پاکستان سمیت دنیا بھر سے آج کی خبریں،مختصر مختصر

پاراچنار کے طوری بازار میں سبزی کی ریڑھی میں بم دھماکہ، پندرہ افراد زخمی، اسپتال منتقل کر دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سونے کی قیمتوں میں اضافے کو بریک نہ لگی، فی تولہ اکیس سو،، روپے مہنگا، قیمت ایک لاکھ سترہ ہزار روپے سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بجلی کی قیمتوں میں پانچ ماہ کیلئے اضافہ اور تین ماہ کیلئے کمی، بجلی کی قیمتوں میں ردوبدل کی منظوری، نومبر دو ہزار انیس سے مارچ دو ہزار بیس تک چار روپے چھبیس پیسے فی یونٹ ‏اضافہ، اپریل سے جون تک بجلی کی قیمتوں میں تین روپے دس پیسے فی یونٹ کمی، حتمی فیصلہ حکومت کرے گی، صارفین پر اکتیس ارب روپے کا بوجھ پڑے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب قوانین میں ترامیم سمیت دیگر بلز، حکومت اور اپوزیشن کا مل بیٹھنے کا فیصلہ، اسپیکر اسد قیصر نے نیب قوانین پر مشاورت کیلئے پارلیمانی کمیٹی تشکیل دے دی، کمیٹی اپوزیشن اور حکومت کے چوبیس ارکان پر مشتمل ہے، پہلا اجلاس آج ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب قانون میں تبدیلی کیلئے بلاول کی حکومت کو تعاون کی پیشکش، کہا، سپریم کورٹ نے کہا نیب سیاسی انجینئرنگ کیلئے استعمال کیا جاتا ہے، ایک نیا ادارہ بنائیں، جو سب کا بلا تفریق احتساب کرے، بلاول نے تقریر کے بعد کورم کی نشاندہی کر دی، اپوزیشن کے واک آؤٹ کے بعد اجلاس ملتوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب کے ریفرنس کی بنیاد ہی غلط ہوتی ہے، سپریم کورٹ نے کرپشن مقدمات کے فیصلوں میں تاخیر کا ذمہ دار نیب کو قرار دے دیا، لاکھڑا پاور پلانٹ تعمیر میں بے ضابطگیوں کے کیس میں چیف جسٹس گلزار احمد کے ریمارکس، سپریم کورٹ میں اکیس سال سے نیب کے رولز نہ بننے کا انکشاف، عدالت کا نیب کو ایک ماہ میں رول بنا کر پیش کرنے کا حکم، وفاقی کابینہ سے ایک سو بیس نئی احتساب عدالتوں کے قیام کی منظوری لینے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ادارے بھی تسلیم کر رہے ہیں کہ نیب ایک متنازعہ ادارہ ہے، اپوزیشن لیڈر شہباز شریف کہتے ہیں، حکومت ن لیگ کو سیاسی انتقام کا نشانہ بنا رہی ہے، عید الاضحیٰ کے بعد آل پارٹیز کانفرنس ہو گی، منی لانڈرنگ کیس میں شہباز شریف کی عبوری ضمانت میں سترہ اگست تک توسیع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

را کے ایجنٹ بھارتی دہشت گرد کلبھوشن کے متعلق آرڈیننس پیش کرنے پر قومی اسمبلی میں ہنگامہ، بلاول بھٹو زرداری نے کہا، حکومت کلبھوشن کو این آر او دینے کی کوشش کر رہی ہے، احسان اللہ احسان کو بھی این آر او دیا گیا، جو پائلٹ پاکستان پر حملہ کرنے آیا اس کو چائے پلا کر واپس چھوڑ دیا، حکومت کو کلبھوشن کو این آر او نہیں دینے دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر مراد سعید کی بلاول بھٹو زرداری کی تقریر پر کڑی تنقید، کہا، حادثاتی چیئرمین خوف سے تقریر کے بعد بھاگ گیا، کیا اپنی بات کر کے نو دو گیارہ ہو جانا جمہوریت ہے؟ ریمنڈ ڈیوس کو کس نے پاکستان سے باہر بھیجا، کلبھوشن کا نام لینے سے ڈرنے والوں کو عوام جانتے ہیں، پارلیمنٹ میں بحث کرنی ہے تو بھاگیں نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قانون سازی سے کلبھوشن کو کیوں رعایت دی جا رہی ہے؟ خواجہ آصف کہتے ہیں، کلبھوشن کی وجہ سے ہم پر مودی کے یار کے الزامات لگتے تھے، وزیراعظم بتائیں اب پاکستان کی غیرت کا سودا کیوں کیا جا رہا ہے؟ وفاقی وزیر انسانی حقوق شیریں مزاری نے کہا، ن لیگ نے عالمی عدالت انصاف کا دائرہ اختیار تسلیم کیا، ان کی وجہ سے ہم پھنس گئے، شیریں مزاری کے جواب پر ن لیگی ارکان کا شور شرابا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیرِ اعظم عمران خان کی زیر صدارت اجلاس، ملک میں انٹرنیٹ کی کوریج کو بڑھانے اور بہتر بنانے پر تبادلہ خیال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سول ایوی ایشن کا چار ماہ میں خسارہ تیس ارب پچاس کروڑ سے تجاوز کر گیا، کورونا وبا کے باعث عالمی فضائی بندش اور پروازوں کی کمی سے سی اے اے شدید متاثر، سول ایوی ایشن کو ایروناٹیکل چارجز کی مد میں اٹھائیس ارب روپے سے زائد کا نقصان، عالمی پروازوں کی بحالی تک سی اے اے کو ہر ہفتے ایک ارب بیس کروڑ کے خسارے کا سامنا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی ایئر لائن کے پاس چونتیس طیارے،، اکتیس قابل استعمال، تین طیارے استعمال نہیں ہو سکتے، جہازوں سے متعلق وزیر ہوا بازی غلام سرور خان کا تحریری جواب قومی اسمبلی میں جمع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں لوڈ شیڈنگ کا سلسلہ جاری، طلب اور رسد میں پانچ سو میگاواٹ کا فرق، لوڈ شیڈنگ سے مستثنیٰ علاقوں میں چھ گھنٹے کی لوڈ شیڈنگ، لائن لاسز والے علاقوں میں لوڈشیڈنگ کا دورانیہ دس گھنٹے ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جوہری ہتھیاروں کے تحفظ کیلئے پاکستانی اقدامات کی عالمی سطح پر پذیرائی، پاکستان نے ایٹمی اثاثوں کے تحفظ میں بھارت کو چھے پوائنٹس پیچھے چھوڑ دیا، این ٹی آئی نیوکلیئر سیکیورٹی انڈیکس کی رپورٹ کے مطابق، بھارت کے اکتالیس کے مقابلے میں پاکستان نے سینتالیس پوائنٹس حاصل کیے، امریکہ میں پاکستانی سفیر اسد مجید خان کا این ٹی آئی کی رپورٹ کا خیر مقدم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صدر مملکت ڈاکٹر عارف علوی سے پاکستان میں چینی سفیر یاؤ چنگ کی ملاقات، دوطرفہ تعلقات اور علاقائی صورتحال پر تبادلہ خیال، صدر عارف علوی نے کہا، بھارت سی پیک راہداری کیلئے مشکلات پیدا کر رہا ہے، بھارت کا جارحانہ رویہ علاقائی امن و استحکام کیلئے خطرہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت نے تیسری قونصلر رسائی کیلئے پاکستانی پیشکش کا جواب نہیں دیا، ترجمان دفتر خارجہ عائشہ فاروقی کہتی ہیں، پاکستان نے نیک خواہش کے طور پر کلبھوشن کی اس کے والد سے ملاقات کرانے کی پیشکش کی تھی، بھارت نے ابھی تک اس حوالے سے جواب نہیں دیا، عالمی عدالت انصاف کے فیصلے پر عملدرآمد کیلئے پر عزم ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غیر ملکی میڈیا نمائندوں کا لائن آف کنٹرول کا دورہ بہت اہم تھا، وزیر خارجہ شاہ محمود قریشی کہتے ہیں، بھارت نے ہمیشہ دوہرا معیار اپنایا، کیا بھارت صحافیوں کو مقبوضہ کشمیر لے کر جائے گا، بھارت ہندتوا سوچ کی وجہ سے دیگر ممالک سے تعلقات خراب کر رہا ہے، اقوام متحدہ جنرل اسمبلی کے صدر پیر کو پاکستان آ رہے ہیں، ان کے سامنے پاکستان کا مؤقف رکھیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں چوبیس گھنٹوں میں ایک ہزار سات سو سے زائد نئے کورونا کیسز رپورٹ، کورونا کے مجموعی کیسز کی تعداد دو لاکھ اُنہتر ہزار سے زائد، ایک روز میں مزید بتیس افراد زندگی کی بازی ہار گئے، اب تک مرنے والوں کی تعداد پانچ ہزار سات سو سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کو