پاکستان سمیت دنیا بھر سے آج کی خبریں،مختصر مختصر

وفاقی وزیر علی زیدی کی عزیر بلوچ جے آئی ٹی رپورٹ پر چیف جسٹس سےازخود نوٹس لینے کی اپیل ، کہا ، سندھ حکومت نے نامکمل رپورٹ جاری کی  ، اصل  رپورٹ میں  یوسف بلوچ ، قادر پٹیل ، شرجیل میمن کے نام ہیں،  قادر پٹیل نے رزاق کمانڈو کو مروانے کا ٹاسک دیا ، عزیر بلوچ نے اعتراف کیا کہ آصف زرداری اور فریال تالپور کے کہنے پر سر کی قیمت ختم کی گئی، عزیر بلوچ نے کہا انکشافات کے بعد انہیں جان سے مار دیا جائے گا،جن لوگوں کا قاتلوں میں نام ہے وہ آج بھی پارلیمنٹ میں گھوم رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر علی زیدی کہتے ہیں ، جے آئی ٹی رپورٹ پر  وفاق اور سندھ کے نمائندوں میں اختلاف ہوا، وفاقی نمائندوں نے اپنی رپورٹ جاری کی، رپورٹ میں آئی ایس  آئی، ایم آئی، آئی بی اور رینجرز کے نمائندوں کے دستخط ہیں، جے آئی ٹی رپورٹ میں  صرف جرائم کا ذکر ہے، یہ نہیں بتایا گیا کہ عزیر بلوچ نے کس کے کہنے پر قتل کیے، نبیل گبول نےبھی کہا کہ جے آئی ٹی رپورٹ مکمل نہیں ہے، جے آئی ٹیز رپورٹ میں شامل تمام افراد کے خلاف کارروائی کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تاجر کے اغوا اور قتل کے کیس میں عزیر بلوچ پر فرد جرم عائد ، عزیر بلوچ نے صحت جرم سے انکار کردیا، انسداد دہشت گردی عدالت نے نوٹسز جاری کردیئے، آئندہ سماعت پر گواہوں کو پیش کرنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سانحہ بلدیہ ٹاؤن ، عزیر بلوچ اور نثار مورائی کی جے آئی ٹیز رپورٹس جاری، کیا رپورٹس کے دوورژن ہیں؟ ذرائع کے مطابق عزیر بلوچ کی جے آئی جی رپورٹ میں سیاسی شخصیات کے ملوث ہونے کا حصہ شائع نہیں کیا گیا، عزیر بلوچ کی قائم علی شاہ اور فریال تالپور سے ملاقاتوں کا دعویٰ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایئرمارشل ارشدملک ریٹائرمنٹ کے بعد بھی پی آئی اے کے چیف ایگزیکٹو رہیں گے، وفاقی کابینہ نےتعیناتی کی منظوری دے دی ،وزیراعظم عمران خان کی زیر صدارت کابینہ کا اجلاس ، پائلٹس کی مشکوک ڈگریوں سے متعلق جانچ پڑتال جلد مکمل کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نوازشریف کو توشہ خانہ ریفرنس میں جواب دینے کیلئے آخری مہلت،سترہ اگست تک پیش ہونے کا حکم، طلبی کا اشتہار جاری، عدالت کا کہنا ہے کہ، نوازشریف جان بوجھ کرعدالتی کارروائی سے مفرورہیں، آصف علی زرداری کے وارنٹ گرفتاری نیب کو ارسال، پیش نہ ہونے پرگرفتار کر کے پیش کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہباز شریف کی منی لانڈرنگ کیس میں عبوری ضمانت میں سولہ جولائی تک توسیع، حاضری سے بھی استثنیٰ مل گیا، شہباز شریف کی کورونا رپورٹ تو نیگٹو آگئی ہے پھر عدالت کیوں نہیں آئے؟ لاہور ہائیکورٹ کا استفسار، وکیل نے کہا،شہباز شریف کا ٹیسٹ نیگٹو لیکن ابھی کورونا کی علامات ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آصف علی زرداری اور فریال تالپور پر فرد جرم عائد کرنے کی کارروائی پھر مؤخر، میگا منی لانڈرنگ کیس میں ملزمان پر چوبیس  جولائی کو فرد جرم عائد کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کی سر پرستی میں مافیاز پل رہے ہیں، مسلم لیگ ن کے رہنماؤں کی حکومت پر تنقید، خواجہ آصف نے کہا ، حکومت نے دو سال میں عوام کو جہنم میں دھکیل دیا ، ہم عوام کو اس جہنم سے نکالیں گے، احسن اقبال بولے ، نااہل حکومت کی وجہ سے ملک پیچھے چلا گیا، حکومت کی نااہلی اور کرپشن بے نقاب کرتے رہیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی عثمان ڈار کہتے ہیں، خواجہ آصف نے جب سے دبئی کی نوکری چھوڑی ہے گھبرائے گھبرائے پھرتے ہیں، آج کل ان کا سارا گزارا حکومت پر تنقید سے ہو رہا ہے، ن لیگی قیادت ایڑیاں رگڑرگڑ کرکرپٹ لیڈر کے دفاع میں مصروف ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں مسلسل دوسرے روز بادل برس پڑے، ملیر ہالٹ، یونیورسٹی روڈ اور شارع فیصل پر بوندا باندی ،کل ہونےوالی بارش کے اثرات باقی، سڑکوں اور گلیوں میں بارش کا پانی تاحال جمع،  آندھی اور طوفان سے حادثات میں چار بچوں سمیت نو افراد جاں بحق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہائے بجلی، کراچی کے عوام کی دہائی، لوڈ شیڈنگ کا دورانیہ بارہ گھنٹے تک جا پہنچا، بارش کے بعد کیبل فالٹس کی تعداد میں ریکارڈ اضافہ، بہادرآباد، کوکن سوسائٹی اور دیگر علاقوں میں گیارہ  گھنٹے سے بجلی کی سپلائی معطل ، طارق روڈ، ناظم آباد، نیوکراچی اور شاہ فیصل