شہر میں آر او پلانٹس مارچ تک فعال ہوجائیں گے، وزیر بلدیات سندھ ناصر حسین شاہ

وزیر بلدیات سندھ ناصر حسین شاہ شہر میں آر او پلانٹس کے غیر فعال ہونے سے تو واقف ہیں لیکن عوامی ٹیکس سے بنائے گئے اربوں روپے کے آر او پلانٹس کی تباہ حالی کا ذمہ دار کون ہے،، یہ نہیں جانتے۔کہتے ہیں پاک اوسیز کے خلاف نیب انکوئری کروا دی گئی تھی لیکن عدالتوں نے انہیں باعزت بری کردیا

وزیر بلدیات سندھ ناصر حسین شاہ نے  بتایا کہ وہ شہر کے اٹھارہ آر او پلانٹس بند ہونے سے واقف ہیں۔کہتے ہیں اب نئے طریقہ کار سے انہیں کھولا جائے گا۔ اخبارات میں دوبارہ ٹینڈر دے دیا ہے ۔

اس سوال پر کہ چھ ارب روپے کی خطیر رقم سے بنائے گئے آر او پلانٹس شہر کو ایک بوند پانی بھی فراہم نہ کرسکے۔ اس کا ذمہ دار کون ہے۔ ناصر حسین شاہ نے کہا کہ پاک اوسیز کے خلاف نیب انکوئری کروائی، لیکن عدالتوں نے انہیں بری کردیا۔

وزیر بلدیات ناصر حسین شاہ کہتے ہیں کہ آر او پلانٹ لگانا پیپلزپارٹی کا کارنامہ ہے۔ شہر میں آر او پلانٹس مارچ تک فعال ہوجائیں گے۔

About The Author

نمائندہ

See author's posts