پاکستان سمیت دنیا بھر سے آج کی خبریں،مختصر مختصر

سندھ میں ہفتے کے چھ دن کاروبار کی اجازت ہو گی، دکانیں پانچ دن رات آٹھ اور ہفتہ کو رات نو بجے تک کھل سکیں گی، سندھ حکومت نے نوٹی فکیشن جاری کر دیا، بیوٹی پارلرز، سینما ہال، ہوٹلز، ریسٹورنٹس پر عائد پابندیاں ختم، ریسٹورنٹ کو پانچ دن رات دس اور ہفتے کو رات گیارہ بجے تک کام کی اجازت، ایس او پیز کے تحت شہروں میں پبلک ٹرانسپورٹ چلانے کی اجازت، تعلیمی ادارے، شادی ہالز، بزنس سنٹر پندرہ ستمبر سے کھلیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محرم کے دوران ایس او پیز پر عملدرآمد نہ ہوا تو کورونا وبا دوبارہ پھیل سکتی ہے، نیشنل کمانڈ اینڈ آپریشن سنٹر نے انتباہ جاری کر دیا، وفاقی وزیر اسد عمر نے کہا، کورونا متاثرین کی نشاندہی کیلئے ٹریک اینڈ ٹریس حکمت عملی پرعمل کرنا ہو گا، زیادہ لوگوں سے رابطہ کرنے والے افراد کے ٹیسٹ کرنا ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاو بھائی کراچی کی جان چھوڑو، چیف جسٹس گلزار احمد، میئر کراچی وسیم اختر پر برہم، کہا، میئر کراچی کے پاس اختیار نہیں، تو گھر بیٹھیں، کیوں میئر بنے بیٹھیں ہیں؟ کراچی کے میئرز نے شہر کو تباہ کر دیا، کراچی کو بنانے والا کوئی نہیں، لوگ آتے ہیں جیب بھر کر چلے جاتے ہیں، شہر کیلئے کوئی کچھ نہیں کرتا، آپ لوگوں نے شہر کا حلیہ بگاڑ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت نے کراچی کا ستیا ناس کر دیا، میرے استعفیٰ سے شہر کے حالات ٹھیک نہیں ہوں گے، میئر کراچی وسیم اختر کہتے ہیں، چیف جسٹس کی ناراضی کو مانتا ہوں، میں اختیارات کی جنگ لڑ رہا ہوں، کوئی بھی میئر،،، کراچی کا حال درست نہیں کر سکتا، کوئی بھی میئر کراچی کے عہدے پر رہتے ہوئے مطمئن نہیں ہو سکتا، میں نہیں سمجھتا کہ بلدیاتی الیکشن ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قانون اور اختیارات کے مطابق مئیر کراچی کو فنڈ دیتے ہیں، اگر مئیر کراچی مطمئن نہیں تو قانون تبدیل کرنا پڑے گا، وزیر تعلیم سندھ سعید غنی کہتے ہیں، وسائل کے مطابق کام کر رہے ہیں، لوگ ہم سے خوش ہیں اسی لیے ووٹ دیتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چمن میں مال روڈ پر دھماکہ، جاں بحق افراد کی تعداد چھ ہو گئی، دس زخمی، بارودی مواد موٹرسائیکل میں نصب تھا، دھماکے سے آس پاس کی عمارتوں کے شیشے ٹوٹ گئے، وزیراعظم عمران خان کا جانی نقصان پر افسوس کا اظہار، زخمیوں کی جلد صحت یابی کی دعا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پارک لین ریفرنس، احتساب عدالت نے آصف زرداری پر فرد جرم عائد کر دی، سابق صدر کا صحت جرم سے انکار، چارج شیٹ میں سنائے گئے الزامات مسترد کر دیئے، آئندہ سماعت پر گواہ طلب، سابق صدر ویڈیو لنک کے ذریعے عدالت میں پیش ہوئے، ریفرنس کے سترہ ملزمان میں سے تیرہ  پر فرد جرم عائد کی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جتنا مرضی زور لگا لیں اپنے مؤقف پر قائم ہوں، سابق صدر آصف زرداری کہتے ہیں، پاکستان کو اٹھارویں ترمیم دی، اس لیے دباؤ ڈالنے مقدمات بنائے جا رہے ہیں، قانون سب کیلئے ایک جیسا ہونا چاہیے، دباؤ ڈالا جا رہا ہے لیکن اپنی پوزیشن سے پیچھے نہیں ہٹوں گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ کا،، کے الیکٹرک،، کے سی ای او اور انتظامیہ کا نام ای سی ایل میں ڈالنے کا حکم، کرنٹ لگنے سے اموات پر مقدمات درج کرنے کا بھی حکم، چیف جسٹس نے کہا، کرنٹ لگنے سے آٹھ دس لوگ روز مر رہے ہیں نیپرا کچھ نہیں کر رہی؟ کراچی کی بجلی کو بند نہیں کرنے دیں  گے، سب نے چوڑیاں پہنی ہیں، کیونکہ پیسہ کھاتے ہیں، کے الیکٹرک نے اربوں کھربوں کے حساب سے کما لیا، ڈائریکٹرز کو گرفتار کر کے جیل بھیجا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ کا کراچی سے ہر قسم کے بل بورڈز اتارنے کا حکم، چیف جسٹس نے ریمارکس دئیے، شارع فیصل پر عمارتیں دیکھیں اشتہار ہی اشتہار لگے ہیں، کراچی میں حکومت نام کی کوئی چیز نہیں، سندھ حکومت کی کوئی رٹ نہیں، وزیراعلیٰ سندھ صرف ہیلی کاپٹر پر دورہ کر کے آجاتے ہیں ہوتا کچھ نہیں، پورے شہر میں کچرا اور گندگی ہے، ہر طرف تعفن کی صورتحال ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلوچستان میں بارشوں اور سیلابی ریلوں سے جاں بحق افراد کی تعداد دس ہو گئی، ایک سو پچاس گھروں کو نقصان پہنچا، پی  ڈی ایم اے کے مطابق، گوادر اور کراچی کے درمیان کوسٹل ہائی وے پر ٹریفک بحال کر دی گئی، درہ بولان میں شاہراہ پر مرمت کا کام جاری، کوئٹہ ٹو سبی شٹل ٹرین کا آغاز، سیلابی صورتحال اور زمینی رابطہ کی بحالی تک شٹر ٹرین سروس جاری رہے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 وزیراعلیٰ بلوچستان جام کمال کا ہرنائی کا ہنگامی دورہ، کہا، سیلاب سے متاثرین کی بحالی اور نقصانات کا ازالہ کیا جائے گا، ہرنائی سنجاوی پنجاب قومی شاہراہ پر رابطہ پل کی تعمیر کا اعلان، ترجمان بلوچستان حکومت لیاقت شاہوانی کہتے ہیں، بارشوں اور سیلاب سے متاثرہ علاقوں میں امدادی سرگرمیاں جاری ہیں، صوبے  میں مزید بارشوں کا امکان ہے، شہری سفر سے گریز کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور موسلا دھار بارش کے بعد پانی پانی، اسلام پورہ بازار، سعدی روڈ اورعالمگیر روڈ زیرِ آب، ہرن روڈ اور ساندہ روڈ پر بھی پانی جمع، ٹریفک کی روانی متاثر، لاہور میں سب سے زیادہ بارش تاج پورہ میں ایک سو سات ملی میٹر ریکارڈ، جوہر ٹاؤن میں ایک سو تین ملی میٹر بارش ہوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد اور راولپنڈی میں موسلا دھار بارش، ٹھنڈی ہواؤں کے چلنے سے  موسم خوش گوار، راولپنڈی کے نشیبی علاقوں میں پانی جمع، قیوم آباد میں پانی گھروں میں داخل، کشمیر، بالائی وسطی پنجاب اور خیبر پختون خوا میں بھی بارش کا امکان، گلگت بلتستان کے مختلف اضلاع میں بھی بادل برسیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان سے اقوام متحدہ جنرل اسمبلی کے صدر وولکن بوزکر کی ملاقات، وزیراعظم نے مقبوضہ کشمیر میں انسانی حقوق کی خلاف ورزیوں کا معاملہ اٹھایا، کہا، بھارت نے مقبوضہ کشمیر میں آبادی کا تناسب تبدیل کرنے کی کوشش کی، اقوام متحدہ کو صورتحال پر