پاکستان سمیت دنیا بھر سے آج کی خبریں،مختصر مختصر

اپوزیشن کی حکومت کے خلاف صف بندی کی تیاری، عید کے بعد آل پارٹیز کانفرنس بلانے کا اعلان، بلاول بھٹو زرداری سے مسلم لیگ ن کے وفد کی ملاقات، ملکی مجموعی سیاسی صورتحال، اے پی سی کے ایجنڈے کی تیاری پر بات چیت، احسن اقبال کہتے ہیں، حکومت کے قائم رہنے سے ملک کو شدید خطرات لاحق ہیں، کورونا نہ آتا تو اپریل مئی میں حکومت خود گرنے کیلئے تیار تھی، قمر زمان کائرہ بولے، حکومت سے جان چھڑانا وقت کی اہم ضرورت ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیپلز پارٹی اور ن لیگ کا کوئی قد نہیں، حکومت مشکل وقت میں حکومت کی وجہ سے ہی ہے، وفاقی وزیر فواد چودھری کہتے ہیں، ن لیگ کو یہ بھی نہیں پتہ اُن کا لیڈر کون ہے؟ فیاض الحسن چوہان نے کہا، اپوزیشن کبھی ایک اور نیک نہیں ہو سکتی، بلاول بھٹو اور شہباز شریف ایک دوسرے کو دھوکہ دے رہے ہیں، اپوزیشن کا اونٹ کسی کروٹ نہیں بیٹھے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت باز نہ آیا، لائن آف کنٹرول پر ایک بار پھر بلااشتعال فائرنگ، بیس سالہ نوجوان شدید زخمی، آئی ایس پی آر کے مطابق، بھارتی فوج نے بکسر سیکٹر میں رہائشی آبادی کو نشانہ بنایا، پاک فوج کی بھر پور جوابی کارروائی، دشمن کی توپیں خاموش کرا دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں آٹے اور چینی کی سپلائی بہتر نہ ہو سکی، شہری پریشان، وزیراعلیٰ پنجاب عثمان بزدار کا آٹے کی دستیابی مقرر کردہ قیمت پر یقینی بنانے کا حکم، کہا، آٹا ذخیرہ کرنے والوں کیخلاف بلاتفریق کارروائی عمل میں لائی جائے، ذخیرہ اندوز مافیا کو عوام کا استحصال نہیں کرنے دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور میں ایک ماہ کے دوران آٹا دس روپے فی کلو مہنگا، بیس کلو آٹے کی قیمت تیرہ سو روپے تک جا پہنچی، تاجروں نے پنجاب میں آٹے کی قلت قیمت بڑھنے کی وجہ قرار دے دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کے دو لاکھ پینسٹھ ہزار سے زائد کیسز، اب تک پانچ ہزار چھ سو کے قریب افراد چل بسے، سندھ میں کورونا سے اموات کی تعداد دو ہزار سے تجاوز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کے ایکٹیو کیسز کی تعداد تریپن ہزار سے زائد، اب تک کورونا کو شکست دینے والوں کی تعداد دو لاکھ چھ ہزار کے قریب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور والوں کیلئے خوش خبری، اورنج لائن ٹرین بہت جلد عوام کیلئے کھول دی جائے گی، چیئرمین سی پیک اتھارٹی عاصم سلیم باجوہ کی سینیٹ کمیٹی کو بریفنگ، کہا، اورنج لائن منصوبہ قطعا سیاسی نہیں، سستی بجلی کیلئے ہائیڈرل پاور پراجیکٹ لگانا ہمارا منصوبہ ہے، سی پیک منصوبہ درست سمت میں بڑھ رہا ہے، کمیٹی کا چیئرمین سی پیک اتھارٹی کی بریفنگ پر اطمینان کا اظہار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پرائیویٹ اسکول ایسوسی ایشن کا پندرہ اگست سے اسکول کھولنے کا اعلان، کہا، دو ماہ مزید گزر گئے تو مزید اسکولز بند ہو جائیں گے، کورونا کم ہو گیا، ایس او پیز بنا کر اسکول کھولیں گے، حکومت ستمبر میں اسکول کھولنے کے فیصلے پر نظر ثانی کرے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت کا نئی گاڑیوں کی خریداری کیلئے بجٹ مختص کرنے کا اعتراف، رواں مالی سال کے بجٹ میں نئی گاڑیوں کی خریداری کیلئے ساڑھے تین ارب روپے سے زائد کی رقم مختص، سندھ حکومت نے کورونا ازخود نوٹس کیس