شکست دینے والے مریضوں میں تیزی سے اضافہ، ملک میں کورونا کے ایکٹیو کیسز کی تعداد پچاس ہزار تین سو سات رہ گئی، صحت یاب ہونے والے مریضوں کی تعداد دو لاکھ تیرہ ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چاند کا تنازع، مفتی منیب وفاقی وزیر فواد چودھری پر پھٹ پڑے، کہا، جس کو سائنس کا علم نہیں وہ سائنس کا امام بن رہا ہے، فواد جی، کل نظر آنے والا چاند سائنس اور مذہب دونوں اعتبار سے پہلی کا چاند تھا، فواد چودھری نے چاند کی تصویر شیئر کرتے ہوئے کہا تھا، عوام فیصلہ کریں کیا یہ پہلی کا چاند ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب عثمان بزدار کا روالپنڈی کا دورہ، نالہ لئی کی صفائی کے انتظامات کا معائنہ، صفائی کے انتظامات پر اطمینان کا اظہار، کہا، نالہ لئی روڈ وے پر چار انٹر چینج بنائے جائیں گے، ایکسپریس وے خواب تھا جسے ہم تعبیر دیں گے، وزیر اعلی عثمان بزدار نے شجر کاری مہم کے تحت پودا بھی لگایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا میں کورونا کیسز کا نیا ریکارڈ، ایک روز میں دو لاکھ اسی ہزار کے قریب افراد میں وائرس کی تصدیق، اس سے پہلے سولہ جولائی کو دو لاکھ پچاس ہزار کے قریب کیسز سامنے آئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں مسلسل دوسرے روز یومیہ ایک ہزار سے زائد اموات، مجموعی اموات کی تعداد ایک لاکھ چھیالیس ہزار سے بڑھ گئی، اب تک وائرس سے متاثر ہونے والوں کی تعداد اکتالیس لاکھ سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں صدارتی انتخابات سے قبل ڈیموکریٹ امیدوار جوبائیڈن کا پلہ بھاری، برطانوی خبررساں ایجنسی نے صدارتی انتخابات کا سروے جاری کر دیا، رجسٹرڈ ووٹرز میں ڈیموکریٹ امیدوار جوبائیڈن کو ٹرمپ پر آٹھ پوائنٹس کی سبقت حاصل، چھیالیس فی صد ووٹرز جوبائیڈن، اڑتیس فیصد ٹرمپ کو ووٹ دینے کے خواہاں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پارک لین ریفرنس میں سابق صدر آصف علی زرداری کی آج حاضری سے استثنیٰ کی درخواست منظور، آصف زرداری کیخلاف پارک لین ریفرنس پر سماعت بغیر کارروائی ملتوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم نے سندھ سے کیے وعدے پورے نہیں کیے، ترجمان سندھ حکومت مرتضیٰ وہاب کہتے ہیں، حکومت کی ناقص پالیسیوں کے باعث بحران ہی بحران ہیں، وزیراعظم نے جب بھی کسی مسئلے کا نوٹس لیا وہ چیز منظر سے غائب ہو گئی، پی ٹی آئی کرپشن کی جڑ ہے، حکومت کی کرپشن پر تحقیقات اور کارروائی ہونی چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں فائرنگ سے اے ایس آئی جاں بحق، شناخت غلام محمد کے نام سے ہوئی، آئی جی سندھ مشتاق مہر نے ایس ایس پی ایسٹ سے فوری رپورٹ طلب کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سےاکیس ممالک آگے، نئے کیسز میں پاکستان کا پندرہواں نمبر، ایکٹیو کیسز میں پاکستان سے بارہ ممالک آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کیسز ایک کروڑ تریپن لاکھ سے بڑھ گئے، چھ لاکھ تیس ہزار سے زائد افراد دم توڑ گئے، ترانوے لاکھ پچاس ہزار کے قریب افراد نے کورونا کو شکست دے دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا کے شہر شکاگو میں پولیس کے خلاف پرتشدد احتجاج، امریکی صدر کا شہر میں مزید فوج بھیجنے کا حکم، امریکی فوج اور مظاہرین کے درمیان تصادم میں کئی زخمی، پورٹ لینڈ میں فورسز اور مظاہرین کے درمیان جھڑپیں، فورسز کا