پاکستان سمیت دنیا بھر سے آج کی خبریں،مختصر مختصر

ٍنوازشریف دس ستمبر سے پہلے گرفتاری دیں ، اسلام آباد ہائی کورٹ نےسابق وزیراعظم کو آئندہ سماعت سے قبل سرنڈر کرنے کا موقع دے دیا ، تحریری حکم نامے میں کہا ، نواز شریف نے بیرون ملک جانے سے متعلق اگاہ نہیں کیا، جسٹس عامر فاروق نے ریمارکس دیئے کہ آئندہ سماعت پر پیش نہ ہوئے تو اشتہاری قرار دینے کی کارروائی ہوگی، جسٹس محسن اختر کیانی نےکہا،اگر نواز شریف مفرور ہیں تو الگ تین سال قید کی سزا ہوسکتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نوازشریف موت کے منہ میں پہنچ کر بھی خود کو سرنڈر کرتے ہیں ، مریم نواز کہتی ہیں ، نواز شریف وطن واپس آنے کیلئے بے چین ہیں ، جیسے  ہی علاج مکمل ہو گا  وہ واپس آئیں گے ، مزید کہا ، حکومت نے اپنا جو نقصان پانچ سال میں کرنا تھا وہ دو سال میں ہی کر بیٹھی،مکافات عمل شروع ہو چکا، ،مسلم لیگ ن آل پارٹیز کانفرنس میں ضرور جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مریم نوازقافلے کے ہمراہ عدالت پہنچیں ، مسلم لیگ کےرہنمابھی عدالت پہنچے ، کارکنوں اور پولیس اہلکاروں میں دھکم پیل ،غیر متعلقہ افراد کو عدالت جانے سے روک دیا گیا ، عدالت کے اطراف سیکیورٹی کے سخت انتظامات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد اور راولپنڈی میں مسلسل موسلادھار بارشیں ، غوری ٹاؤن ، سواں گارڈن ، آئی ایٹ اور نائن میں اربن فلڈنگ کا خدشہ ، نالہ کورنگ کے اطراف اور کچی آبادیوں میں بھی سیلاب کا خطرہ ، اسپتالوں کو الرٹ کردیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم جمعہ کو کراچی جائیں گے ، شبلی فراز کہتے ہیں، سندھ حکومت کراچی کے مسائل کو سنجیدہ نہیں لے رہی ، عوام مشکلات کا شکار ہیں ،مسائل کے حل کیلئے بڑا پلان لا رہے ہیں ، سندھ حکومت کو بھی آن بورڈ لیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بارشوں کے بعد مسائل جوں کے توں ، کئی علاقوں سے پانی کی نکاسی نہ ہوسکی ، ڈیفنس ، سرجانی ٹاؤن اور کھارادر کے علاقے بری طرح متاثر، نیا ناظم آباد ، نارتھ کراچی میں صورتحال بد تر ، صدر ، ملیر، کورنگی کاز وے ، لیاقت آباد کے اطراف پانی ہی پانی، سندھ ہائی کورٹ کے پارکنگ ایریا سے سیوریج کا پانی نہ نکالا جاسکا ، سندھ اسمبلی کی بیسمنٹ میں بھی پانی ، نئی عمارت کی مسجد اور دفاتر ڈوب گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

علم ہے کہ کراچی کے کرتا دھرتا کچھ نہیں کریں گے ، وہ تو شہریوں کے منہ سے نوالا بھی چھین لیں گے،کراچی میں غیراعلانیہ لوڈشیڈنگ پر سپریم کورٹ کا نیپرا قانون  پر عملدرآمد کا حکم،چیف جسٹس نےریمارکس میں کہا ، کراچی میں مال بنانے کا سلسلہ شروع ہوچکا ہے، حکومت پاکستان کے الیکٹرک کی کلرک اور منشی بنی ہے،نیپرا قانون کے مطابق کے الیکٹرک کے کراچی میں بجلی سپلائی کے خصوصی اختیار کا فیصلہ کرے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں گھگھر پھاٹک کے قریب برساتی پانی میں ڈوب کر دو بچیاں جاں بحق ، دونوں بچیوں کی لاشیں نکال لی گئیں ، عمریں نو اور تیرہ سال ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بجلی کی آنکھ  مچولی ، سرجانی ٹاؤن ، گلشن اقبال ، گلستان جوہر، گڈاپ ، بن قاسم اور کلفٹن کے علاقے متاثر ، کے الیکٹرک نے پانی کی نکاسی نہ ہونے کو بجلی سپلائی میں رکاوٹ قرار دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کا دورہ لاہور ، وزیراعلیٰ پنجاب عثمان بزدار سے   ملاقات ، انتظامی اور