پاکستان سمیت دنیا بھر سے آج کی خبریں،مختصر مختصر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہباز شریف کی آصف زرداری اور بلاول بھٹو سے ملاقات  ، اپوزیشن لیڈر وفد کے ہمراہ بلاول ہاؤس کراچی پہنچے ، آصف زرداری نے شہبازشریف کا استقبال کیا ،  ملاقات میں سیاسی صورتحال پر تبادلہ خیال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن کی رہبر کمیٹی کا اجلاس کل ہوگا ، آل پارٹیز کانفرنس کی تاریخ کا اعلان کیا جائے گا ، احسن اقبال کہتے ہیں ، حکومت کی نااہلی عوام کیلئے عذاب بن گئی ، حکومت کو گھر بھیجنے کیلئے آئینی اور جمہوری طریقہ کار بروئے کار لائیں گے، دونوں جماعتیں مل کر جدوجہد کریں گی ، نوید قمر بولے ، تمام جماعتوں کی جوائنٹ کمیٹی بنانے پر اتفاق ہوا ، فرحت اللہ بابر کہتے ہیں ، حکومت احتساب نہیں انتقام لے رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی حکومت کراچی پرسیاست نہ کرتی تویہ دن نہ دیکھنا پڑتے ، شہبازشریف کہتے ہیں ، وفاق نے کراچی کیلئے اربوں روپے فنڈز دینے کا وعدہ کیا وہ فنڈز کہاں ہیں ؟ بارشوں نے کراچی کو ڈبو دیا ، جن کے گھر ، فصلیں اور مال مویشی تباہ ہوئے انہیں معاوضہ دیا جائے،عمران خان کراچی آکرسندھ حکومت کے ساتھ بیٹھیں، اپوزیشن لیڈر کا کراچی میں سیلاب سے متاثرہ علاقوں کا دورہ ، نکاسی آب کے انتظامات کا جائزہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی  شہباز  گل کہتے ہیں، شہباز شریف شوبازی کیلئے کراچی تک جا سکتے ہیں لیکن عدالت آتے ہوئے صحت خراب ہوجاتی ہے ، ان کی پہلی ملاقات ہی اپنے کرپشن پارٹنر زرداری سے ہے ، کراچی کی حالت سندھ حکومت کی نااہلی بتا رہی ہے ، امید ہے شہباز شریف بارش کے پانی میں فوٹو سیشن کرانے کیلئے بوٹ، سوٹ ساتھ لائے ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب کا وزیرآب پاشی سندھ سہیل انور سیال کی رہائش گاہ پر چھاپہ ، اہم دستاویزات تحویل میں لےلیں ، صوبائی وزیر کے مبینہ فرنٹ مین اسدکھرل کے گھر پر بھی کارروائی ، اہل خانہ سے پوچھ گچھ ، سہیل انور سیال کہتے ہیں، نیب انتقامی کارروائی پراتر آیا ہے ، بے نامی رہائش گاہ کا جواز بنا کر چھاپہ مارا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آمدن سے زائد اثاثوں کا کیس ، نیب لاہور نے رانا ثنا اللہ کو دس ستمبر کو طلب کرلیا ، رہنما مسلم لیگ ن کے خلاف نیب نے انکوائری کو انویسٹی گیشن میں تبدیل کرنے کی منظوری دی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خواجہ آصف کے خلاف نیب کا ایک اور کیس کھل گیا ، چاول کی برآمدات میں مشتبہ ٹرانزیکشنز کی شکایات پر تحقیقات کا آغاز ، لیگی رہنما کی مبینہ کمپنی طارق میر اینڈ کمپنی کے لائسنس پر کاروباری تفصیلات طلب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ نے جعلی بینک اکاؤنٹس کے ملزم انور مجید کو ضمانت دے دی ، دس کروڑ روپے کی بینک گارنٹی جمع کرانے کا حکم ،عدالت نے قرار دیا کہ، ملزم کا پاسپورٹ عدالت میں جمع کرایا جائے ، ملزم کا نام ای سی ایل میں رہے گا ، نیب تفتیش میں تعاون جاری رکھنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انسداد دہشت گردی عدالت نے سانحہ بلدیہ فیکٹری کیس کا فیصلہ محفوظ کرلیا ، سترہ ستمبر کو سنایا جائے گا، فریقین کے دلائل مکمل ہونے پر عدالت نے فیصلہ محفوظ کیا ، چار سو سے زائد عینی شاہدین نے بیانات قلمبند کیے گئے ، ایم کیوایم رہنما رؤف صدیقی ، رحمان بھولا ، زبیر چریا سمیت دیگر ملزموں پر فرد جرم عائد ہوچکی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی خواتین قیدیوں کی رہائی کیلئے سپریم کورٹ کے احکامات پر عمل درآمد کی ہدایت ، کہا ، عدالتی فیصلے پر پورا اترنےوالی انڈرٹرائل اور سزا یافتہ خواتین قیدیوں کی رہائی ہوگی ، غیرملکی قیدی خواتین سےمتعلق بھی فوری رپورٹ طلب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی والوں کیلئے بری خبر ، اقتصادی رابطہ کمیٹی نے کے الیکٹرک کیلئے بجلی ایک روپے نو پیسے فی یونٹ مہنگی کرنے کی منظوری دے دی ، اطلاق یکم ستمبر سے ہوگا، روزویلٹ ہوٹل کیلئے چودہ کروڑ بیس لاکھ ڈالر کی بھی منظوری ، رقم قرضے، سود اور واجبات کی ادائیگی کیلئےفراہم کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں لوڈ شیڈنگ کا مسئلہ  حل نہ ہوا، گلستان جوہر ، گلشن تیرہ ڈی اور گلزار ہجری میں بجلی کی آنکھ مچولی ، ڈیفنس کے کئی علاقے بھی بجلی سے محروم ، نیو کراچی  اور سرجانی ٹاوَن بھی متاثر ،کے الیکٹرک کے مطابق سب اسٹیشنز میں نکاسی آب نہ ہونے کے باعث بجلی بند ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیئرمین نیب نے کے الیکٹرک کےخلاف اووربلنگ اور غیر اعلانیہ لوڈ شیڈنگ کی رپورٹ طلب کرلی ، نیب کراچی کو سات روز میں رپورٹ پیش کرنے کی ہدایت ، اینکر مرید عباس کیس کی تحقیقاتی رپورٹ بھی مانگ لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں گجر نالے سے تجاوزات ہٹانے کیلئے آپریشن  ، پہلے مرحلے میں پتھارے اور شیڈز توڑنے کی کارروائی ،دوسرے مرحلے میں کنکریٹ سے بنائے گئے مکانات اور دکانیں توڑی جائیں گی ، تین مقامات پر ایک ساتھ آپریشن ، مکینوں کو گھرخالی کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایف اے ٹی ایف قوانین ہر صورت پاس کرائیں گے، قوانین کی مخالفت قومی اہداف کی مخالفت ہے، وزیراعظم عمران خان کی مشیر پارلیمانی امور بابر اعوان سے ملاقات میں گفتگو ، کہا ، ملکی سلامتی کی قانون سازی میں تاخیر نہیں ہونی چاہیے، زیر التوا بلز پارلیمنٹری افئیرز کو بھیجنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دو سال محنت کرکےٹھوس اقدامات اٹھائے ہیں ، کورونا کے باعث معیشت کو نقصان پہنچا ، پھر بھی ٹیکس فری بجٹ پیش کیا ، وزیراعلیٰ  پنجاب عثمان بزدار کہتے ہیں ، پنجاب میں ترقیاتی منصوبوں  کیلئے پانچ ارب روپے مختص کیے،پنجاب حکومت کی توجہ انسانی ترقی ، تعلیم اور معیشت کی بہتری پر ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ کا وفاقی اور صوبائی حکومتوں کو دریاؤں اور نہروں کے اطراف شجرکاری کا حکم ، دریاؤں کے اطراف زمین پر کاشت کاری سے روک دیا ، وفاق اور سندھ سے نئی گاج ڈیم کی تعمیر کی ٹائم لائن طلب ، چیف جسٹس گلزار احمد نے ریمارکس میں کہا ، درخت لگانے کا سلسلہ ختم ہوگیا ہے، شیشم کے درخت پنجاب میں ختم ہو گئے، موسمیاتی تبدیلیوں سے پانی کی قلت پیدا ہو سکتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مانسہرہ کے علاقے تورغر میں پہاڑی تودا گرنے سے سات افراد جاں بحق ، دو افراد کو  زندہ نکال لیا گیا ، جاں بحق ہونے والوں میں چھ  خواتین بھی شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سوات میں سیلاب سے تباہی ، مدین اور بحرین شدید متاثر ، تین رابطہ پل اور درجنوں مکانات سیلابی ریلے میں بہہ گئے ، مختلف علاقوں سے زمینی رابطہ منقطع ، سیلاب سے حادثات میں بچوں اور خواتین سمیت پانچ افراد جاں بحق ، ساڑھے سات لاکھ آبادی بجلی سے محروم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وادی نیلم میں ندی نالوں میں طغیانی ، شاہراہ نیلم پر لینڈ سلائیڈنگ سے ٹریفک کی روانی متاثر، دریائے سندھ میں جناح بیراج پر درمیانے درجے اور چشمہ بیراج پر نچلے درجے کا سیلاب ، ملتان کے مقام پر دریائے چناب میں پانی کی سطح بلند  ، درجنوں علاقوں میں پانی داخل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خوشاب میں بارش سے مکان کی چھت گرگئی ، حادثے میں میاں بیوی جاں بحق ، خوشاب میں چوبیس گھنٹوں میں چھتیں گرنے سے پانچ افراد جان سے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گورنر سندھ عمران اسماعیل اور گورنر پنجاب چودھری سرور بدین پہنچ گئے ، سیلاب سے متاثرہ علاقوں کا دورہ ، متاثرین میں راشن تقسیم کیا ، کہا ، مشکل گھڑی میں بدین کے عوام کے ساتھ ہیں ، دس ہزار متاثرین کو پچاس ہزار سے ایک لاکھ روپے تک بلا سود قرض دیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہورسمیت پنجاب میں بادل برس پڑے ، سیالکوٹ ، فیصل آباد، سرگودھا، اوکاڑہ کے علاوہ کئی علاقوں میں بارش ،خیبر پختون خوا میں بھی وقفے وقفے سے بارش ، اسلام آباد ، راولپنڈی میں  بادل چھائے رہے، شدید بارش سے شہری علاقوں میں اربن فلڈنگ اور ندی نا لوں میں طغيانی کا خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کے ایکٹو کیسز آٹھ  ہزار آٹھ سو تیرہ رہ گئے، گزشتہ چوبیس گھنٹوں میں چارسو سے زائد  نئے کیسزرپورٹ ، ایک  دن میں مزید اٹھارہ افراد جاں بحق ، مجموعی اموات کی  تعداد چھ ہزار تین سو اٹھارہ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں اموات کے لحاظ سے پاکستان کا دنیا میں تیسواں نمبر، مجموعی اموات میں دنیا کے بائیس ملک پاکستان سے آگے، ایک روز میں کیسز کے لحاظ  سے دنیا کے سینتالیس  ملک پاکستان سے آگے ، مجموعی کیسز میں پاکستان کا سولواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان نے تیسرا ٹی ٹوئنٹی جیت کر سیریز برابر کردی ، انگلینڈ کو  پانچ  رنز سے شکست ، وہاب ریاض اور شاہین آفریدی نے دو دو کٹیں حاصل کیں، محمد حفیظ  نے ناقابل شکست  چھیاسی رنز کی اننگ کھیلی ، مین آف دی میچ اور مین آف دی سیریز  قرار پائے ، کپتان  بابر اعظم قومی ٹیم کی جیت پر خوش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حیدرعلی نے روشن مستقبل کی نوید سنا دی ، ڈیبیو میں نصف سنچری بنانے والے پہلے پاکستانی کھلاڑی بن گئے ، پہلے ٹی ٹوئنٹی میں سب سے زیادہ اسکور بنانے والے پاکستانی کرکٹر کا اعزاز بھی حاصل  کرلیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر فواد چودھری کہتے ہیں ، دنیا میں بھنگ  کی پچیس ارب ڈالر کی مارکیٹ ہے ، اس منصوبے کو حکومت خود دیکھے گی ، نجی سطح پر نہیں لائیں گے ، اگلے دس برسوں میں شمسی توانائی اور ہوا سے بجلی بنانے کیلئے حکمت عملی بنا رہے ہیں،اسلام آباد پہلا شہرہوگا جہاں الیکٹرک بسیں چلیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا  بھر میں کورونا کیسز کے لحاظ سے بھارت پھر سب سے آگے، چوبیس گھنٹوں میں اٹھہتر ہزار سے زائد کورونا کیسز سامنے آئے، مجموعی کیسز سینتیس لاکھ سے زائد ، امریکا کا بیالیس ہزار کے قریب کیسزکے ساتھ  دوسرا نمبر ، برازیل  میں بھی اکتالیس ہزار سے زائد کیسز سامنے آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا سے آٹھ لاکھ اکسٹھ ہزار سے زائد اموات ، کورونا کیسز کی مجموعی تعداد دو کروڑ انسٹھ لاکھ سے زیادہ ، ایک کروڑ بیاسی لاکھ سے زائد مریض صحت یاب ہوگئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹاک مارکیٹ میں مسلسل دوسرے روز مثبت