بھرپور کردار ادا کرنا چاہیے، کورونا وائرس سے نمٹنے کیلئے اٹھائے گئے اقدامات سے بھی آگاہ کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اقوام متحدہ جنرل اسمبلی صدر نے کشمیریوں کیلئے آواز اٹھا دی، وولکن بوزکر نے کہا، اقوام متحدہ کی قراردادوں کے مطابق مسئلہ کشمیر کا حل چاہتے ہیں، مسئلہ کشمیر پر اپنے مینڈیٹ کے تحت معاونت کو تیار ہوں، وزیر خارجہ شاہ محمود قریشی نے کہا، خطے میں دیرپا امن کیلئے مسئلہ کشمیر کا فوری حل ناگزیر ہے، پاکستان کا سیاسی نقشہ عوام کے جذبات کی عکاسی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سردیوں میں بھی گیس لوڈ شیڈنگ رہے گی، وزیر توانائی عمر ایوب کی سینیٹ کی قائمہ کمیٹی پیٹرولیم کے اجلاس میں بریفنگ، کہا، مقامی سطح  پر گیس کی پیداوار کم جبکہ طلب بڑھ رہی ہے، گیس قلت سے متعلق تمام صوبوں نے مل کر فیصلہ کرنا ہے، اگلے سال تک سندھ کے پاس بھی کسی کو دینے کیلئے گیس نہیں ہو گی، سندھ کی گیس کی اپنی ضرورت پوری نہیں ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ذاتی طور پر نیب میں پیش ہوں گا، جلوس کے ساتھ جانے کی ضرورت نہیں، وزیراعلیٰ پنجاب عثمان بزدار کہتے ہیں، نیب میں سب قانون کے مطابق ہو گا، مخالفین کو ترقی پسند نہیں اس لیے سازشیں کرتے ہیں، پنجاب حکومت نے کورونا بحران کو بہتر انداز میں نمٹایا، محرم میں امن و امان کے قیام کیلئے تمام اقدامات کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت ملکی معاملات کے حل میں ناکام ہو گئی، رہنما اے این پی امیر حیدر ہوتی کہتے ہیں، حکومت کی نااہلی سے معیشت کا بیڑا غرق ہو گیا، حکومت اپنی نااہلی کو اٹھاروویں ترمیم سے جوڑنے کی کوشش نہ کرے، ہر صورت صوبائی خود مختاری کا دفاع کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ کا کڈنی ہل پارک کی زمین مکمل واگزار کرانے کا حکم، نجی اسکول کی عمارت منہدم کرنے کی ہدایت، کمشنر کراچی کو قبضہ ختم کرا کر چار ہفتے میں رپورٹ پیش کرنے کی ہدایت، باغ ابن قاسم میں منہدم شدہ عمارت کا ملبہ فوری ہٹانے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت نے کراچی کیلئے کوئی کام نہیں کیا، ہرسال فوج کراچی میں صفائی کیلئے موجود ہوتی ہے، پہلے ہی کہا تھا کراچی پھر ڈوبے گا، وفاقی وزیر بحری امور علی زیدی کی ہم نیوز کے پروگرام صبح سے آگے میں گفتگو، کہا، پیپلزپارٹی کے لوگ چاہتے ہیں ان کیخلاف باتیں نہ کروں، جے آئی ٹی کس نے پبلک کی، میں نے تو نہیں کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بدقسمتی ہے لوگ بریف کیس لے کر آتے اور بھر کے چلے جاتے ہیں، لاہور ہائیکورٹ میں وزیراعظم کے مشیروں کیخلاف درخواست سماعت کیلئے منظور، وفاقی حکومت سمیت دیگر فریقین کو نوٹس جاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیلم جہلم ہائیڈرو پاور پلانٹ نے ایک اور اہم ہدف حاصل کر لیا، نیشنل گرڈ کو دس ارب یونٹ بجلی مہیا کرنے کا سنگ میل عبور، بجلی کی بدولت ایک سو بیس ارب روپے کی آمدن ہوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مائیکرو سافٹ کے بانی بل گیٹس