نذیر لغاری… شالا روہ دی عمراں ہووی||باسط بھٹی

نذیر لغاری،سئیں نذیر لغاری،کوں کھارے چڑھݨ توں پیلھے دا جاݨدے ہاسے،78,80دی ڳالھ اے،اسلامیہ یونیورسٹی بہاول پور ایم اے اکنامکس کریندا ودا ہَم،کنیں ووڑ پی جو،نزیر لغاری،سیں سفیر لشاری دی ںالڑی کوں پرنیجݨ اندا پے،بہاولپور ہم پڄ نہ سڳیم،ھوں ویلےچھڑے سرائیکئ زبان ادب دے عاشق ھاسے،اے ساݙے اگواݨ ھن،سعید خاور،بہشتی انجم لشاری،شاہد جتوئ،ول ریاض بھٹی،تے ڈوجھے کئ نینگر،کراچی ونج نذیر خاں دے مرید تھے،ھوں زمانے نذیر خاں انھاں دااستاد ھا،خان اڳوں ٹردا ھا،ایہ پچھوں ٹردے ھن،بس سیں ایہو دورھا،ول خان مچھردا ڳیا،ٹنڈردا ڳیا،دگھردا ڳیا ودھدا ڳیا،جنگ اخبار خان دا ٹکاݨہ ھا،روای اہدے دفتر دے ٻاہروں ونڄ بہاندے ھاسے،جوان دی مرضی ھوندی مل پوندا،مرضی نہ ھوندی تاں نہ ملدا،ول خان کراچی سرائیکی عوامی سنگت دے زیر انتظام فرید میلہ جگ مشہور تھیا،سارا وسیب کراچی ڈھکدا،اساں وی ویندے ھاسے،بھل بھل جھڑ گاجاں ڈیندا،ول کراچی کوں نظر لڳ ڳئی،الطاف بھائ مہاجراں دا وݙ پردھان بنڑیا،کراچی تلوچڑاں کیتے ترامݨ تپ گئ،بھئ ھک ہکل مریندا ،مہاجروں کو دیوار سے لگانے کی سازش ھو رہی ھے،دس دن کا راشن اکٹھا کر لو،

بابو،لیلو،مرچی،سبیرو ٹنڈا،کبرو کانا،اجمل پہاڑی،سلامو چھرا،ستار سپاری،تصویر بیماری،کالا کباڑی،بھتری بم،بانیان پاکستان،ظلم ھو رھا ھے،کوئ سندھی ٹوپی اور اجرک والا کراچی میں نظر نہ آئے،کراچی مہاجروں کا ھے،میرے اردو بولنے والے،بانیان پاکستان،

ایجھیں حالات اچ لوکاں موت کوں ڳل لایا پر کراچی کوں ماء بݨایا،نذیر خاں وی کراچوی تھی گیا،لیکن دھرتی ماء ایندی رڳ رڳ وسدی رھی،روہی،تھل،دامان،اینکوں ہکلاں مریندے رہے ڳے،ھݨ کجھ واندا تھے،تاں وسیب دو بھڄدے،تر تر دیرے غازی خاں دے انھاں رستیاں تے ویندے جتھوں پیر،پیادو،اپݨی جھوک اپݨی کنڈ تے چا کراچی ڳیا ھا،انھاں رستیاں کوں چمیندے،سر دھوڑ مٹی پیندے،گزریاں یاد کریندے،روندے،رڑدے،پر ڳیا ویلا کتھوں ولے،

منہ دھوڑ مٹی سر پایم

سارا ننگ نوز ونڄایم

کوئ پچھݨ نہ ویڑھے آیم

ہتھوں الٹا عالم کھلدا

نذیر خاں ،شالا روہ دی عمراں ہووی