رجحان ، ہنڈرڈ انڈیکس میں چارسو ستاون پوائنٹس کا اضافہ ، اکتالیس ہزار آٹھ سو چونتیس پوائنٹس پر کاروبار کا اختتام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یوم دفاع کی مناسبت سے خصوصی نغمہ تیار ، چھ ستمبر کو ریلیز کیا جائے گا ، علی حمزہ ، علی عظمت ، علی نور اور عاصم اظہر نے آواز کا جادو جگایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین اور بھارت کا سرحدی تنازع شدت اختیار کرگیا ، چینی اور  بھارتی فوج کے درمیان جھڑپیں ، بھارت کی اسپیشل فورسز کا اہلکار ہلاک ، میڈیا رپورٹس کے مطابق ، اڑتالیس گھنٹوں میں جھڑپوں کے دو مختلف واقعات پیش آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسرائیل کے ساتھ امن معاہدہ مسئلہ فلسطین کی قیمت پر نہیں کیا ، متحدہ عرب امارات کے ولی عہد محمد بن زید النہیان کہتے ہیں ،یو اے ای فلسطینی ریاست کے قیام کیلئے پرعزم ہے ، آزاد اور خود مختار فلسطینی ریاست کے مطالبے پر قائم ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہوائی کے قریب سمندر میں دنیا کی سب سے بڑی بحری جنگی مشقیں ، مشقوں میں امریکی بحریہ کے پرانے جہاز کو میزائل اور گولہ بارود سے تباہ کرنے کا مظاہرہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹمپ چھوڑنے کا نتیجہ اکسٹھ  رنز ، وکٹ کیپر  سرفراز نے معین علی کا آسان اسٹمپ مس کردیا ، پوئلین  لوٹنے تک انگلش  بلے باز نے قومی ٹیم کو مشکل  میں ڈالے رکھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سوشل میڈیا پر تنقید کے جواب میں سرفراز کا شاعرانہ انداز میں شکوہ ، کہا ،اتنا چھبنے لگا ہوں سب کو ،،، چھرا تو نہیں ۔۔۔ جانی جتنا بتاتے  ، وہ میرے بارے میں ،،، اتنا برا بھی نہیں ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت میں آن لائن گیم پب جی  پر پابندی عائد ، وی چیٹ ، لڈو اسٹار ، چیس رش ، گیم آف سلطانز سمیت ایک سو اٹھارہ موبائل ایپس بھی بند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اوبر پر سواری سے پہلے ماسک پہن کر سیلفی لینا ہوگی ، اوبر سروس نے ماسک پہننے کے قانون میں مزید سختی کردی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بوسٹن کے وائلڈ لائف پارک میں سریلا طوطا سب کی توجہ کا مرکز ، چیکو نامی طوطا امریکی گلو کارہ بیونسے کے گیت گاتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب مصنوعی جِلد بھی درد محسوس کرسکے گی، آسٹریلوی ماہرین نے مصنوعی جِلد میں برقی سگنلز کیلئے مخصوصی چپ لگادیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیو یارک کا ماہر آرٹسٹ ،چند منٹوں میں ٹرین میں بیٹھے مسافروں کی تصاویر بنا کر حیران کردیتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کار واش سروس اسٹیشن سرکس میں بدل گیا، جرمنی میں کارواش کرنے کیلئے جوکرز میدان میں آگئے ، کرتب کرتے ہوئے گاڑیاں بھی دھوتے رہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گرمی سے چھٹکارا پانے کا منفرد طریقہ ، ننھی بطخوں نے تربوز کے اندر سوئمنگ شروع کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نامور شاعر اور نغمہ نگار احمد راہی کو مداحوں سے بچھڑے اٹھارہ برس بیت گئے، احمد راہی نے اردو اور پنجابی میں لازوال گیت تحریر کیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایکشن سے بھرپور “دی ٹیکس کلیکٹر “ کا گھروں پر راج ،، فلم ڈیجیٹل چارٹ میں نمبر ون پر آگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ویب ڈیسک

See author's posts