
اور منصف جلاد بن گئے ۔۔۔! || نذیر ڈھوکی
میں نے اپنی زندگی میں عدلیہ کو تقسیم ہوتے ہوئے دیکھا ہے کبھی بریف کیس جج کے طور بے نقاب ہونے والے ججز کی شکل میں کبھی کسی اور تناظر میں بہرحال یہ تاریخ کی طرف سے دی گئی سزا ہے۔

میں نے اپنی زندگی میں عدلیہ کو تقسیم ہوتے ہوئے دیکھا ہے کبھی بریف کیس جج کے طور بے نقاب ہونے والے ججز کی شکل میں کبھی کسی اور تناظر میں بہرحال یہ تاریخ کی طرف سے دی گئی سزا ہے۔

مگر انصاف کے ایوانوں نے کبھی اس بات پر غور کرنے کی زحمت گوارا کی ہے کہ قانون کی رکھوالی کرنے والے پولیس اہلکاروں کا حشر کیا ہوگا جو 12 گھنٹے تک امن کی خاطر بھوک اور پیاس کے باوجود اپنی ذمہ داری انجام دیتے ہیں،

مجھے یہ کہنے میں کوئی عار نہیں ہے 1979 میں باوقار انداز میں تختہ دار پر ابدی نیند سو نے والا قائد عوام ذوالفقار علی بھٹو شہید تختہ دار پر جھولتے ہی تاریخ کا ھیرو بن گیا تھا جبکہ انہیں پھانسی کی سزا سنانے والے جج مرنے کے باوجود ابھی تک تاریخ کے کٹہرے میں مجرم بن کر کھڑے ہیں۔

خوبصورت بیٹے دیئے ، پیاری بیٹی دیدی مگر ملک نے مجھے کیا دیا ؟ مگر یہ بھٹوز کا شان نہیں ہے وطن کی خاطر اپنی قربانیوں کو جتائیں ۔ اصولی طور پر تو ہونا یہ چاہیے تھا کہ پاکستان کا میڈیا وطن کی خاطر جناب بلاول بھٹو زرداری کی بہت بڑی کامیابی کو پاکستان کی بڑی کامیابی سے تعبیر کرتا اور فخر سے بتاتا کہ پاکستان کے وزیر خارجہ نے وہ کامیابی حاصل کی ہے جو بھٹو شہید کے سوا کسی نے نہیں کی۔

در اصل وزیر خارجہ نے دلائل کے ساتھ عالمی دنیا کی اسلامو فوبیا کے خلاف توجہ حاصل کی ہے ۔ جناب بلاول بھٹو زرداری کے کامیاب خارجہ امور کی وجہ سے جرمنی نے مقبوضہ کشمیر میں بھارتی ظلم کے خلاف قرارداد پیش کی یہ نہ صرف پاکستان، مقبوضہ کشمیر بلکہ دنیا بھر کے مسلمانوں کی بہت بڑی کامیابی تھی۔ پاکستان کے نوجوان وزیر خارجہ جناب بلاول بھٹو زرداری نے انتہائی مختصر مدت میں پاکستان کے خارجہ امور کو ایک نئی زندگی ہے ۔

صاحبو میں عدل کے ایوانوں کی بات کیا کروں جب جج صاحبان اپنے منصب کی لاج رکھنے کی بجائے یہ اقرار کرنےمیں عار محسوس نہیں کریں کہ ہاں ان کی فیملیز عمران خان کے جلسوں میں جاتی ہیں تو عمران خان کو ملنے والا ریلیف سوالیہ نشان بن جاتا ہے،

بچپن سے لیکر 60 سال کی عمر تک تو ہم یہ ہی دیکھتے رہے ہیں کہ ملزم ریلیف کےعدالت میں انتہائی عاجزانہ انداز میں حاضر ہوتا ہے مگر آج ہم یہ دیکھ رہے ہیں ملزم عدالت کو ہفتے تک اپنی آمد کا انتظار کراتا ہے ،اپنی مقبولیت کا رعب جماتا ہے ۔

ہمارے یہاں عام طور عدلیہ کے لیئے مقدس گائے کے لفظ کا استعمال ہوتا ہے عدلیہ کے مقدس گائے کا بیانیہ بھی کمال کا بیانیہ ہے کیوں عدلیہ ایسی مقدس گائے ہے جس کا دودھ صرف آمروں نے پیئا ہے۔

اصولی اور اخلاقی طور پولیس آفیسر ڈوگر کو سیاسی تنازعہ کا حصہ نہیں بننا چاہیے رہی بات پنجاب میں منصفانہ انتخابات کی تو صاف بات یہ ہے کہ ڈوگر کی سیاسی وابستگی بے نقاب ہو چکی ہے ۔ ارے ہاں یاد آیا ماننا پڑے گا کہ پرویز الٰہی تو فنکار ہیں مگر ان کے سیکریٹری بھٹی تو ان کے بھی استاد نکلے بھٹی ایک جج صاحب کے پاس چھپے رہے جبکہ باور یہ کرایا جا رہا تھا سندھ میں انہیں گرفتار کیا گیا ہے اور وہ لا پتہ ہیں۔

صدر زرداری شہید قاٸد عوام ذوالفقار علی بھٹو کے بعد واحد صدر تھے جس نے صدر مملکت کے منصب کو باوقار بنایا انہوں نے حاصل تمام اختیارات پارلیمان کے حوالے کیئے وہ سپر طاقت سے برابری کے بنیاد پر بات پر بات کرنے کی اہلیت رکھتے تھے۔