کا پاکستان کی کورونا کیخلاف کامیابی کا اعتراف، سی این این کے پروگرام میں کہا، پاکستان میں متاثرین کی تعداد کم ہو رہی ہے، بھارت میں کورونا مریضوں کی تعداد بڑھتی جا رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں ایکٹو کورونا کیسز کی تعداد اٹھارہ ہزار سے کم، چوبیس گھنٹوں میں پانچ سو سے زائد نئے کیسز رپورٹ، پندرہ افراد جاں بحق، اب تک وائرس سے جاں بحق افراد کی تعداد چھ ہزار ستانوے ہو گئی، گزشتہ روز پنجاب میں کورونا سے صرف ایک مریض جاں بحق ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ابھی بھی احتیاط، احتیاط اور بس احتیاط، کورونا ابھی ختم نہیں ہوا، کورونا کو مکمل شکست دینی ہے، پاکستان کی باہمت عوام نے حکومت کا ساتھ دیتے ہوئے ذمہ داری سے کورونا کا مقابلہ کیا، کورونا سے جاری جنگ ابھی ختم نہیں ہوئی، یوم آزادی کی تقریبات اور محرم کے اجتماعات میں بھی احتیاطی تدابیر کو لازمی اپنائیں، چہرے پر ماسک اور ہاتھوں پر دستانے ضرور پہنیں، چہرے، آنکھ، کان کو ہاتھ دھوئے بغیر چھونے سے گریز کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جسٹس قاضی فائزعیسیٰ کی اہلیہ سرینا عیسیٰ تیسری بار ایف بی آر میں پیش، جسٹس فائز عیسٰی کی اہلیہ جواب جمع کرانے ایف بی آر آفس میں پیش ہوئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ضلع خیبر میں پودے اکھاڑنے والے دس افراد کیخلاف مقدمہ درج، ایک ملزم گرفتار، ایف آئی  آر کے متن کے مطابق، مشتعل افراد نے سرکاری املاک کو نقصان پہنچایا، پودے اُکھاڑے، سرکاری عملے کو زدوکوب کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تیز رفتاری چھ جانیں لے گئی، ساہیوال میں بس اُلٹنے سے پچیس افراد زخمی، بس فورٹ عباس سے ساہیوال آ رہی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سیشن کورٹ لاہور میں آنے والا ملزم مخالفین کی گولیوں کا نشانہ بن گیا، ملزم سیشن کورٹ میں درخواست ضمانت جمع کروانے کیلئے آیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

  دنیا بھر میں دو کروڑ سے زائد کورونا کیسز، پہلے پچاس لاکھ کیسز ایک سو پچاسی روز میں رپورٹ ہوئے، آخری پچاس لاکھ کیسز صرف اٹھارہ روز میں سامنے آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا کے کامیاب ترین ٹیسٹ فاسٹ باؤلر کی ریٹائرمنٹ کا امکان، پانچ سو  نوے وکٹیں لینے والے اڑتیس سالہ جیمز اینڈرسن آج پریس کانفرنس کریں گے، بڑھتی عمر، فٹنس مسائل اور نوجوان فاسٹ باؤلرز کی آمد وجہ بنی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی بلے باز بابر اعظم نے ورلڈ ٹیسٹ چیمپئن شپ میں ایوریج کے لحاظ سے سب کو پیچھے چھوڑ دیا، نائب کپتان نے چھیاسی اعشاریہ ایک دو کی ایوریج سے چھ سو نواسی رنز بنائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لبنان میں حکومت کے خاتمے کی تحریک زور پکڑنے لگی، لبنانی پارلیمنٹ کے باہر حالات کشیدہ، مظاہرین نے پارلیمنٹ اسکوائر کے داخلی راستے پر آگ لگا دی، پولیس کا آنسو گیس کا استعمال، ہزاروں مظاہرین کا پولیس پر پتھراؤ، بیروت میں دھماکہ اور معاشی بدحالی کے باعث دو وزیر مستعفی ہو چکے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مغربی افریقہ کے ملک نائجر میں موٹر سائیکل سوار کی فائرنگ، چھ فرانسیسی سیاحوں سمیت آٹھ افراد ہلاک، حملے میں نائجر سے تعلق رکھنے والا ڈرائیور اور ٹور گائیڈ بھی ہلاک