میں رپورٹ تیار کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دوہری شہریت کا حامل شخص قومی اسمبلی اور سینیٹ کا ممبر نہیں بن سکتا، وزیرخارجہ شاہ محمود قریشی کہتے ہیں، دوسرے عہدوں کیلئے کوئی قانونی پابندی نہیں، عوام کے سامنے اثاثوں کی تفصیلات پیش کرنے کی روایت عمران خان نے ڈالی، پاکستان میں پہلے بھی بہت سی شخصیات حکومتوں میں اہم ذمہ داریاں نبھاتی رہی ہیں، جمہوری روایات میں عوام کے منتخب نمائندوں کی حیثیت افضل ہوتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرا استعفی وزیراعظم نے مسترد کر دیا، عمران خان نے کہا استعفیٰ پر بات نہیں ہو گی، رہنما تحریک انصاف عامر لیاقت حسین کی وزیراعظم سے ملاقات، کہا، عمران خان کے سامنے دل کھول کر رکھا، وزیراعظم نے کراچی کے مسائل پر آواز بلند کرنے کو سراہا، کہا، مل کر کراچی کے مسائل حل کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کا فاٹا کے عوام سے گہرا تعلق ہے، قبائلی علاقوں کو برابری کی سطح پر لانا ہے، وفاقی وزیر اطلاعات شبلی فراز کہتے ہیں، فاٹا کیلئے صوبہ سندھ نے کوئی کمٹمنٹ نہیں کی، ہم امید کرتے ہیں کہ فاٹا کی ترقی میں سندھ بھی حصہ ڈالے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جسٹس قاضی فائز عیسیٰ کی انیس جون کے فیصلے کیخلاف نظر ثانی کی درخواست، سپریم کورٹ سے انیس جون کے عبوری حکم کو ختم کرنے کی استدعا، کہا، ایف بی آر نے تفصیلی فیصلے سے پہلے ہی کارروائی شروع کر دی، ایف بی آر کو سپریم جوڈیشل کونسل میں رپورٹ جمع کرانے کے احکامات بلا جواز ہیں، چیئرمین ایف بی آر کی تبدیلی من پسند نتائج کے حصول کی کوشش ہے، رہائش گاہ کے باہر نوٹس چسپاں کرنا ان کی اور اہل خانہ کی تضحیک کرنے کے مترادف ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب کے کئی شہروں میں مون سون کی بارشیں،  اٹک میں طوفانی بارش سے کئی دیواریں، سائن بورڈز، بجلی کے پول اور تاریں گر گئیں، اسلام آباد، آزاد کشمیر، جنوبی پنجاب اور سندھ  میں آج بھی بارش ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں موسم بہتر ہوتے ہی بجلی کی طلب میں واضح کمی، بجلی کی طلب و رسد میں فرق تین سو میگا واٹ رہ گیا، لوڈ شیڈنگ سے مستثنیٰ علاقوں میں لوڈ شیڈنگ ختم، لائن لاسز والے علاقوں میں سات گھنٹے کی اعلانیہ لوڈشیڈنگ جاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد کے مرغزار چڑیا گھر سے جنگلی حیات کی سندھ منتقلی کا عمل مکمل، مارش مگرمچھ، کچھوؤں کو گھوٹکی کے صوفی انور پارک میں چھوڑا گیا، وائلڈ لائف منیجمنٹ بورڈ نے سندھ منتقل کی جانے والی جنگلی حیات کی ویڈیوز جاری کر دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کورنگی میں ایک درجن ملزمان سگریٹ کمپنی کی کیش وین سے پچیس لاکھ روپے لوٹ کر فرار، ملزمان نے پہلے سکیورٹی گارڈ سے اسلحہ چھینا، پھر لوٹ مار کی، واردات کے بعد اسلحہ سیکیورٹی گارڈ کو واپس کیا اور چلتے بنے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے علاقے لانڈھی پراسیسنگ زون کی تین فیکٹریوں میں لگی آگ  پر اٹھارہ گھنٹے کے بعد قابو پا لیا گیا، گتا فیکٹری میں لگی آگ نے کپڑے اور پلاسٹک کی دو فیکٹریوں کو لپیٹ میں لیا، لاکھوں روپے کا قیمتی سامان جل گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ اسمبلی ریکارڈ روم میں آتشزدگی، آگ پر قابو پا لیا گیا، ریکارڈ روم میں موجود ریکارڈ جل کر