میں بھی بجلی بند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تحریک انصاف کا کے الیکٹرک کے دفتر کے سامنے مظاہرہ، پی ٹی آئی رہنما عامر لیاقت کہتے ہیں،عمرایوب سے نوٹس لینے کا کہا، انہوں نے کہا میرا کراچی کی بجلی سے کوئی تعلق نہیں ، عمر ایوب تحریک انصاف کو بدنام کررہے ہیں، فردوس شمیم نقوی کا کے الیکٹرک کے خلاف  سپریم کورٹ جانے کااعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی والے لوڈ شیڈنگ کے عذاب میں مبتلا ہیں، رہنما ایم کیوایم عامر خان کہتے ہیں، کے الیکٹرک وزیراعظم  کی بات بھی نہیں سنتی، کنورنوید جمیل بولے، تمام وسائل کے باوجود کے الیکٹرک ضد اور ہٹ دھرمی پر قائم ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں ایم کیوایم لندن کا مبینہ ٹارگٹ کلر زاہد بنگالی گرفتار، پولیس کی ابراہیم حیدری میں کارروائی، ملزم کے قبضے سے اسلحہ برآمد، پولیس کے مطابق، زاہد بنگالی سیاسی مخالفین اور لوگوں کی ٹارگٹ کلنگ میں ملوث ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کیسز میں کمی، چوبیس گھنٹے میں دو ہزار چھ سو اکانوے نئے کیسز ریکارڈ، مجموعی تعداد دو لاکھ چونتیس ہزار سے بڑھ گئی، مزید ستتر مریض دم توڑ گئے، مجموعی تعداد چار ہزار آٹھ سو انتالیس ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کورونا کیسز کی تعداد پچہتر ہزار سے بڑھ گئی، چوبیس گھنٹوں میں چھ سو انتیس کیسز رپورٹ، سندھ میں کورونا سے متاثرہ افراد کی تعداد ستانوے ہزار سے زیادہ ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے نئے اور مجموعی کیسز اور ایک دن میں اموات کے لحاظ سے پاکستان کا دنیا میں بارہواں نمبر، مجموعی اموات میں پاکستان انیسویں نمبر پر پہنچ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر کے اسپتالوں میں بارہ سو ستائیس آکسیجن وینٹی لیٹرز فراہم ، این سی او سی کے مطابق، گلگت بلتستان سو ، آزاد کشمیر اسی ، خیبرپختون خوا کو تین سو بیس وینٹی لیٹرز دیے گئے، پنجاب کو تین سو تیس ، سندھ ستر اور اسلام آباد کو دو سو ستائیس وینٹی لیٹرز فراہم کیے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کارگل جنگ کے ہیرو حوالدار لالک جان شہید کا آج اکیسواں یوم شہادت، لالک جان شہید زخموں کی پرواہ کیےبغیر کئی گھنٹے دشمن کے سامنے سیسہ پلائی دیوار بنے رہے، جرات و بہادری کے اعتراف میں نشان حیدر سے نوازا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہمارے شہدا،، ہمارے ہیرو، پاک فوج کا کارگل جنگ کے ہیروز کیپٹن کرنل شیر خان شہید اور حوالدار لالک جان شہید کو زبردست خراج عقیدت، آرمی چیف جنرل قمر جاوید باجوہ نے کہا، قوم کو اپنے بہادر بیٹوں پر فخر ہے، یادگار شہدا پر خصوصی تقریب، قبروں پر پھولوں کی چادر چڑھائی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کی وجہ سے انتہائی مشکل صورتحال کا سامنا رہا ،مشیر تجارت رزاق داؤد  کہتے ہیں، برآمدات دو ہزار اٹھارہ انیس کے مقابلے صرف چھ  فیصد کم تھیں ، بنگلہ دیش میں سترہ اور بھارت میں چودہ فیصد تک کمی ریکارڈ کی گئی، لاک ڈاؤن کو بروقت ختم کرنا معاشی لحاظ سے اہم فیصلہ تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سونے کی فی تولہ قیمت مزید ایک ہزار روپے بڑھ گئی، ایک تولہ سونا ایک لاکھ پانچ ہزار نو سو روپے کا ہوگیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک کروڑ سترہ لاکھ سے زائد مریض، اموات کی تعداد پانچ لاکھ اکتالیس ہزار سے بڑھ گئی، سڑسٹھ لاکھ ترپن ہزارسے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں بھارتی فوج کے اہلکار اعصابی دباؤ کا شکار ،مقبوضہ کشمیر میں دو بھارتی فوجیوں نے خود کشی کرلی، ایک بھارتی سپاہی نے افسر کو گولی مار کر خود کشی کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آن لائن کلاسز والے غیر ملکی طالبعلم امریکا میں نہیں رہ سکیں گے، غیر ملکی طلبا کو امریکا چھوڑنا ہو گا یا نئے سیمسٹر کیلئے آف لائن کورس لینا ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت کے بعد امریکا بھی چینی ایپلی کیشنز پر پابندی عائد کرنے کا سوچنے لگا، پابندی کی زد میں ٹک ٹاک بھی آئے گی، ٹک ٹاک نے ہانگ کان میں اپنی ایپ بند کرنے کا اعلان کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد سے ٹورنٹو پہنچنے والا پی آئی اے کا فضائی میزبان پراسرار طور پر لاپتہ، فضائی میزبان امیگریشن کے بعد ہوٹل سے غائب ہوگیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

