دنیا کی آبادی اس سال نومبر میں آٹھ ارب ہوجائے گی||مبشرعلی زیدی

دنیا کی آبادی اس سال نومبر میں آٹھ ارب ہوجائے گی۔

ایک اندازے کے مطابق زمین پر ابتدا سے اب تک 117 ارب انسان پیدا ہوچکے ہیں۔

آپ کو یہ جان کر انتہائی حیرت ہوگی کہ یہ تمام افراد اپنے والدین کے جنسی عمل کے نتیجے میں پیدا ہوئے ہیں۔ ان میں آپ اور میں بھی شامل ہیں۔

اس سے زیادہ حیران کن بات شاید آپ کو یہ لگے کہ تمام انبیا، اولیا، آئمہ، اہلبیت، صحابہ سمیت جتنی بھی پاک ہستیاں ہیں، وہ سب بھی عضو تناسل سے خارج ہونے والے ناپاک مادے سے وجود میں آئی تھیں۔

سید، سردار، مخدوم، چوہدری، صاحبزادہ، برہمن، دوسری مبینہ اعلی ذاتوں کے افراد بھی آسمان سے نازل نہیں ہوئے، نہ کسی مختلف خالص اور پاک شے سے جنمے ہیں۔

کسی مذہب، مسلک، نظریے، نسل، قومیت، ذات، پارٹی، خطے، پاسپورٹ یا کسی ہستی سے محبت کی وجہ سے صرف خود کو حلالی سمجھنے والے جس مرض میں مبتلا ہیں، اس کا علاج ماہرین نفسیات کر تو سکتے ہیں لیکن اس میں کافی وقت اور پیسہ لگتا ہے جو شاید مہنگائی کے اس دور میں کسی کے پاس نہیں۔

انسان بنیں اور کسی کو حرامی قرار دے کر حرامی پن نہ کریں۔