سیاسی امور پر بات  چیت ، وزیراعظم ارکان اسمبلی اور بیوروکریسی سے بھی ملیں گے ، عمران خان کو ترقیاتی منصوبوں اور جنوبی پنجاب سول سیکریٹریٹ سے متعلق اقدامات سے آگاہ کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد ہائیکورٹ نے مریم نواز اور کیپٹن ریٹائرڈ صفدر کا کیس نواز شریف سے الگ کر دیا،دونوں کو عدالت پیشی سےبھی روک دیا ، جسٹس عامر فاروق نے ریمارکس میں  کہا ، سیکیورٹی کے ایشوز ہوتے ہیں ، آئندہ سماعت پر آپ پیش نہ ہوں ، ایون فیلڈ ریفرنس میں مریم نواز اور محمد صفدر کی اپیلوں پر سماعت تئیس ستمبر کو ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وکلا کی میڈیکل رپورٹ ثبوت ہے کہ نوازشریف بالکل صحت مند ہیں، فواد چودھری کہتے ہیں ، کورونا کو علاج میں رکاوٹ بتایا گیا ، کیا کورونا دنیا سے نیست و نابود ہوجائے تو علاج شروع ہوگا ؟ معاون خصوصی شہباز گل بولے ابھی  لیگی قیادت باجماعت عدالت کے حکم کی مختلف تاویلیں دے گی، چند دنوں میں نوازشریف ایک بار پھر بیمار ہوجائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شانگلہ میں سیلاب  نے تباہی مچا دی ، سوات بشام روڈ سیلابی ریلے میں بہہ گیا، کانا خوڑ اور غوربند خوڑ میں طغیانی ، کئی علاقوں سے لوگوں کی نقل مکانی ، بشام میں گھر کی دیوار گرنے سے دو بچے جاں بحق ، وادی لیپہ اور مظفر آباد میں لینڈ سلائیڈنگ ، گاڑیاں  پھنس گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سوات کے سیاحتی مقامات مدین اور بحرین میں سیلاب ، تین رابطہ پل اور درجنوں مکان ریلے میں بہہ گئے ، مختلف علاقوں سے زمینی رابطہ منقطع ، مدین میں سیلابے ریلے میں پھنسے تیرہ افراد کو ریسکیو کرلیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

موسلا دھار بارشوں سے دریاؤں میں سیلابی صورتحال ،دریائے سندھ میں پانی کی سطح تیزی سے بلند ، گڈو اور سکھر بیراجوں پر نچلے درجے کا سیلاب ، دریائے  جہلم میں منگلا کےمقام  پراونچے درجےکےسیلاب کا خدشہ ، دریائے چناب میں احمد پور سیال کے مقام پر بند ٹوٹ گیا، نوشہرہ میں دریائے کابل میں نچلے درجے کا سیلاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوہ سلیمان پر چار چھوٹے ڈیموں پر کام شروع کرنے کی منظوری، وزیراعلیٰ پنجاب عثمان بزدار کہتے ہیں، کوہ سلیمان کے پہاڑی نالوں سے ہر سال لاکھوں کیوسک پانی ضائع ہوتا ہے ، پانی ذخیرہ کرنے کیلئے چھوٹے ڈیم وقت کی ضرورت ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں مون سون بارشوں کی تباہ کاریاں، جوہی میں سیلاب سے کئی مکانات کو نقصان  پہنچا ،کئی روز سے پانی کھڑا ہونے سے بیماریاں پھیلنے لگیں ، پنگریو کا اسپتال بھی پانی میں ڈوب گیا ، وزیراعلیٰ سندھ مراد علی شاہ کا بارش سے متاثرہ علاقوں کا دورہ ، نکاسی آب کے نظام کا جائزہ لیا ، کہا ، عوام کو تنہا نہیں چھوڑیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیسہ لگے یا جان کراچی کے مسائل ہم نے ہی حل کرنے ہیں ، گورنر سندھ عمران اسماعیل کہتے ہیں، تمام اسٹیک ہولڈرز کے ساتھ مل کر پلان بنا رہے ہیں ، وزیر اعظم کراچی آکر پلان بتائیں گے ، گورنر پنجاب چودھری سرور کہتے ہیں ، سندھ کے لوگوں کا دکھ ہمارا دکھ ہے، بارش کے نقصانات کو پورا کرنے کیلئے قرض دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی ایس پی سربراہ مصطفیٰ کمال  کہتے ہیں ،چار سالہ بلدیاتی نظام کے خاتمے سے نحوست ٹل گئی، شکر ہے کراچی والوں کا امتحان ختم ہوا ، سندھ حکومت نے بھی اپنے عمل سے بتا دیا