خاکستر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عید کے فوری بعد ٹائیگر فورس ڈے منایا جائے گا، وزیراعظم سے عثمان ڈار اور ملک امین اسلم کی ملاقات، ٹائیگر فورس رضا کاروں کی تعداد بڑھانے کیلئے دوبارہ رجسٹریشن کا فیصلہ، ٹائیگر فورس رضا کار ملک بھر میں شجر کاری کی مہم میں حصہ لیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 کورونا وبا کے باعث ملک میں چار ماہ سے تعطل کی شکار انسداد پولیو مہم کا آغاز، کراچی، کوئٹہ، فیصل آباد، اٹک اور جنوبی وزیرستان مہم کیلئے سرفہرست، آٹھ ہزار سے زائد ورکرز انسداد پولیو مہم کا حصہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی فرمانروا شاہ سلمان بن عبدالعزیز علیل ہو گئے، شاہ سلمان پتے کی تکلیف کے باعث اسپتال منتقل، وزیراعظم عمران خان کی شاہ سلمان کی جلد صحتیابی کیلئے دعا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر ایک کروڑ چھیالیس لاکھ سے زائد کورونا کیسز، چھ لاکھ نو ہزار سے زائد افراد چل بسے، ستاسی لاکھ سے زائد افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت میں ایک روز میں کورونا کیسز کا نیا ریکارڈ، چالیس ہزار سے زائد افراد میں وائرس کی تصدیق، مجموعی کیسز کی تعداد گیارہ لاکھ سے بڑھ گئی، اموات کی تعداد ستائیس ہزار سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے اکیس  ممالک آگے، نئے کیسز میں پاکستان کا بیسواں نمبر، ایکٹیو کیسز میں پاکستان سے بارہ ممالک آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

  نیب نے نارووال اسپورٹس سٹی کیس کا ریفرنس آج بھی دائر نہ کیا، نیب کی عدالت سے ریفرنس دائر کرنے کیلئے مزید وقت کی استدعا، احتساب عدالت اسلام  آباد نے سماعت چھبیس اگست تک ملتوی کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاک فضائیہ کے جے ایف سیونٹین تھنڈر طیارے کی ورچول رائل ائیر شو میں شرکت، ترجمان پاک فضائیہ کے مطابق، شو میں شرکت بین الاقوامی سطح پر جے ایف سترہ تھنڈر کی تشہیر کا باعث بنے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹرمپ کا امریکی صدارتی انتخابات کے نتائج قبول کرنے کے وعدہ سے انکار، کہا، پوسٹل ووٹنگ سے انتخابات میں دھاندلی ہو سکتی ہے، انتخابات  کے نتائج کو تسلیم کرنے کے بارے میں دیکھنا پڑے گا، جوبائیڈن کو فاتح دکھانے کے پولز کو ٹرمپ نے جعلی قرار دے دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

افغان قیدیوں کی رہائی تک بین الافغان مذاکرات میں شریک نہیں ہوں گے، طالبان نے واضح کر دیا، افغان صوبہ فریاب میں طالبان کا سیکیورٹی فورسز پر حملہ، سیکیورٹی فورسزکی جوابی کارروائی میں بارہ طالبان ہلاک، چھ زخمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

متحدہ عرب امارات کا تاریخی کارنامہ، جاپانی خلائی مرکز سے مریخ مشن روانہ کر دیا، یو اے ای عرب دنیا کا پہلا ملک ہے جس نے اپنا مشن مریخ پر بھیجا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خلا سے دیوہیکل پتھر زمین کی طرف اڑتالیس ہزار کلومیٹر فی گھنٹہ کی رفتار سے بڑھ رہا ہے، ناسا نے خبردار کر دیا، پتھر چوبیس جولائی کو زمین سے پانچ لاکھ چھیاسی ہزار کلومیٹر کے فاصلے سے گزرے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 چین میں طوفانی بارشوں سے تباہی، صوبہ انہوئی کے ہوائی دریا کے تیرہ بند کھول دئیے گئے، دو لاکھ سے زائد گھر متاثر ہونے کا خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایف اے کپ میں چیلسی نے مانچسٹر یونائیٹڈ کو دھول چٹا دی، تین ایک سے شکست دی، فائنل میں یکم اگست کو آرسنل سے مقابلہ ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لالیگا کی چیمپئن ریال میڈرڈ کا اسپینش لیگ سے باہر ہو جانے والی ٹیم سے آخری میچ برابر، لیگانیس نے دو دو گول سے میچ برابر کر کے سب کو حیران کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 اطالوی لیگ میں انٹر میلان اور روما کا میچ بے نتیجہ ختم، دونوں ٹیموں نے دو دو گول اسکور کیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اولڈ ٹریفورڈ ٹیسٹ کا فیصلہ کن دن، ویسٹ انڈیز کو جیت کیلئے تین سو بارہ رنز کا ٹارگٹ مل گیا، انگلینڈ نے دوسری اننگز ایک سو انتیس رنز پر ڈیکلیئر کر دی، بین اسٹوکس نے اٹھہتر رنز کی شاندار اننگز کھیلی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محمد عامر دورہ انگلینڈ کیلئے قومی کرکٹ ٹیم میں شامل، چیف سلیکٹر مصباح الحق کا اعلان، کہا، محمد عامر روحیل نذیر کی جگہ ٹیم کا حصہ بنیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فخر زمان ڈبل سنچری بنانے والے واحد پاکستانی بیٹسمین، دو ہزار اٹھارہ میں آج ہی کے روز زمبابوے کے خلاف فخر زمان نے دو سو دس رنز ناٹ آؤٹ کی شاندار اننگز کھیلی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مرسیڈیز کے لیوس ہملٹن ہنگری گراں پری میں بھی سب سے آگے، ہملٹن نے ہنگری گراں پری ریکارڈ آٹھویں مرتبہ اپنے نام کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عمر سات سال مگر مہارت پروفیشنل کھلاڑیوں جیسی، سات سالہ ننھا اسنوکر پلئیر بڑے بڑے کھلاڑیوں کو چیلنج دینے کیلئے تیار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیوزی لینڈ کی وزیر اعظم جیسنڈا آرڈرن کی ٹک ٹاک پر انٹری، نیوزی لینڈ کی معروف کامیڈین کی نئی ویڈیو میں جیسنڈا آرڈرن نے اچانک انٹری دے کر سب کو حیران کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ہوا میں اڑتی پریاں ہیں یا کوئی کرتب، چین کی خوبصورت وادی میں جدید ٹیکنالوجی کی مدد سے جادوئی منظر تخلیق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی کے سمندر میں وہیل جال میں پھنسنے کے بعد مشتعل ہو گئی، ریسکیو ٹیم کئی گھنٹوں کی محنت کے بعد وہیل کو جال سے نکالنے میں کامیاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خطرناک ریچھ کو سیلفی کا شوق، میکسیکو میں ہائیکرز کے ایک گروپ کے ساتھ پوز بنائے، ہیلو ہائے کی اور چلتا بنا، ویڈیو سوشل میڈیا پر وائرل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں طویل لاک ڈاؤن کے بعد سینما گھر شہریوں کیلئے کھل گئے، سماجی فاصلے اور ماسک کی احتیاط کو یقینی بنایا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انسان کے چاند پر قدم رکھنے کے تاریخ ساز لمحے کو اکاون برس ہو گئے، بیس جولائی انیس سو انہتر کو نیل آرمسٹرانگ نے چاند کی سطح پر قدم رکھا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشن امپوسیبل اسٹار ٹام کروز کی گالف کورس میں فلمی انٹری، ہیلی کاپٹر پر لندن کے کلب میں لنچ کیلئے پہنچے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہالی وڈ اسٹار نکول کڈمین فلم بنانے کیلئے تیار، آسٹریلیا میں ’نائن پرفیکٹ اسٹرینجرز‘ کی شوٹنگ کی اجازت، فلم پر سو ملین ڈالرز خرچ ہوں گے

ویب ڈیسک

See author's posts