4اپریل2020:آج پاکستان اور دنیا بھر میں کیا ہوا؟

کورونا کسی کو نہیں چھوڑتا ، لوگ سوشل میڈیا کی غلط باتوں پر نہ جائیں، وزیراعظم عمران خان کا کورونا ریلیف فنڈز  کی تقریب سے خطاب، کہا، قوم کورونا کے چیلنج سے نکلے گی توبالکل مختلف قوم ہوگی ،لاک ڈاؤن ڈیٹا کی بنیاد پر کررہے ہیں، ریلیف فنڈز کا پیسہ میرٹ پر عوام میں تقسیم کیا جائےگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کا لاہور ایکسپو سنٹر میں قائم  قرنطینہ سنٹر کا دورہ،، انتظامات کا جائزہ لیا، وزیرصحت نے بریفنگ دی، وزیراعظم نے کہا، پنجاب حکومت نے نو روز میں فیلڈ اسپتال بنا کر ریکارڈ قائم کر دیا، پوری قوم کو ڈاکٹرز اور طبی عملے کی خدمات پر فخر ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کیسز کی تعداد ستائیس سو سے بڑھ گئی، نیشنل کمانڈ اینڈ آپریشن سنٹر کے مطابق پاکستان میں کوروناسےاموات اکتالیس ہوگئیں، کورونا کے دنیا بھر میں گیارہ لاکھ تیس ہزار سے زائد کیسز، اموات ساٹھ ہزار سے زائد ہوگئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی آئی اے کا بین الاقوامی فضائی آپریشن جزوی طور پر بحال، اسلام آباد سے دو خصوصی پروازیں چھ سو پچاس مسافروں کو لےکربرطانیہ روانہ،،روانگی سے قبل مسافروں کی اسکریننگ اور طبی معائنہ کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کا طورخم اور چمن بارڈر چھ سے نو اپریل تک کھولنے کا فیصلہ ،ترجمان دفترخارجہ کے مطابق، پاکستان میں  افغان شہریوں کی واپسی کے لیے  بارڈرکھلے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اجازت ملی تو پندرہ اپریل سےٹرینیں نئی شکل میں چلیں گی، وزیر ریلوے شیخ رشید کہتے ہیں ، یہ وقت سیاست کا نہیں، ناراض دوستوں کو صلح کی دعوت دیتا ہوں ،آئیں مل کر ملک کر بحران سے نکالیں ،ٹائیگر فورس کے پاس کوئی اختیارات نہیں ، صرف خدمت کا جذبہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت برطانیہ سے دو لاکھ ٹیسٹنگ کِٹس خریدے گی،وزیراعلیٰ سندھ کی زیر صدارت اجلاس،چھ نئی پی سی آر مشینیں خریدنے کی بھی منظوری، سروسز اسپتال کراچی میں کورونا مریضوں کےلیے یونٹ قائم کرنے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اعظم عمران خان کہتے ہیں ہم نے کورونا کا پھیلاؤ روکنے کے لیے تعلیمی ادارے، شادی ہالز، شاپنگ مالز اور اجتماع کے مقامات بند کئے، لاک ڈاؤن کے تباہ کن اثرات سے بچنے کے لیے زرعی شعبہ بند نہیں کیا، اب تعمیراتی شعبہ بھی کھول رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی اطلاعات فردوس عاشق اعوان کہتی ہیں ، کوئی بھی حکومت بائیس کروڑ عوام کو گھر راشن نہیں پہنچا سکتی ، کورونا کے خلاف جنگ اجتماعی کوششوں سے ہی جیتیں گے،، وائرس کے ساتھ ساتھ بے روزگاری اور بھوک سے بھی لڑنا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں پچیس اپریل تک کورونا کیسز کی تعداد پچاس ہزار تک پہنچنے کا خدشہ ، وفاقی حکومت نے رپورٹ سپریم کورٹ میں جمع کرا دی، رپورٹ کے مطابق ،سات ہزار کیسز سنگین اور اکتالیس ہزار معمولی نوعیت کے ہوں گے، رپورٹ دیگر ممالک میں کورونا کیسز کو سامنے رکھتے ہوئے بنائی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں کورونا کی وجہ سےاکتالیس اموات، نیشنل کمانڈ اینڈ آپریشن سنٹر کے مطابق ،سندھ میں چودہ ، خیبر پختون خوا بارہ ،، پنجاب میں گیارہ، بلوچستان