نذیر لغاری
۔۔۔۔۔۔۔۔۔۔۔۔۔۔۔۔۔۔
جی ایم سید تاج لنگاہ تے سرےدا ٹکر
منور ہا لیپوترا تے انور ہالیپوترا گھروں ٻاہر نکھتے اتے ساکوں بھلی کرے آیا آکھیونے اساں سندھ ہاوس دے ڈرائنگ روم اچ پیرپاتے تاں پہلی دید سائیں تے پئی کندھ تے سائیں جی ایم سید دا فوٹو لگا کھڑاہا تتی کوں تارا گوں اساں جتلاترٹھے ودے ہوووں سائیں دا د یدار سئت بݨ ویندے سائیں یاد آیاتاں سائیں دیاں ڳالھیں یاد آیاں سائیں دی حیاتی اچ اوندی چھیکڑی سالگرہ اچ اوندی وستی سن گیا ہم سائیں کوں سدھ ہئی جو میں اوندے واروں کائے نمھی ول وی سائیں آکھیا جو ایندی داری کرو سائیں اچ وڈی چنگائی اے ہئی جوورآئے وی داری کنوں کنڈ نہ کریندا ہا بھانویں کوئی میں جیہاں چٹا جھیڑے کارہی کیوں نہ ہووے ۱۹۸۰ دی گالھ ہے میں حیدرآباد دے نال سندھ یونیورسٹی ڄام شورواچ جشن لطیف تے تقریر کرݨی ہئی اوں ویلھے رسول بخش تھیپوجئے سندھ اسٹوڈنٹس فیڈریشن دا مرکزی صدر تے گل محمد جاکھرانی مرکزی جنرل سیکرٹری ہا جشن لطیف دے بعد اگلے ڈیہاڑے اساں سارے سنگت سودھے سن گیوسےمیڈے نال گل محمد جاکھڑاݨی اللہ بچایا ملھنہاس اسحاق یتنوتے ٻے سنگتی وی ہن اساں کل ۱۸ جݨے ہاسے اوں زمانے اچ اجاں سن اچ بجلی کائنا آئی ہئی سائیں دی وساخ تے پنو سے تاں اوہک انگریزی کتاب ٻیٹھا پڑھدا ہا اوں کتاب واری واری اساں سارئیں کوں ڈکھال تے آکھیس جو انگریزی اچ روحانیت تے ایں کنوں چنگی ٻی کوئی کتاب کائنی ساکوں اوں ویلھے روح دی غزاوی لوڑ کائنا ہئی ساڈے ڈڈھ خالی ہن سائیں ڳھروں ٹکر چوایا گھروں آکھیونے جو چھڑا ۴ بندئیں دا ٹکر ہے اے کھاو بیا پکداپئے توڑیں جو اساں ۱۸بندے ہاسے ول وی کھا کھاتے منہ بھڄ پئے پر چاربندئیں دا ٹکر نہ مکا
سائیں نال گالھیں تھیاں تاں تاریخ ۔تصوف سیاست ادب لطیف سائیں ہر مو ضوع تے گالھیں کریندارہ گیا شاہ لطیف کوں ’سندھ اچ نویں سروں سائیں ڳولیے پر سائیں دا المیہ اے ہا جو سائیں وڈیرہ ہا
جاگیردار ہا وڈیرکی انا تے خانکی ڈڈھپ اچ او جوڑݨ توں ودھ بھنݨ تے دگا چاتی رہ ویمدا ہا میں پچھیم جو سندھ دی قومی تحریک اچ ہاری دا کیا کردار ہے سائیں دیاں اکھیں رتیاں لال تھی گیاں ہتھ کنیݨ پئے گئے چہرے تے جلال آگیا کریرنال بھریے الااچ آکھیس جو ہاری کتے ہن انھیں دا کوئی کردار کائنی حیدر بخش