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسکاٹ لینڈ جانے کے بعد پہلی بار برطانوی ملکہ کی تصاویر منظرِعام پر آ گئیں، بالمرل اسٹیٹ میں ملکہ الزبتھ نے واک کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برازیلین مڈ فیلڈر ’ولین‘ کا چیلسی کیساتھ سات سالہ سفر اختتام پذیر، ولین نے کلب کیلئے تین سو میچ کھیلے، دو پریمیئر لیگ ٹائٹل جیتے، بین الاقوامی میڈیا کے مطابق، ولین نے آرسنل کے ساتھ معاہدہ کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وبا کے باعث پانچ ماہ کے بعد ٹینس کا پہلا ٹورنامنٹ اختتام پذیر، پلیمو اوپن لیڈیز ٹینس ٹورنامنٹ فیونا فیرو نے اپنے نام کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں بیس بال کا میدان یا کشتی کا اُکھاڑا، ہوسٹن ایسٹروز کے کھلاڑی سے اوکلینڈ ایز کی چھ دو کی برتری برداشت نہ ہوئی، دونوں ٹیموں کے پلئیرز آپس میں گتھم گتھا ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں جشن آزادی منانے کی تیاریاں، وطن عزیز سے محبت کے اظہار کیلئے صادق آباد کے آرٹسٹ نے گیلی ریت سے فن پارے بنا ڈالے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جذام کے مریضوں کی مسیحا ڈاکٹر روتھ فاؤ کی تیسری برسی، جرمنی میں پیدا ہونے والی ڈاکٹر روتھ فاؤ نے ساری زندگی پاکستان کی خدمت کی، انہیں نشان قائداعظم، ہلال پاکستان، ہلال امتیاز سمیت کئی اعزازات سے نوازا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حیاتیاتی ماحول خطرے میں، جاپان کا بحری جہاز ماریشئس کے قریب سمندر میں چٹان سے ٹکرا گیا، ایک ہزار ٹن تیل سمندر میں بہہ گیا، ماریشئس کی حکومت کا ماحولیاتی ایمرجنسی کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا کی ریاست نارتھ کیرولینا میں انیس سو سولہ کے بعد خطرناک زلزلہ، شدت پانچ اعشاریہ ایک ریکارڈ،، امریکی جیو لوجیکل سروے کی شہریوں کا آفٹرشاکس سے محتاط رہنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا کا قدیم ترین فٹ بال، وائکنگ جراب اور دو ہزار سال پرانے سکے سب کی توجہ کا مرکز، سوشل میڈیا پر قدیم اور تاریخی نوادرات کا مقابلہ، دنیا بھر کے میوزیم میدان میں آ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کولمبیا میں چار کلو سے زائد وزن کا آم، کسان نے بڑا آم اُگا کر سب کو حیران کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستانی اداکارہ ایمن خان سب کی پسندیدہ، انسٹاگرام پر سب سے زیادہ فالوورز، ایمن خان انسٹا گرام پر ستر لاکھ فالوورز رکھنے والی پہلی اداکارہ بن گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

  ایکشن فلم ’دی ٹیکس کلیکٹر‘ سینما گھروں میں، فلم نے پہلے تین دنوں میں پانچ کروڑ سے زائد کا بزنس کیا

ویب ڈیسک

See author's posts