میں ایک ، گلگت بلتستان میں تین مریض چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں کورونا کے ایک ہزار سے زائد کیسز، سندھ میں آٹھ سو انتالیس اور خیبر پختون خوا میں تین سو تینتالیس کیسز، بلوچستان میں ایک سو پچھتر، گلگت بلتستان میں ایک سو ترانوے اور آزاد کشمیر میں گیارہ مریض سامنے آئے، اسلام آباد میں کورونا کیسز کی تعداد پچھتر ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سوشل میڈیا پر کورونا کے حوالے سے غلط اعدادوشمار ہیں، ڈاکٹر ظفر مرزا کی میڈیا بریفنگ،، کہتے ہیں،وفاقی، صوبائی، سول اور عسکری ادارے صورتحال مانیٹر کر رہے ہیں،،نیشنل کمانڈ اینڈ کنٹرول سنٹر کی مرکزی حیثیت ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاک ایران سرحدی شہر تفتان میں گیارہ ایکڑ رقبے پر کنٹینر قرنطینہ سنٹر کے کام کا آغاز ، ایک سواڑسٹھ کنٹینرز میں تین سو پچاس افراد کو آئسولیٹ کیا جا سکے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وبا کے دوران سائبر کرمنلز بھی سرگرم، سائبر کرمنلز کورونا سے متعلق لنک اور فائلز پر مبنی ای میل یا میسیجز بھیج کر حساس معلومات حاصل کر سکتے ہیں ، پی ٹی اے نے صارفین کو خبردار کر دیا، صارفین ایسے کسی بھی لنک پر کلک نہ کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اعظم عمران خان کی سابق اہلیہ جمائما کا مشکل وقت میں پاکستانیوں سے اظہار یکجہتی، ٹوئٹر پیغام میں کہا ، برطانیہ کے موجودہ حالات یہاں کے لوگوں کے لیےکافی سخت ہیں، پاکستان میں تو حالات اور بھی سنگین ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا ایک دن میں چودہ سو سے زائد جانیں نگل گیا، ہلاکتیں سات ہزار چار سو سے بڑھ گئیں، کورونا کیسز کی تعداد پونے تین لاکھ سے زیادہ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا مزید سات سو چھیاسٹھ جانیں نگل گیا، اموات ساڑھے چودہ ہزار سے زائد ہوگئیں، ایک لاکھ بیس ہزار کے قریب کیسز، اسپین میں مزید پانچ سو چھیالیس افراد ہلاک، اموات بارہ ہزار کے قریب پہنچ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے دنیا بھر میں دو لاکھ پینتیس ہزار سے زائد افراد صحت یاب، چین میں سب سے زیادہ چھہتر ہزار اور اسپین میں چونتیس ہزار سے زائد مریض ڈسچارجٖ، جرمنی میں چوبیس، اٹلی میں بیس اور ایران میں انیس  ہزار مریض صحت یاب ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے بعد آنے والی وبائیں کہیں زیادہ ہلاکت خیز ہوسکتی ہیں، مائیکرو سافٹ کے بانی بل گیٹس نے خبردار کردیا، کہا، کورونا قدرتی وبا ہے، خوش قسمتی سے اموات کی شرح کم ہے، اگلی وبائیں قدرت کے ساتھ حیاتیاتی دہشت گردی سے بھی آ سکتی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں مزید چار سو چوراسی اموات ، ہلاکتوں کی تعداد تین ہزار چھ سو سے بڑھ گئی، اڑتیس ہزار سے زائد افراد میں بیماری کی تصدیق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں بھی کورونا وائرس سے ایک ہی دن میں گیارہ سو بیس اموات، ہلاکتوں کی تعداد ساڑھے چھ ہزار سے بڑھ گئی، بیاسی ہزار سے زائد مریض، جرمنی میں کورونا کے اکانوے ہزار سے زائد کیسز، ہلاکتیں تیرہ سو تک پہنچ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے باعث عائد کی گئی پابندیاں ہٹانے میں جلدی نہ کریں، عالمی ادارہ صحت نے دنیا کو خبردار کر دیا، کہا، پابندیاں