وہ کراچی دشمن ہے ،ایسا لگتا ہے صوبائی حکومت یا شہری حکومت نیوز کاسٹر ہیں ، حکومت کا کام مسائل کی نشاندہی کرنا نہیں ، مسائل حل کرنا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی کابینہ میں کراچی کی صورتحال اور امدادی کاموں پر بریفنگ ، بڑے شہروں میں کثیر المنزلہ عمارتوں کی تعمیر کی منظوری  ، اقتصادی رابطہ کمیٹی کے فیصلوں کی توثیق ، مختلف کمپنیوں کو پرائیویٹائز کرنے فیصلہ مؤخر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھنگ کے طبعی اور صنعتی استعمال کیلئے لائسنس کی منظوری ، وفاقی وزیر فواد چودھری کہتے ہیں ، پہلا لائسنس وزارت سائنس و ٹیکنالوجی اور پی سی ایس آئی آر کو جاری کیا گیا ، تاریخی فیصلہ پاکستان کو امریکی مارکیٹ میں جگہ دے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیٹرول کی قیمت نہ بڑھا کر ہیرو بننے والے بجلی کی قیمت بڑھا کر زیرو بن گئے  ، شہباز شریف کہتے ہیں ، بجلی کی قیمتوں میں اضافہ ظلم ہے ، غریب عوام پر ہر روز بوجھ ڈالا جارہا ہے ، معیشت ، کاروبار ، روزگار ٹھپ ہیں ، ٹیکس پر ٹیکس لگا کر حکومت نے عوام سے جینے کا حق بھی چھین لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کےایکٹو کیسز آٹھ  ہزار آٹھ سو اکاسی رہ  گئے ، گزشتہ چوبیس گھنٹوں میں تین سو نئے کیسز ، چار اموات رپورٹ ، مرنے والوں کی مجموعی تعداد چھ ہزار دو سو اٹھانوے  ہوگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اگست میں جون کی نسبت کورونا سے اموات کی تعداد قدرے کم ، جون میں دو ہزارآٹھ  سو اموات ، جولائی میں سولہ  سو کے قریب اور اگست میں تین سو پندرہ اموات رجسٹرہوئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت کی پلوامہ ڈرامے کی آڑ میں پاکستان کےخلاف سازش بے نقاب ، پلوامہ حملے میں مبینہ طور پر ملوث عمر فاروق کا تعلق پاکستان سے جوڑنے کی کوشش ناکام ، بھارتی میڈیا میں دکھایا گیا شناختی کارڈ اور بینک اکاؤنٹس جعلی نکلے ،بھارتی میڈیا نے عمر فاروق کو مردہ قرار دیا ، پاکستان میں عمر فاروق زندہ نکلا ، عمر فاروق کےاپریل دو ہزار اٹھارہ میں جموں میں داخلے کا بھارتی دعویٰ بھی جھوٹ نکلا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ جموں کشمیر میں قابض فورسز کی بربریت ، اگست  میں نام نہاد سرچ آپریشن کی آڑ میں بیس کشمیریوں کو شہید کیا،پرامن مظاہروں میں بھارتی تشدد سے بانوے افراد شدید زخمی ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیرخارجہ شاہ محمود قریشی  کہتے ہیں، مقبوضہ کشمیر میں مودی سرکار نے ظلم و ستم کی انتہا کر دی ، پہلےعزاداروں کے جلوس پر پابندی لگائی پھر شرکا  کو تشدد کا نشانہ بنایا ، گزشتہ ماہ چینی ہم منصب وانگ ژی کے ساتھ ملاقات ہوئی ، چینی  وزیرخارجہ نے لداخ پر بھارتی اقدامات سےآگاہ کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ستمبر کا آغاز ہوتےہی انیس سو پینسٹھ کی جنگ کی یادیں تازہ ،جنگ ستمبر میں  بھارت کو منہ کی کھانا پڑی ، پاکستان کی بہادر افواج نے ہر محاذ پر دشمن کی فوجوں کے دانت کھٹے کیے ، چھ ستمبر کو جنگ کے باقاعدہ آغاز سے پہلے ،، بھارت نے سرحدوں پر اشتعال انگیزی شروع کر دی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میگا منی لانڈرنگ ریفرنس ، آصف زرداری اور فریال تالپور پر نو ستمبر کو فرد جرم عائد کی جائے گی، احتساب عدالت نے ریفرنس کی کاپیاں تمام ملزمان کو فراہم کرنے کا حکم دے دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب سے مزید