پاکستان سمیت دنیا بھر سے آج کی خبریں،مختصر مختصر

عمران خان کی حکومت جمہوریت، معیشت اور ہر پاکستانی کی زندگی کیلئے خطرہ ہے، بلاول بھٹو زرداری کہتے ہیں، پی ٹی آئی حکومت پاکستان کی تاریخ کی کرپٹ ترین حکومت ہے، مشرف کا پہلا این آر او عمران خان کیلئے تھا، پنجاب جاودو اور کرپشن پر چل رہا ہے، این ایف سی کو چھیڑا گیا تو نقصان ہو گا، وفاقی حکومت پر جان بوجھ کر کم کورونا ٹیسٹ کا الزام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینیٹ میں نیشنل فنانس کمیشن ایوارڈ میں ترمیم سے متعلق بل پیش کرنے کی تحریک مسترد، سینیٹر بیرسٹر سیف نے کہا، اٹھارہویں ترمیم کوئی صحیفہ نہیں، اس پر ضرور بات ہو گی، اتنی دولت فرعون کے پاس نہیں تھی جتنی اپوزیشن کے پاس ہے، فیصل جاوید بولے، پرانے نظام نے ملک کو کچھ نہیں دیا، اٹھاروویں ترمیم کا جائزہ لیا جا سکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینیٹ اجلاس میں گرما گرمی، سینیٹر مشاہد اللہ حکومت پر برس پڑے، کہا، وزرا کو حقائق کا علم ہی نہیں، سب مسخرے حکومت میں اکٹھے ہو گئے، ملک میں چھ وزیراعظم گھوم رہے ہیں، پتہ نہیں حکومت چل کیسے رہی ہے، کسی میں این ایف سی میں تبدیلی اور اٹھارویں ترمیم ختم کرنے کی جرات نہیں، کچھ عرصے بعد حکومت کی کرپشن کا پتہ چلے گا، بہت سے لوگ جیلوں میں ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارشد پپو قتل کیس میں عزیر بلوچ اعترافی بیان سے مکر گئے، اے ٹی سی  کراچی میں کہا، ان کا کوئی اعترافی بیان ریکارڈ نہیں ہوا، عدالت نے  ریمارکس میں کہا، کل کو اس کیس کے ٹرائل سے بھی مکر جاؤ گے کہ کوئی ٹرائل نہیں ہوا، آئندہ سماعت پر ملزمان پر ترمیمی فرد جرم عائد کرنے کی تاریخ مقرر، پولیس مقابلے میں قتل ہونے والا بابا لاڈلہ سے متعلق پچیس جولائی کو رپورٹ طلب، عدالت نے لندن میں مقیم ملزم حبیب جان بلوچ کو اشتہاری قرار دے دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عیدالاضحیٰ پر ملک بھر میں سات سو مویشی منڈیاں لگیں گی، منڈیاں صبح چھ سے شام سات بجے تک کھلی رہیں گی، شہر کے اندر مویشی منڈی لگانے کی اجازت نہیں ہو گی، اسد عمر کی زیرصدارت لاہور میں نیشنل کمانڈ اینڈ آپریشن سینٹر کا اجلاس، وفاقی وزیر نے کہا، اسمارٹ لاک ڈاؤن سے تین لاکھ افراد کو کورونا سے بچایا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عیدالاضحیٰ اکتیس جولائی کو ہو گی، وفاقی وزیر فواد چودھری اپنے اعلان پر قائم، کہا، صوبائی حکومتوں کو بھی چاند دیکھنے کا کام کرنا ہو گا، امید ہے ہم رویت ہلال کمیٹی کا کام مزید کم کر دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں ڈھائی لاکھ سے زائد کورونا کیسز، ایک روز میں دو ہزار سات سو سے زائد نئے کیسز رپورٹ، مرنے والوں کی مجموعی تعداد پانچ ہزار دو سو سے بڑھ گئی، صرف کراچی میں ساڑھے اناسی ہزار سے زائد کیسز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں ڈھائی لاکھ کورونا کیسز ایک سو سینتیس روز میں رپورٹ ہوئے، پہلے ایک لاکھ کیسز ایک سو تین روز میں سامنے آئے، ایک لاکھ سے ڈھائی لاکھ کیسز صرف چونتیس روز میں رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ایک اذان، بائس شہادتیں، تیرہ جولائی انیس سو اکتیس کے کشمیری شہدا کو قوم کا سلام، دنیا بھر میں کشمیری آج یوم شہدائے کشمیر منا رہے ہیں، حریت قیادت کی اپیل پر مقبوضہ وادی میں مکمل ہڑتال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر کی آزادی کا دن دور نہیں، بھارت سے آزادی تک کشمیریوں کی حمایت جاری رکھیں گے، وزیراعظم عمران خان  کا شہدائے کشمیرکی لازوال قربانیوں کو خراج عقیدت، کہا، کشمیریوں نے بھارتی تسلط سے آزادی کیلئے نسل در نسل جانیں قربان کیں، یہ قربانیاں ہندتوا سوچ کےتحت کشمیریوں کی شناخت ختم کرنے کی بھارتی کوششوں کی ناکامی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کشمیری شہدا کے لہو کا قطرہ بھی معاف نہیں کیا جائے گا، مسلح افواج کا شہدائے کشمیر کو شاندار خراج عقیدت، ڈی جی آئی ایس پی آر نے کہا، یوم شہدائے کشمیر بہادر کشمیریوں کی لازوال قربانیوں کی یاد دلاتا ہے، دہائیوں سے جاری بھارتی مظالم جدوجہد آزادی کو دبانے میں ناکام رہے، کامیابی کشمیریوں کا مقدر ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کا افغان ٹرانزٹ ٹریڈ کیلئے واہگہ بارڈر کھولنے کا فیصلہ، دفتر خارجہ کے مطابق، افغانستان کی برآمدات کیلئے واہگہ بارڈر پندرہ جولائی سے کھولا جائے گا، فیصلہ افغان حکومت کی خصوصی درخواست پر کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں بڑھتے ہوئے پولیو کیسز پر عالمی ادارہ صحت کا پاکستان پر سفری پابندیاں برقرار رکھنے کا فیصلہ، سفری پابندیوں میں تین اکتوبر تک توسیع، رواں سال پاکستان میں پولیو کے ایک سو پانچ کیسز رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر اسد عمر کا دورہ بھی کام نہ آیا، کراچی میں اعلان کے باوجود بجلی کی بندش، اورنگی ٹاؤن، لانڈھی، گلشن حدید، لیاری اور بلدیہ ٹاؤن میں  بجلی غائب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں دودھ فروشوں کی من مانیاں، دودھ کی سرکاری قیمت چورانوے روپے، ایک سو دس روپے میں فروخت جاری، قیمت میں مزید دس روپے اضافے کے اعلان پر کئی دکانیں سیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں پھر رم جھم، موسم خوشگوار، ناظم آباد، نارتھ ناظم آباد، بفر زون، عائشہ منزل، آئی آئی چندریگر روڈ، ایم اے جناح روڈ پر ہلکی بوندا باندی، محکمہ موسمیات کے مطابق، آئندہ پانچ سے چھ روز کراچی میں بارش کا  سلسلہ جاری رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سابق وزیر اطلاعات خیبر پختون خوا شوکت یوسفزئی کا محکمہ اطلاعات میں کرپشن اور بے قاعدگیوں کا اعتراف، کہا، جتنی کرپشن محکمہ اطلاعات میں ہے کسی اور محکمہ میں نہیں، کرپشن ہوتی ہے لیکن بچ کر چلنا پڑتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جعلی اکاؤنٹس کیس میں آصف زرداری کا کلفٹن کراچی میں گھر منجمد کرنے پر نیب کا جواب جمع، جواب میں مؤقف اختیار کیا گیا کہ، گھر کی خریداری کیلئے آصف زرداری کے اسٹینوگرافر کے اکاؤنٹ سے پندرہ کروڑ روپے ادا کیے گئے، آصف زرداری نے گھر خریدنے سے متعلق کوئی جواب نہیں دیا، نیب کی احتساب عدالت سے گھر منجمد کرنے کی توثیق کی استدعا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں بھارتی فورسز کے مظالم، قابض فوج نے مزید دو کشمیریوں کی جان لے لی، کشمیری نوجوانوں کو ضلع اننت ناگ میں نام نہاد سرچ آپریشن کی آڑ میں شہید کیا گیا، گزشتہ چوبیس گھنٹوں میں شہدا کی تعداد پانچ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کشمیریوں کی قربانیاں رائیگاں نہیں جائیں گی، آزادی کا سورج جلد طلوع ہو