جلد اٹھانے سے کورونا دوبارہ سر اُٹھا سکتا ہے، معاشی مسائل بھی طویل ہو سکتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن پر سختی سے عمل درآمد اور زیادہ سے زیادہ ٹیسٹنگ سے چین کورونا پر قابو پانے میں کامیاب، ملک بھر میں صرف ڈیڑھ ہزار مریض زیر علاج، احتیاطی تدابیر پر عمل درآمد جاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں کورونا سے ہونے والی ہلاکتوں پر تین منٹ کے لیے خاموشی اختیار کی گئی، تین منٹ کے لیے پورے ملک میں نظام زندگی روک دیا گیا، کورونا مریضوں کے علاج کے دوران جان دینے والے طبی عملے کو خراج عقیدت پیش کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماسک نہیں پہنوں گا، امریکی صدر ڈونلڈ ٹرمپ اَڑ گئے، کہتے ہیں ماسک پہن کر کسی سربراہ مملکت کا استقبال کرنے کا تصور نہیں کر سکتا، یہ ہدایت ماننا میرے لیے ضروری نہیں ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت میں جُڑواں بہن بھائی کا نام کورونا اور کووِڈ رکھ دیا گیا، والدین کا کہنا ہے ،نام اس لیے رکھا تا کہ لاک ڈاؤن کے دوران بچوں کی پیدائش زندگی بھر یاد رہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی ریاست مہاراشٹر میں لاک ڈاؤن کے باعث مسلم جوڑے کی ویڈیو کال پر شادی، دلہا نے کہا ، میرج ہال میں شادی کر سکتے ہیں نا کہیں آ جا سکتے ہیں، اس لیے یہ فیصلہ کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور میں بند دکانوں میں قید پرندوں کے دانہ پانی کا ذمہ پولیس نے اٹھا لیا،روزانہ دو شفٹوں میں خوراک اور پانی دیا جانے لگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں ضلعی انتظامیہ کا کورونا کے خلاف اقدام ، بادامی باغ سبزی منڈی میں جراثیم کُش ٹنل نصب، آنے والے شہریوں پر اسپرے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سکھر میں گندم اسمگلنگ کی ایک اور کوشش ناکام، محکمہ خوراک نے بائیس ٹرالر سے گندم کی چھ ہزار بوریاں قبضے میں لےلیں، گندم پنجاب منتقل کی جارہی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فردوس عاشق اعوان کا جناح اسپتال لاہور میں بائیو سیفٹی لیب کا دورہ، وارڈ کے باہر موجود خاتون سے پوچھا سیفٹی کِٹ کیوں نہیں پہنی، خاتون نے کہا مجھے کِٹ نہیں دی گئی، کہا گیا میڈم کے لیے ہے، ڈیوٹی ڈاکٹر نے کہا قرنطینہ وارڈ میں صرف آپ ہی جائیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چمن اور نواحی علاقوں میں خسرہ کی وبا پھوٹ پڑی،، پانچ بچے جاں بحق،،، درجنوں متاثر،، اسپتال منتقل کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سابق وزیر اعظم ذوالفقار علی بھٹو کی برسی پر بلاول کی گڑھی خدا بخش آمد، کہا اکیلا دعا مانگنے کے لئے گڑھی خدا بخش آیا ہوں، اس کی وجہ دنیا بھرمیں کورونا وائرس کا پھیلاؤ ہے،اپنے پیغام میں کہا ، بھٹو کی قربانی کبھی فراموش نہیں کی جائےگی، آج عوام ایک نئےذوالفقارعلی بھٹوکی تلاش میں ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سابق امریکی صدر جان ایف کینیڈی کی پوتی اور اس کا بیٹا لاپتہ، دونوں کشتی رانی کے لئے گئے تھے، ممکنہ طور پر دونوں ڈوب گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گوگل کا پاکستانی اسکواش لیجنڈ ہاشم خان کو خراج عقیدت، ڈوڈل جاری کر دیا، ہاشم خان نے چار اپریل انیس سو اکاون کو پہلا برٹش اوپن اسکواش