مظاہرین پر آنسوگیس اور واٹرکینن کا استعمال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں پرتشدد مظاہروں کی کوریج کرنے والے روسی صحافیوں پر فورسز کا تشدد، سیکیورٹی اہلکاروں نے صحافی کا کیمرا بھی توڑ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھول یا لاپروائی، ڈنمارک پہنچنے پر امریکی وزیر خارجہ مائیک پومپیو کو شرمندگی کا سامنا کرنا پڑا، ڈینش ہم منصب سے مصافحے کیلئے ہاتھ آگے بڑھایا، ڈینش وزیر خارجہ نے جواباً کندھے پر ہاتھ رکھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فاسٹ باؤلر محمد عامر کا دوسرا کورونا ٹیسٹ بھی منفی آ گیا، محمد عامر انگلینڈ میں پاکستان ٹیم کا حصہ بنیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلش پریمیئرلیگ کا تاج، تیس سال بعد لیورپول کے سر سج گیا، آخری میچ میں لیورپول نے چیلسی کو پانچ کے مقابلے میں تین گول سے شکست دے دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پریمئیر لیگ میں مانچسٹر یونائیٹڈ اور ویسٹ ہیم کا میچ برابر، چیمپئنز لیگ میں کوالیفائی کرنے کیلئے مانچسٹر یونائیٹڈ کا آخری میچ جیتنا لازم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پچاس کریمی ڈونٹ کھانے کا چیلنج پچیس منٹ میں پورا، امریکی لڑکی نے چوبیس منٹ اٹھائیس سیکنڈز میں پچاس ڈونٹ کھا کر دوستوں کو حیران کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی نے آیا صوفیا کی تاریخی عمارت سےمتعلق خصوصی نغمہ جاری کردیا، نغمے کو نو مختلف زبانوں میں گایا گیا، آیا صوفیا میں چھیاسی برس بعد جمعہ کو تاریخی اجتماع ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جانوروں کو سنبھالنا ہو یا خریداروں سے بھاؤ تاؤ کرنا، کراچی کی مویشی منڈی میں واحد خاتون بیوپاری ہر کام میں ماہر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سمندری بگلا چور، خاتون کی پیچھے پیچھے دوڑ، لندن میں سیر پر آئی خاتون کا پرس دیکھتے ہی دیکھتے بگلا اڑا لے گیا، خاتون نے چور چور کہہ کر پیچھے دوڑ لگا دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جسے اللہ رکھے اسے کون چکھے، فرانس میں رہائشی عمارت میں آگ بھڑکنے پر دو بھائیوں نے تیس فٹ کی بلندی سے چھلانگ لگا دی، ہمسایوں نے دونوں لڑکوں کو کیچ کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بادلوں سے بھرا آسمان اور چمکتی بجلی، امریکہ میں مجسمہ آزادی پر بجلی چمکنے کا خوبصورت منظر کیمرے کی آنکھ میں قید

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں سیلاب سے تباہی، شہری نے ڈوبتے گھر سے کتے کو بچا لیا، پانی میں ننھے دوست کو لے جانے کی ویڈیو وائرل ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی کے پیراگلائیڈر کا انوکھا انداز، پیراگلائیڈر نے فضا میں ڈھول بجا کر سماں باندھ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جدید دور کے جدید تقاضے، کیوبا میں سالگرہ کا جشن، لڑکیوں نے خوبصورت گاونز کے ساتھ فیس ماسک کو بھی فیشن بنا لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلینڈ کے میوزک بینڈ ون ڈائریکشن کے دس سال مکمل، نوجوان گلوکاروں پر مشتمل بینڈ نے کئی سپر ہٹ گانے گائے، زین ملک کے الگ ہونے کے بعد بھی بینڈ کی شناخت برقرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہیپی برتھ ڈے ہیری پوٹر، بچوں بڑوں سب کے پسندیدہ، ڈینیئل ریڈ کلف اکتیس برس کے ہو گئے

ویب ڈیسک

See author's posts