دو پولیو کیسز رپورٹ ، پولیو کے کیس ڈیرہ غازی خان اور بہاولپور سے رپورٹ ہوئے، پنجاب میں پولیو سے متاثرہ بچوں کی تعداد آٹھ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹاک مارکیٹ میں مثبت رجحان ، ہنڈرڈ انڈیکس میں دوسو چھیاسٹھ پوائنٹس کا اضافہ ، اکتالیس ہزار تین سو ستتر پوائنٹس پر کاروبار کا اختتام ، ہنڈرڈ انڈیکس اکتوبر دوہزار سترہ کی بلند ترین سطح پر پہنچ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی ٹیم کے پاس ٹی ٹوئنٹی سیریز برابر کرنے کا موقع ، پاکستان اور انگلینڈ کے درمیان تیسرا اور آخری ٹی ٹوئنٹی  رات دس بجے ہوگا ، انگلینڈ کو سیریز میں ایک صفر کی برتری حاصل ، پہلا میچ بارش کی نذر ہوا ، دوسرے ٹی ٹوئنٹی میں پاکستان کو بری طرح شکست ہوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رضوان کی عمدہ وکٹ کیپنگ کی واہ  واہ ، سابق بھارتی کرکٹر کرن مورے کہتے ہیں، رضوان  کی صورت میں طویل عرصے کے بعد اچھا وکٹ کیپر دیکھا ، ٹیسٹ سیریز کے بہترین پلیئر کا ایوارڈ دینا درست فیصلہ تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں اموات کے لحاظ سے پاکستان کا دنیا میں اکاون واں نمبر ،مجموعی اموات کے لحاظ سے دنیا کے بائیس ملک پاکستان سے آگے ، ایک دن میں نئے کیسز کے لحاظ سے پاکستان سے اڑتالیس ملک آگے ، مجموعی کیسز میں پاکستان کا نمبر چھیالیس واں ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں دو کروڑ چھپن لاکھ سے زائد کورونا کیسز، اب تک آٹھ لاکھ پچپن ہزار سے زائد اموات ، ایک کروڑ  اناسی لاکھ سے زائد افراد مہلک وائرس سے صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت میں ایک بار پھر سب سے زیادہ کورونا کیسز رپورٹ ، گزشتہ چو بیس گھنٹوں میں اڑسٹھ ہزار سے زائد افراد میں وائرس کی  تصدیق ، برازیل  کا دوسرا  نمبر ، اڑتالیس  ہزار سے زائد کورونا کےمریض سامنے آئے ، امریکا کا  اڑتیس ہزار سے زائد کیسز کے ساتھ  تیسرا نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنوبی افریقی ملک بوٹسوانا کے بعد زمبابوے میں بھی ہاتھیوں کی پراسرار موت ، زمبابوے کے جنگل میں گیارہ ہاتھیوں کی لاشیں ملیں ، مئی کے مہینے میں بوٹسوانا میں بھی تین سو پچاس ہاتھی مردہ پائے گئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب میں بدعنوانی کے الزامات پر سزائیں ، سعودی فرمانروا شاہ سلمان  نے شاہی خاندان کے دو عہدے داروں  اور چارفوجی افسران کو برطرف کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یونین ورکرز کی ہڑتال کے باعث برٹش ایئر ویز کو روزانہ چار ارب چالیس کروڑ روپے کا خسارہ ، برطانوی کمپنی اپنے اثاثے فروخت کرنے پر مجبور ہو گئی ، طیاروں کے دوبارہ اڑان بھرنے کے امکانات معدوم ہونے لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کھرب پتی کی دوڑ میں ایلون مسک ،،، مارک زکر برگ سے آگے نکلنے کیلئے بےتاب ، کھرب پتیوں کی فہرست میں ٹیسلا کے بانی کے مجموعی اثاثے فیس بک کے بانی سے صرف پانچ ارب ڈالرز کم رہ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

افریقی گلوکار ایکون کا سائنس فکشن طرز کا شہر تعمیر کرنے کا اعلان ، نئے شہر کو ہالی وڈ فلم ’بلیک پینتھر‘ میں دکھائے گئے سائنس فکشن افریقی مقامات کی طرح بنایا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایٹ ہنڈرڈ کا چین میں راج ، چینی جنگ کی داستان نے صرف اپنے ملک میں پچاس  ارب روپے کے قریب بزنس کرلیا

ویب ڈیسک

See author's posts