ٹورنامنٹ جیتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشکل وقت میں خود غرضی کی انتہا، سڈنی میں شاپنگ مال سے خاتون نے پانچ ٹرالیوں میں بچوں کے فارمولا ملک کے ڈبے بھر لئے، کورونا لاک ڈاؤن کے باعث شہر میں خوراک کی قلت ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معروف گلوکار عاطف اسلم نے اپنی آواز میں اذان ریکارڈ کرادی،،اللہ تعالیٰ قوم کو کورونا وائرس سے محفوظ رکھے، گلوکار عاطف اسلم کی دعا ،،، کہا،،، اذان ریکارڈ کرکے نیک کام میں اپنا حصہ ڈالا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے بعد دنیا کو ایٹمی جنگ کا خطرہ لاحق ہوسکتا ہے،معروف فلاسفر نوم چومسکی نے خبردار کردیا، کہا ،کورونا وائرس کے پھیلاؤ کو روکنا ممکن تھا، مگر حکومتوں نے لاپرواہی دکھائی، کورونا کے بعد ایٹمی جنگ اور گلوبل وارمنگ جیسے مسائل ہمارے انتظار میں ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احتیاط کریں گے تو کورونا سے بچیں گے، اپنے اور اپنے پیاروں کی خاطر گھر پر رہیں، مجبوری کی حالت میں باہر نکلنا پڑے تو ماسک پہنیں، ہاتھ صابن یا سینیٹائزر سے بار بار صاف کریں، چہرے اور ماسک کو بالکل نہ چھوئیں، دوسروں سے کم از کم چھ فٹ کا فاصلہ برقرار رکھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بچنا ہے تو گھر پر رہیں، احتیاط کریں اور ماسک لگائیں، سوہاوہ کے آرٹسٹ کا اپنے فن کے ذریعے پیغام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خبردار!! پالتو بلیاں بھی کورونا کی منتقلی کا سبب بن سکتی ہیں،چین میں تحقیق کے مطابق، وائرس ایک بلی سے دوسری میں آسانی سے منتقل ہوسکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی ریاست گجرات میں پولیس نے لاک ڈاؤن سے تنگ شہریوں کی بوریت دور کرنے کے لیے موسیقی کی محفل سجا دی ، مقامی گلوکار نے شہریوں کو خوب محظوظ کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آئی سی سی نے ” گھر پر رہیں ” الیون جاری کردی ،، دنیا بھرسے کھلاڑیوں کے نام اور گھر کی اشیا کو ملا کر ٹیم بنادی گئی ،، پاکستان کے شاہین آفریدی کو آفریجی کر کے فریج سے ملایا،، کیویز کے لوکی فرگوسن کو چابی سے تشبیہ دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اداکارہ ماہرہ خان بھی آئسولیشن میں چلی گئیں،، انسٹاگرام پر اپنی تصویر شیئر کرتے ہوئے لکھا ،کراچی کی دھوپ اور درختوں کی چھاؤں، آپ بھی بتائیں آئسولیشن کا وقت کہاں گزار رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اداکار ہمایوں سعید کی آئسولیشن ختم، بیرون ملک سے واپسی پر خود کو چودہ روز کے لیے الگ تھلگ کیا، انسٹاگرام پرتصویر شیئرکرتےہوئےکہا اب مشکل میں گِھرے شہریوں کی مدد کروں گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہالی ووڈ اسٹار دی راک نے اپنی بیٹی کو ہاتھ دھونے کا طریقہ سکھایا، ویڈیو سوشل میڈیا پر شیئر کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایکشن ہیرو ٹام کروز کی فلم ’’ٹاپ گن میورک ‘‘بھی کورونا کا نشانہ بن گئی، کورونا وبا کی وجہ سے فلم چوبیس جون کے بجائے اس سال تئیس دسمبر کو ریلیز ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس کا خوف ، ڈزنی نے اپنی ایک اور فلم کی ریلیز ملتوی کر دی، فلم مولان اب چوبیس جولائی کو سینما گھروں میں پیش کی جائے گی

ویب ڈیسک

See author's posts