جتوئی انھیں کیتیں سانگے ڈپٹی کمشزی چھوڑی بنیاں چھوڑیونس انھیں کیتیں سانگے رات ڈینہہ ہک کرڈتس پچھاڑی انھیں کتیئیں اونکوں ووٹ ہی نہ ڈتے سائیں سووچوں ۸۰ سندھی تاں ہاری ہن جے اے کتے تھی گئے تاں ول قومی تحریک کیندے سانگے پئے چلیندو آزادی کیندے سانگے منگدو میڈے سوال تے ہیمش وانگوں چڑگیا آکھیس میں سندھ دی گالھ کرینداں میڈے نال سندھ دی گالھ کرہار ئیں دی گالھ چھوڑ
ویلھے وارا ڈتا تاں سائیں نال جھیڑئیں داانج حال لکساں پر سائیں پل اچ رتی پل اچ ماشہ ہوندا ہا کوڑیج ونجے ہا تاں دل ڈردا ہا جو بے بروا کرتے گھروں کڈھوا چھوڑیسی اتے لحظے پچھوں مہربانصاینجھا جوہاں اچ چاپنیدا مکلایوسے تاں سائیں ڳھروں اجرک چواتے میکوں ڈتی جیرھی میں اجݨ تائیں سانبھی وداں منور ہالیپوتر ے دے مہمان آوݨ پئے گئے تحریک استقلال دے سدا نینگر اگواݨ ہوائی مارشل اصغرخاں دے سڄݨ سنگتی بیرسٹر ظہورالحق مجاہد ترمزی اتے چغتائی صیب دے آوݨ نال مجلس دی رونق بݨ ڳئی ول کامریڈ علی جعفر زیدی آگیا اوندے بعد تاج خاں لنگاہ ہک کشمیری لیڈر کوں نال رلاتے ڈرائینگ روم اچ پیٹھے تاں خوش تھی گیوسے جو بیرسٹرصیب دے دیدار تاں تھئے تاج خاں پنجاب دے گلے کیتے پنجاب ساکوں کھادی ویندے نوکریاں رڑکی ویندے ٻنیاں پیتی ویندے دھنولے سرکی ویندے ساول اڄاڑی ویندےاساں ٻاہردادھن کماووں واڑ پھٹی رہاوں کݨکیں دیاں ٻاریں چاووں ساکوں اگھ نہیں ملدا صوبہ ساڈ ا حق ہے پنجاب ساکوں صوبہ نئیں ڈیندا ول اے متھ بݨی جو ہر کوئی وارے وارے نال الاوے مشتاق لاشاری صدارت سنھبل گھدی
جاری ہے ۔۔۔۔
اے وی پڑھو:
سینے جھوکاں دیدیں دیرے(15)۔۔۔ نذیر لغاری
سینے جھوکاں دیدیں دیرے(14)۔۔۔ نذیر لغاری
سینے جھوکاں دیدیں دیرے(13)۔۔۔ نذیر لغاری
سینے جھوکاں دیدیں دیرے(12)۔۔۔ نذیر لغاری
سینے جھوکاں دیدیں دیرے(11)۔۔۔ نذیر لغاری
سینے جھوکاں دیدیں دیرے(10)۔۔۔ نذیر لغاری
سینے جھوکاں دیدیں دیرے(9)۔۔۔ نذیر لغاری
سینے جھوکاں دیدیں دیرے(8)۔۔۔ نذیر لغاری
سینے جھوکاں دیدیں دیرے(7)۔۔۔ نذیر لغاری
نذیر لغاری سئیں دیاں بیاں لکھتاں پڑھو
یہ بھی پڑھیے
وسیب روانگی ،،گورنرسندھ دا سݙا (وسیب یاترا :4)||سعید خاور
لذت بھرے مہکتے ذائقے اور عید ۔۔۔||محمد عامر خاکوانی
شکر اور ناشکری کے درمیان۔۔۔||رؤف کلاسرا