متحدہ عرب امارات کی نئی ایئر لائن ، ایئر عریبیہ ابوظہبی، فلائٹس آپریشن کے لیے تیار، پہلی پرواز چودہ جولائی کو دبئی سے اسکندریہ جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آسٹریلوی ریاست وکٹوریا میں دوبارہ لاک ڈاؤن نافذ کرنے کا فیصلہ ، انتظامیہ کا کہنا ہے کہ جمعرات سے میلبورن اور وکٹوریا کے کچھ علاقوں میں لاک ڈاؤن کر دیا جائے گا، جو چھ ہفتوں تک جاری رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاپان کے جنوب مغربی جزیرے کیوشو میں موسلادھار بارشیں، سیلاب اور مٹی کا تودہ گرنے سے تباہی، ہلاکتوں کی تعداد پچاس تک پہنچ گئی، درجنوں افراد لاپتہ ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی کے جزیرے گیلی پولی میں آگ بھڑک اٹھی، چارسو فائر فائٹرز سمیت جہاز اور  ہیلی کاپٹرز آگ بجھانے میں مصروف

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جمہوریہ چیک میں کم قیمت وینٹی لیٹر تیار، وینٹی لیٹر پانچ دنوں میں تیار کیا گیا،یورپ کےاسپتالوں میں کورونا کے مریضوں کیلئے استعمال کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن میں نرمی کے بعد خریداروں کی واپسی،جاپان کے امیر ترین شخص کی دولت میں انتیس بلین ڈالرز کا اضافہ ، مارچ کے بعد يونيكلو کمپنی کی فروخت میں ترپن فیصد اضافہ

۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبرپختون خوا میں رواں سال دسمبر تک تین بڑے ہائیڈرو پاورمنصوبے مکمل ہوجائیں گے، محکمہ منصوبہ بندی و ترقی کے اجلاس میں بریفنگ، منصوبوں سے ساٹھ میگاواٹ سے ذیادہ بجلی سسٹم میں شامل ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور چڑیا گھر میں لاک ڈاؤن کے دوران چوبیس ننھےمہمانوں کی آمد، تین ماہ کے دوران لامہ اور ہرن سمیت دیگر جانورں کے ہاں بچوں کی پیدائش ہوئی ، چڑیا گھر میں جانوروں کی تعداد ایک سو چون تک پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں بلین ٹریز کے فائدے سامنے آنا شروع ہو گئے ، شہد کی پیداوار بڑھ گئی ، شجرکاری ٹیم کا کہنا ہے کہ ،دوہزار اٹھارہ  میں سات سو پچیس  کلو شہد حاصل کیا ،، جودوہزار بیس میں بڑھ کر تیرہ سو کلو تک پہنچ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹوٹنم انگلش لیگ میں ایورٹن پر بھاری، میزبان ٹیم نے میچ ایک صفر سے جیت لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اطالوی لیگ کے مقابلے میں نیپولی کامیاب ،،، روما کو دو ایک سے شکست دے دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پچیس کروڑ روپے کا بزنس بھی اب ہالی ووڈ کے لئے سپر ہٹ ،، کورونا کے دور میں ہارر فلم ” ریچڈ ” کے بزنس سے سب حیران

About The Author

dailyswail

See author's posts