گا، وزیراعظم آزاد کشمیر راجہ فاروق حیدر کا پیغام، صدر سردار مسعود خان نے کہا، کشمیریوں کی آواز کو دنیا کے ہر ایوان تک پہنچائیں گے، ترجمان دفتر خارجہ نے کہا، بھارتی جبر کشمیریوں کے جذبہ آزادی کو دبانے میں ناکام رہا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 آزادی کشمیریوں کا بنیادی اور پیدائشی حق ہے، سابق صدر آصف زرداری کا یوم شہدائے کشمیر پر پیغام، بلاول بھٹو زرداری نے کہا، نالائق وزیراعظم مسئلہ کشمیر پر بھی اتحاد قائم نہیں کر سکا، اپوزیشن لیڈر شہباز شریف بولے، جموں و کشمیر کے رہنے والوں کی عظیم قربانیاں ناقابل فراموش ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جہالت نے کم سن بچے کی جان لے لی، کوٹ ادو میں مبینہ طور پر جن نکالتے ہوئے عامل نے بچے کو مار ڈالا، پولیس نے مقدمہ درج کر لیا، ملزم کی  گرفتاری کیلئے چھاپے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے تیرہ ملک آگے، نئے کیسز میں پاکستان کا گیارہواں نمبر، ایکٹو کیسز میں پاکستان سے سات ممالک آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان بہت جلد دوسرے ممالک کو وینٹی لیٹرز فراہم کرے گا، وفاقی وزیر فواد چودھری کہتے ہیں، کرغزستان اور عراق نے پاکستانی وینٹی لیٹرز میں دلچسپی کا اظہار کیا، ٹڈی دل کے خاتمے کیلئے ڈرون ٹیکنالوجی سے مدد لیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹڈی دل کے خاتمے کیلئے چھبیس لاکھ ایکڑ پر کنٹرول آپریشن کیا جا چکا ہے، این ایل سی سی کے مطابق، سندھ کے تین اضلاع میں ٹڈی دل کی موجودگی پر ایک ہزار نو سو بتیس ایکڑ پر آپریشن کیا گیا، بلوچستان کے چودہ اضلاع میں  چھ سو پینتیس ایکڑ پر ٹڈیوں کو ختم کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک کروڑ تیس لاکھ سے زائد کیسز، اب تک پانچ لاکھ بہتر ہزار سے زائد افراد زندگی کی بازی ہار گئے، چھہتر لاکھ سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں چونتیس لاکھ تیرہ ہزار سے زائد کورونا کیسز، ہلاکتیں ایک لاکھ سینتیس ہزار سے بڑھ گئیں، بھارت میں آٹھ لاکھ اسی ہزار کے قریب مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساؤتھمپٹن ٹیسٹ، ویسٹ انڈیز نے دلچسپ مقابلے کے بعد انگلینڈ کو شکست دے دی، بلیک ووڈ کے پچانوے رنز نے جیت میں اہم کردار ادا کیا، ویسٹ انڈیز نے چھ وکٹ کے نقصان پر ہدف حاصل کیا، نو وکٹیں حاصل کرنے والے شینن گبریل مین آف دی میچ قرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈراپ کیچز، نو بال، رن آؤٹ بھی مِس، ریویوز میں بھی ویسٹ انڈیز بلے باز  بال بال بچ گئے، پہلے ٹیسٹ میں قسمت بھی ویسٹ انڈیز پر مہربان، انگلینڈ دو سو رن کا دفاع کرنے میں ناکام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساؤتھمپٹن ٹیسٹ میں نئے ریکارڈز، انگلش کپتان بین اسٹوکس ٹیسٹ میں چار ہزار رنز اور ڈیڑھ سو وکٹیں حاصل کرنے والے چھٹے کھلاڑی بن گئے، ٹیسٹ کرکٹ کی تاریخ میں پہلی بار دونوں ٹیموں کے کپتانوں نے میچ میں پانچ پانچ وکٹیں حاصل کیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بال کو کتنی اسپیڈ سے پھینکا، کتنی اسپن ہوئی، کتنا باؤنس تھا اور کتنی طاقت سے شاٹ لگائی، تمام معلومات اب گیند سے ہی ملیں گی، کرکٹ بال بنانے والی کمپنی کوکا بورا نے نئی چپ ٹیکنالوجی متعارف کرا دی، وزیر سائنس اینڈ ٹیکنالوجی فواد چودھری کی