پرواز کے فورا بعد گر کر تباہ ہوگیا۔ زخمیوں کو ہسپتال میں داخل کرا دیا گیا ہے۔

طیارہ ریاست ایڈاہو کے ایڈاہو فالز جا رہا تھا۔ خیال رہے، حادثہ سے قبل نیشنل ویدر سروس نے موسم خراب ہونے اور طوفان کی وارننگ بھی جاری کی تھی۔

About The Author

ویب ڈیسک

See author's posts