پاکستان میں اسمارٹ بال بنانے کی خواہش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہزادہ غریب ہو گیا، امریکہ میں مقیم شہزادہ ہیری کو مالی مشکلات کا سامنا، میڈیا رپورٹس کے مطابق، ہیری خود کو امریکا میں ویسا ہی تنہا محسوس کر رہے ہیں، جیسا میگھن مارکل برطانیہ میں محسوس کرتی تھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست کیلیفورنیا میں امریکی نیوی کے جہاز میں دھماکے کے بعد آگ بھڑک اٹھی، نیول شپ پر سوار سترہ سیلرز اور چار شہری زخمی ہوئے، آگ لگنے کی وجہ معلوم نہ ہو سکی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیپال میں شدید بارشوں نے تباہی مچا دی، چالیس افراد ہلاک، متعدد گھر تباہ، ہزاروں افراد بے گھر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارجنٹائن ایک لاکھ کورونا کیسز والا دنیا کا بائیسواں ملک بن گیا، کورونا کیسز کی مجموعی تعداد ایک لاکھ ایک سو اکسٹھ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا میں مبتلا برازیل کے صدر کی ایوان صدر کے باہر چہل قدمی، برازیلین صدر نے ماسک بھی پہن رکھا تھا، کورونا کو معمولی فلو کہنے پر بولنسارو کو تنقید کا سامنا کرنا پڑا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فلوریڈا میں ماسک  پہننے کیخلاف شہریوں کا احتجاج، مارٹن کاؤنٹی کے رہائشیوں کا ماسک پہننے سے انکار، کہا، ماسک پہننے کی پابندی انفرادی آزادی کے منافی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرکٹ کھیلنے پر پابندی کے خلاف کرکٹر عمر اکمل کی اپیل پر فیصلہ محفوظ، عمر اکمل نے تین سالہ سزا کے خلاف اپیل دائر کی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں پاکستان سپر لیگ کے دس میچوں کی ٹکٹوں کی واپسی، کورئیر سنٹرز پر آنے والے صارفین کو فیس ماسک پہننا لازمی ہو گا، ٹکٹوں کی واپسی کا پہلا مرحلہ پانچ اگست تک جاری رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلش پریمیئر لیگ میں ٹوٹنم کی کامیابی، آرسنل کو دو ایک سے ہرا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 میلان اور نیپولی کا سنسنی خیز میچ دو دو گول سے برابر، اطالوی لیگ میں دونوں کے درمیان یوئیفا کپ میں پہنچنے کی جنگ جاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 پٹرول ڈالنے کی جھنجھٹ، نہ سی این جی ڈلوانے کی زحمت، راولپنڈی کے نوجوانوں نے الیکٹرک رکشہ تیار کر لیا، بیٹری چارج کریں اور بغیر شور کے رکشہ سڑکوں پر دوڑائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیڑھ سو فٹ گہری کھائی میں گرنے والی گائے کو پانچ دن بعد بچا لیا گیا، برطانوی ایئر فورس نے ہیلی کاپٹر کی مدد سے گائے کو کھائی سے باہر نکالا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانوی خاتون کا دھوکہ پکڑا گیا، خاتون نے پندرہ سال تک نابینا ہونے کا ڈھونگ رچایا، حکومت سے دس لاکھ پاؤنڈ کی امدادی رقم بٹوری، حکام نے خاتون کو سی سی ٹی وی فوٹیج میں اخبار پڑھتے دیکھ کر پکڑ لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روسی ملٹری طیارے کے پائلٹ نے کھیت کو رن وے بنا لیا، مٹی پر ایسے طیارہ دوڑایا کے دھول کے بادل فضا میں پھیل گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ٹام ہینکس، جنگ عظیم اور بہت سارا ایکشن، ہالی وڈ کی فلم گرے ہاؤنڈ ایپل ٹی وی پر ریلیز

ویب ڈیسک

See author's posts